PDA

توجه ! این یک نسخه آرشیو شده میباشد و در این حالت شما عکسی را مشاهده نمیکنید برای مشاهده کامل متن و عکسها بر روی لینک مقابل کلیک کنید : شعر ترکى


صفحه ها : 1 [2] 3

farhad30
10th December 2011, 10:48 PM
قالا


منیم دیلیم بیر قالا‌دیر،

یادلار اونا دولا بیلمز!

قالا مؤحکم قالا اولماسا،

اؤز یئرینده قالا بیلمز!

***

قارا بولود اؤتوب ،کئچر،

قاسیرغا‌لار اسیب کئچر،

بوران چالیب ،کسیب کئچر،

اوندان بیر داش سالا بیلمز!

***

ای طوطئ شکر شکن!

گیرم شکر داری سخن!

حالوا-حالوا دئمک ایلن،

آغیز شیرین اولا بیلمز!

***

دیلین شکر ، دیلیم بالدی !

سوسدورموسان،دئمه لالدی !!

هر کیم شکردن بال آلدی،

بالین دادین آلا بیلمز!!

***

کیم کی دانار اؤز دیلینی،

نه مسلکی، نه ده دینی!

آنا دیلی قیمتینی،

هئچ کیم گؤزدن سالا بیلمز!

***

بیر یوخ یوز دیل بیلسن ایه ر،

هر بیری- بیر حالوا –شکر ،

آنا دیلی تک، موختصر،

درده چارا قیلا بیلمز!!



(۱۹۹۱-باکی)





Qala


Mənim dilim bir qaladır,

Yadlar ona dola bilməz!

Qala möhkəm qala olmasa,

Öz yerində qala bilməz!

***

Qara bulud ötüb ,keçər,

Qasırğalar əsib keçər,

Boran çalıb ,kəsib keçər,

Ondan bir daş sala bilməz!

***

"Ey tutiye şekkər şekən!

Girəm şekər dari soxən!"*

Halva-halva demək ilən,

Ağız şırin ola bilməz!

***

Dilin şəkər , dilim baldı !

Susdurmusan,demə laldı !!

Hər kim şəkərdən bal aldı,

Balın dadın ala bilməz!!

***

kim ki, danar öz dilini,

Nə məsləki, nə də dini!

Ana dili qiymətini,

Heç kim gözdən sala bilməz!

***

Bir yox yüz dil bilsən əyər,

Hər biri- bir halva –şəkər ,

Ana dili tək, müxtəsər,

Dərdə çara qıla bilməz!!

***

*ey ağzında şəkər xırdalıyan tutu quşu,
tutalım sözlərin şəkər kimidir amma!



(1991-bakı)

farhad30
10th December 2011, 10:50 PM
ایلک درس



اولدوز یئددی یاشیندا

قارا یایلیق باشیندا !

قوشولا‌راق کؤوکبه

یولا دوشدو مکتبه.


****
موعللیم ایلک درسینه ،

باشلایاندا،ترسینه!!

آنا دیلین بوشلادی،

رسمی دیلده باشلادی !

اولدوزون رنگی سولدو،

کؤوکب سئوینجه دولدو!

****
دئدی آچین کیتابی،

ائده ک سوآل-جاوابی.

گلین گؤره ک اوشاق‌لار،

کیم درسی یاخشی آنلار!


چؤره یی گؤسته ره‌ره ک،

اولدوز سؤیه‌دی چؤره ک!

یوخ!!

کؤوکب،سؤیله‌دی نان

اولدوز! ائشید، سن ده قان!!

دئیین گؤره ک ندیر بو؟؟

اولدوز جاواب وئردی سو!

یوخ! کؤوکب سن وئر جاواب!

کؤوکب جاواب وئردی آب!
****

سوسوب دایاندی اولدوز!

اولدوز تک یاندی اولدوز!

****
ائوه دؤ نرکن آنا،

اونو باسدی باغرینا.

آنان قوربانین اولسون ،

نه یازیب ،نه اوخودون؟؟

اولدوز ساکیت دایاندی،

سؤیله مکدن اوتاندی !

یئمک وئریب قوشونا،

گلدی سوفره باشینا.
****

سوآل ائتدی آنا جان !

بو چؤره ک‌دیر،یوخسا نان؟؟

قیزیم البتده چؤره ک!

نه اولوب بیر دئ گؤره ک؟!

بس بو ندیر،سو یا آب؟؟

آنا ، سو وئردی جاواب!

اولدوز گولومسه‌یه‌ره ک،

تکرار ائتدی سو-چؤره ک!

****
قاچیب قفس باشینا،

اوزون توتدو قوشونا،

آنا م دوزون سؤیله میش!

موعللیم سهو ائیله میش!!

یا چاشیب ،یا آزیب‌دیر!!

یا کیتاب سهو یازیب‌دیر!!


اورمو-۱۳۷۲



نوشته شده توسط کریم گول اندام



Ilk dərs



ULDUZ yeddi yaşında
Qara yaylıq başında !

Qoşularaq KÖVKƏBə

Yola düşdü məktəbə.
****

Müəllim ilk dərsinə ,

Başlayanda,tərsinə!!

Ana dilin boşladı,

Rəsmi dildə başladı !

ULDUZun rəngi soldu,

KÖVKƏB sevincə doldu!
****

Dedi açın kitabı,

Edək sual-cavabı.

Gəlin görək üşaqlar,

Kim dərsi yaxşı anlar!

Çörəyi göstərərək,

ULDUZ söyədi ÇÖRƏK!

Yox!!

KÖVKƏB,soylədi NAN

ULDUZ! Eşid, sən də qan!!

Deyin görək nədir bu??

ULDUZ cavab verdi SU!

Yox! KÖVKƏB sən ver cavab!

KÖVKƏB cavab verdi AB!
****
Susub dayandı ULDUZ!

Ulduz tək yandı ULDUZ!
****
Evə donərkən ana,

Onu basdı bağrına.

Anan qurbanın olsun ,

Nə yazıb ,nə oxudun??

ULDUZ sakit dayandı,

Söyləməkdən utandı !

Yemək verib quşuna,

Gəldi süfrə başına.
****
Sual etdi ana can !

Bu ÇÖRƏKdir,yoxsa NAN??

Qızım əlbətdə ÇÖRƏK!

Nə olub bir de görək?!

Bəs bu nədir,SU ya AB??

Ana , SU verdi cavab!

ULDUZ gülümsəyərək,

Təkrar etdi SU-ÇÖRƏK!
****
Qaçıb qəfəs başına,

Üzün tutdu quşuna,

Anam duzun söyləmiş!

Müəllim səhv eyləmiş!!

Ya çaşıb ,ya azıbdır!!

Ya kitab səhv yazıbdır!!


1372-urmu

farhad30
10th December 2011, 10:51 PM
وطنداش-Vətəndaş ([Only registered and activated users can see links])

وطنداش





دئییرلر یاشاماق یامان خوش گلیر!

یاشایا بیلمیرم،یوخسا ناشی یام؟؟

آددیم باشی منه اؤلوم توش گلیر!

بؤیله بیر اؤلکه‌نین وطنداشی یام!

*****
یئرلر چات-چات اولموش دوداقلار کیمی،

میللت آلدادیلمیش اوشاقلار کیمی ،!

دؤولت یئر کؤشله میش قوناقلار کیمی!!

آج بیر عائله‌نین بؤیوک باشی یام !

بؤیله بیر اؤلکه‌نین وطنداشی یام!

*****
ایشله یه‌نین حاقی تالانا گئدیر!

وعده لرین چوخو یالانا گئدیر !

بؤیله بو مملکت یولونا گئدیر!

باشیمی ،فورصتیم یوخدور قاشی یام!

بؤیله بیر اؤلکه‌نین وطنداشی یام!!

*****
مدنیت گئتدی بیز قالدیق گئری!!

نه دین یئری قالدی،نه ، اخلاق یئری!

باطینده اؤلویوک، ظاهیرده دیری !،

دردین دوستو،غمین آرخاداشی یام!

بؤیله بیر اؤلکه‌نین وطنداشی یام!

*****
شیطان میدان اوخور بوردا آللاها!

ایماندان نیشانا قالمادی داها!

مین رحمت تون-به تون دوشن او شاها!

شیطان‌لار ایچینده گره ک یاشی یام!!

بؤیله بیر اؤلکه‌نین وطنداشی یام!


*****
صاغیر یول گؤستریر کبیردن بتر!!

آزاد داردا قالمیش اسیردن بتر!

یاشاماق عذاب‌دیر، قبیردن بتر!

حیات آغیر یوک‌دور گره ک داشی یام!!

بؤیله بیر اولکه‌نین وطنداشی یام!!



اورمو -۱۳۸۱





Vətəndaş



Deyirlər yaşamaq yaman xoş gəlir!

Yaşaya bilmirəm,yoxsa naşıyam??

Addim başı mənə ölüm tuş gəlir!

Böylə bir ölkənin vətəndaşıyam!

*****
Yerlər çat-çat olmuş dodaqlar kimi,

Millət aldadılmiş üşaqlar kimi ,!

Dövlət yer köşləmiş qonaqlar kimi!!

Ac bir ailənin böyük başıyam !

Boylə bir ölkənin vətəndaşıyam!

*****
Işəlyənin haqqı talana gedir!

Vədələrin çoxu yalana gedir !

Böylə bu məmləkət yoluna gedir!

Başımı ,fürsətim yoxdur qaşıyam!

Böylə bir ölkənin vətəndaşıyam!!

*****
Mədəniyyət getdi biz qaldıq geri!!

Nə din yeri qaldı,nə , əxlaq yeri!

Batində ölüyük, zahirdə diri !,

Dərdin dostu,qəmin arxadaşıyam!

Böylə bir ölkənin vətəndaşıyam!

*****
Şeytan meydan oxur burda allaha!

Imandan nişana qalmadı daha!

Min rəhmət tün-bə tün düşən o şaha!

Şeytanlar içində gərək yaşıyam!!

Böylə bir ölkənin vətəndaşıyam!

*****

Sağır yol göstərir kəbirdən bətər!!

Azad darda qalmış əsirdən bətər!

Yaşamaq əzabdır, qəbirdən bətər!

Həyat ağır yükdür gərək daşıyam!!

Böylə bir olkənin vatəndaşıyam!!


Urmu -1381

نوشته شده توسط کریم گول اندام

farhad30
10th December 2011, 10:52 PM
سورغو-سئوال-Sorğu-sual ([Only registered and activated users can see links])






سورغو-سئوال






ایشیق، قاماشیق،


سولغون اوز،


یورغون گؤز.


سیقارا باشیندا کؤز،


کولقابی‌سی دری !


سؤندورور بیری،


یاندیریر بیری!


قوزغون‌لار جایناغیندا ،


یارا‌لی شیکار.


کونوشا ن کابیل !


سوسان ، سوسامیش دوداقلار!


سویوق تر ایچینده بدن،


اود ایچینده، آیاق‌لار!


قافادا مین کآبوس،


جان دئییر : سؤیله!


ووجدان دئییر : سوس!




۱۳۸۴-اورمو


Sorğu-sual


Işıq qamaşıq,

Solğun üz,

Yorğun göz.

Siqara başında köz,

Kulqabısı dəri !

Söndürür biri,

Yandırır biri!

Quzğunlar caynağında ,

Yaralı şikar.

Konuşa nkabıl !

Susan susamış dodaqlar!

soyuq tər içində bədən,

od içində ayaqlar!

Qafada min kabus,

Can deyier : söylə!

Vücdan deyir : sus!


1384-urmu

نوشته شده توسط کریم گول اندام

farhad30
10th December 2011, 10:54 PM
چیپلاق گلیره م!-Çıplaq gəlirəm ([Only registered and activated users can see links])

چیپلاق گلیره م!
--------------


چیپلاق گلیره م !


قان ایله،جان آراسیندان!

آمان،

زهرلنمه‌سین توپراق،

کدرلنمه‌سین سو!

ان چوخ ایسته دیگیم بو.

بیرده،

جی یرلریم توتومو قده ر،

تمیز هاوا‌دان،

و گیله‌لریم دولوسو منه،

آچیق سما‌دان پای،

و یئرده ،

بئشیک بویونجا دینجلیک!،

دویونجا،

آنامین دیلینده لای-لای ایسته رم!!


******
چیپلاق گلیره م !


آییرین منیم اکمک دن،

مکتب‌دن،

و کیتاب‌دان پاییمی!

گؤسته رین منه،

شان یاشیداولان‌لاریمدان تاییمی!

قویون قول‌لارین آچسین ،

اوزومه گولوب،

گونشه دوغرو دایانان پئنجره‌لر،

ساکیت بیر ائو چرچیوه‌سینده.

و عطرینی ساچسین گونده-گونده،

باخچامیزدان دریلمیش،

گونش رنگ‌لی بیر چیچک

بیاض اؤرپک‌لی ماسامین اوستونده!



منه یئتر باشیمی دیک توتوب،

قیزلار سیراسیندا ،

قادینلیغیمی بکله مک!

و یا خود، اوغلان‌لار جرگه‌سینده ،

سسلندیگیم بیر ائرکک!

******

چیپلاق گلیره م!


قورخوتماسین منی،

تورشلوغا بولاشان بولوت‌لار!

مئیدان اوخویان قانلی دؤیوش‌لر!

نه خرچنگه ،نه آیدز!

حده لمه سین منی ،

نه گیزلی پولیس،نه محکمه،نه باسین*!



ائی اینسان‌لار قولاق آسین!

بیرکره ایشیق اوزو گؤرمه‌یه

هامییا باش ایه-ایه !

چیپلاق گلیره م!

*باسین=مطبوعات
اورمو-



۱۳۸۲




Çıplaq gəlirəm!
---------------

Çıplaq gəlirəm !

Qan ilə,can arasından!

Aman,
Zəhərlənməsin topraq,

Kədərlənməsin su!

ən çox istədiyim bu.

Birdə,
Ciyərlərim tutumu qədər,

təmiz havadan,

və gilələrim dolusu mənə,

açıq səmadan pay,

və yerdə ,

beşik boyunca dinclik!,

Doyunca,

Anamın dilində lay-lay istərəm!!

*******
Çıplaq gəlirəm !


Ayirin mənim əkməkdən,

Məktəbdən,

Və kitabdan payımı!

Göstərin mənə,

şən yaşıd olanlarımdan tayımı!

Qoyun qolların açsin ,

üzümə gülüb,

günəşə doğru dayanan pencərələr,

sakit bir ev çərçivəsində.

Və ətrini saçsin gündə-gündə,

Baxçamızdan dərilmiş,

günəş rəngli bir çiçək

Bəyaz örpəkli masamın üstündə!

Mənə yetər başımı dik tutub,

Qızlar sırasında ,

Qadınlığımı bəkləmək!

Və ya xod, oğlanlar cərgəsində ,

səsləndiyim bir erkək!

******

Çıplaq gəlirəm!

Qorxutmasın məni,

turşluğa bulaşan bulutlar!

Meydan oxuyan qanlı döyüşlər!

Nə xərçəngə ,nə aydz!

Hədələməsin məni ,

nə gizli polis,nə məhkəmə,nə basın!

Ey insanlar qulaq asın!

Bir kərə işiq üzü görməyə

Hamıya baş əyə-əyə !

Çıplaq gəlirəm!


Urmu-1382
نوشته شده توسط کریم گول اندام

farhad30
10th December 2011, 10:55 PM
یئنی‌دن دوغوش-Yenidən doğuş ([Only registered and activated users can see links])


یئنی‌دن دوغوش



بیرلیکده ،

آیریلیقدا ،

زامان‌دان بیر آن

قاپا‌لی گؤزلر ایله
اؤلومو گؤره جه ییک!

بیر شئی‌لر دوزه‌له‌جک سونرا
توپراغیمیزدان!

من‌دن بیر کرپیچ،

سن‌دن بیر گولدان!

سووارلا‌ناجاقسان سن،

عؤمورلوک گؤز یاشلاری ایله
آلیشدیغین ایچون!

و آلوولاناجاغام من،

بیر شومینه‌ده،

عشق اودو ایله بؤیله آلیشیب ،

قاریشدیغیم ایچون!

اود وار ، سو وار توپراق وار

ایکیمیز،ایچیمیزده

بیرجه مدد قیلایدی ایچیمیزدن بیر دیلک،

بلکه باش قالدیرایدی،

هاوادا آزغین کولک!

اودو آلیب سالایدی ،

بیرده سویون جانینا !

سویو دا توپراغا قاریشدیرایدی!

ترسینه فیرلادیب بو کائیناتی!

اولدوزلاریمیزی باریشدیرایدی!


۱۳۹۰-اورمو





Yenidən doğuş


Birlikdə ,

Ayrılıqda ,
Zamandan bir an

Qapalı gözlər ilə ölümü görəcəyik!

Bir şeylər düzələcək sonra toprağımızdan!

Məndən bir kərpiç,

Səndən bir güldan!

Suvarılacaqsan sən,

Ömürlük göz yaşları ilə alışdığın içün!

Və alovlanacağam mən,

Bir şominədə,

Eşq odu ilə böylə alışıb ,

Qarışdığım içün!

Od var , su var topraq var

ikimiz, içimizdə!

Bircə mədəd qılaydı içimizdən bir dilək,

Bəlkə baş qaldıraydı,

havada azğın külək!

Odo alıb salaydı ,

Birdə suyun canına !

Suyu da toprağa qarışdıraydı!

Tərsinə firladıb bu kainatı!

Ulduzlarımızı barışdıraydı!

1390-urmu
نوشته شده توسط کریم گول اندام

farhad30
13th December 2011, 02:30 PM
اوجورکی داغلاری گؤردون اوجوردا دوزلری گؤر
یئرین اوزونده سریلمیش گئنیش دنیزلری گؤر
یاپیش سن اللریمیزدن چیخارد او زیروه لره
دالینجا چوخلو سورونموش قابارلی دیزلری گؤر
گویون اوزونده گزیرسن گؤزل ملک لرینن
یئرینده حالینی یوخلا بو خسته گؤزلری گؤر
قازاندیغین او ایشیقدان بیر ایستکان وئر ایچک
بیزیم قارانلیغا باش چک بیر آزدا بیزلری گؤر
هنر دگیل که همیشه آغ اوزلودن یازاسان
بیر آزدا سن قره گونده سارالمیش اوزلری گؤر
دئمه کثیف دی بو عالم صفاسی یوخدو اوتور
گزیپ دولان سن ایچینده ایچی تمیزلری گؤر
زامان اؤتوب بیزی کئچدی پوزولدو احوالیمیز
خریطه لرده سیلینمیش او آشکار ایزلری گؤر
ارشد محمدی

farhad30
13th December 2011, 02:30 PM
يئني بير جغرافيا بیر دایاز گول
بیر آلچاق تپه
بیر ثمرسیز آغاج ؛ بوتاقلاریندا قارقا یوواسی
تیکان کول لاري؛ دیبینده زهرلی ایلانلار کوک سالمیش
بو رسمی پؤزمالی یام
پنجره می آچیب،
باتیا، دوغویا باخیب،
اؤزومه؛
یئنی بیر جغرافیا یازمالی یام.
بیر دنیز چکمه لی یم؛ اوجسوز بوجاقسیز
اؤزرینده یئب یئکه گمی لر گئدیب گلمه ده
بیر اوجا داغ هورمه لی یم
باشی گؤی لره دایانمیش
باشیندا قارتال لار قاناد چالمادا
اته گینده چایلار جوشوب آخمادا
و یام یاشیل آغاجلار
اورمان کیمی هر یانی بوریوب آلتنا آلمادا
***
تاریخیمی ده یئنی دن یازمالی یام
یئنی آبده لر
درین دوشونجه لره عاید نئچه یاراشیق لی تنديس
انسانا اویقون بیر تانری
بیر تازه نفس رسول، آغزیندا یئنی موشتولوق
و آرا- سیرا نئچه جانلی حادثه
بیر ظفر قازانمالی یام
یئنی بیر تاریخ یازمالی یام
ارشد محمدی ( آخشام)

Rojaa
13th December 2011, 02:41 PM
دیدیم:ای غنچه دهن ،کونلومی قان ایله میسن
دیدی:«بیجا یره عشقمده فغان ایله میسن»
دیدیم:انصاف ایله اینجیتمه منی عاشقینم
دیدی:«گیت،سریمی دنیایه عیان ایله میسن »
دیدیم:آغلاتما منی سرو بویون شوقینده
دیدی:«گوزیاشینی بیهوده روان ایله میسن»
دیدیم:آخر گوزلیم ،باغ و بهاریم سن سن
دیدی:«سن عمرینی حسرتله خزان ایله میسن»
دیدیم:آز چکمه میشم گوزلرینین حسرتینی
دیدی:« ئوز کونلونی یر سز نگران ایله میسن»
دیدیم:عشقینده اسیرم ،منه بس خیری نه در؟
دیدی:«اولده بو سوداده زیان ایله میسن»
دیدیم:عشق آتشی نیلر منه ؟قورخان دگلم
دیدی:«بیچاره ،یانارسان،نه گمان ایله میسن ؟»
دیدیم:ای گل ،من ازلدن ده گوزه ل عاشقیم
دیدی:«سن روحینی عشق ایله جوان ایله میسن
دیدیم:هر گون سر کویینده دولانماقدر ایشیم
دیدی:«واحد،نه گوزه ل یرده مکان ایله میسن»

FLOoRiA
13th December 2011, 02:52 PM
بو غریب شهرده بوجاغلارا باخ

شعیر دفتریمده وراغلارا باخ

اویمده تک به تک اوتاغلارا باخ

گورسن کی من یوخام آختارما منی



چکنده شکلیمی گوزونده یاش چک

اونون یانیندا بیر اوره یی داش چک

سنیله گزدیغیم یرلره باش چک

گورسن کی من یوخام آختارما منی



اولجه یادیندا هاردا دانشد یخ؟

بیر ذره کوزونن یاندیخ آلشد یخ؟

گت همن یره کی اوردا تانشد یخ

گورسن کی من یوخام آختارما منی


آرزیلار مهرانین اوچوب باشینا

اولوم بیردن بیره چخدی قارشینا

یازیبلار بو سوزی قیبر داشینا

گورسن کی من یوخام آختارما منی

..saeed..
13th December 2011, 03:37 PM
دده قورقوت چوخ یاشا.سنین کیمی ایگتلره بیز افتخار ایلیریخ.

farhad30
13th December 2011, 10:52 PM
آز یاز چوخ درین یاز ،چوخ یازما دایاز!



سئوگی


بادام گؤزلولری چوخ سئوه‌جه‌یم!!

گونش ساچلی‌لاری دا!

***از* دوداقلی اسمرلری ده!!

بیرجه ،

قوروسایدی قارا دریلی چوجوقلارین،

ایسلاق گؤزلری،

چؤره کدن ساری !!







Az yaz çox dərin yaz ,çox yazma dayaz!



sevgi


Badam gözlüləri çox sevəcəyəm!!

Günəş saçlıları da!

Kiraz* dodaqlı əsmərləri də!!

Bircə ,

Qurusaydı qara dərili çocuqların,

Islaq gözləri,

Çörəkdən sarı !!

1390-urmu

*kiraz=qırmızı

نوشته شده توسط کریم گول اندام

sohrab-D
13th December 2011, 11:12 PM
ایسترم گوزلریوین نقشینی تصویره چکم؛نیلییم سنسیزعزیزیم یکه دنیاده تکم؛سن منیم نازلی گولومسن؛گوزلیم دردین آلیم.اوزون انصاف ایله سنسیزنجه دنیاده قالم.

farhad30
13th December 2011, 11:28 PM
دلبرا گل سؤیله یک جان، سن منیم چون، من سنین چون

کشف ائدک هر درده درمان، سن منیم چون، من سنین چون

گل کئچک جسم ایله جاندان، باش وئره ک عشقین یولوندا

ائله یک دونیانی قوربان سن منیم چون، من سنین چون

کؤز چکیب عشقین اودوندان، قوورولاق وصل آتشینده

گاه یانیم من، گاهدا سن یان، سن منیم چون، من سنین چون

من وفالرله وئریم جان، سن صفالرله سلاحلان

گل آچاق عشق ایچره میدان، سن منیم چون، من سنین چون

آغلاییم شبنم کیمی من، سن گؤلومسه غنچه گول تک

گل اولاق گولزارا مهمان، سن منیم چون، من سنین چون

«عارف»م، هر لال باخیشدا ائیله یک ظاهر محبت

کشف ائدک سئودانی هر آن، سن منیم چون، من سنین چون.

♥NEGAR♥
15th December 2011, 10:52 AM
سن اوسان منده بو یام
سو دییب دیر منه اولده آنام آب کی یوخ
یوخی اویرتی اوشاقلیقدا منه خواب کی یوخ
ایلک دفعه چوره ک وردی منه نان دئمه دی
ازلیندن منه دوز دانه نمک دان دئمه دی
آنام اختر دئمه یب دیر اولدوز دییب او
سو دوناندا دئمه یب یخدی بالا بوز دییب او
قار دئیب برف دئمه یب دست دئمه یب ال دییب او
منه هچواخت بیا سویله مه یب گل دییب او
یاخشی خاطرلاییرام یاز گونی آخشام چاغیلار
باخچانین گون باتانیندا کی الیخچین یاییلار
گل دئیر دی داراییم باشووی ای نازلی بالام
گئلمه سن گر باجیوین آستاج زولفون دارارام
اودئمه زدی کی بیا شانه زنم بر سر تو
گر نیایی بزنم شانه سر خواهر تو
بلی داش یاغسادا گویدن سن اوسان منده بویام
وار سنین باشقا آنان واردی منیم باشقا آنام
اوزومه مخصوص اولان باشقا ائلیم واردی منیم
ائلیمه مخصوص اولان باشقا دیلیم واردی منیم
ایسته سن قارداش اولاق بیر یاشایاق بیرلیک ائده ک
وئریب ال قول قولا بوندان سونرا بیر یولدا گئده ک
اولا" اوزگه ئولکلرله گرک آخمایاسان
ثانیا" والیقیما خالقیما خور باخمایاسان
یوخسا گر زور دییه سن میللتیمی خوار ائده سن
گون گئلر صفحه دونه ر مجبور اولارسان گئده سن
دکتر زهتابی
۲۲ آذر ۱۳۲۵ تبریز

farhad30
22nd December 2011, 10:43 PM
نئاندیرتال بابام اودو جیلوولادی
تورونوم بیر ایز بوراخدی آی اولدوزدا
او دؤنمدن بو دؤنه مه
تاپانمادیغیم چؤره یین حسرتینده
گئجه-گوندوز تاپیندیغیم امدادسیز تانریلار اولدو!
چوبانلیقدان، سولطانلیغا یوکسه لینجه
دمیر بیشدی، قیلینج گزدی دامارلاردا
بولاق جوشدو آنلیمیزدان
باغری یارا تورپاقلاردا دن بوخچاسی توتدو سونبول!
منیم پاییم آج نسیلیمین یوخوسوندا
بیر تیکه چؤره ک قوخوسو
20-نجی عصرین خرچنگه سی جانیمیزین سوفره سینه سپه لندی
نه بیر چؤره ک، نه بیر تانری نه بیر اومود
نه بیر علاج
طالعه باخ!
دوغولمادان اؤنجه اولموش
بو الی بوش! بو قارنی آج!
کریم گل اندام

FLOoRiA
22nd December 2011, 10:49 PM
بیر اوزو گول ، رنگی لاله ، زلفو تر
گشته چیخیب ، دره ر تازه بنؤوشه
دسته – دسته سانجیب بوخاغ یانینا
یاراشیبدیر او شاهبازا بنؤوشه

..saeed..
22nd December 2011, 11:15 PM
نئچه دیل بیله نه،نئچه اینسان دئیلر
اوز دیلین بیلمی ینه نئجه اینسان دئیلر؟
(معنی:به کسی که چند زبان میداند چند انسان میگویند ولی به کسی که زبان خود را نمیداند چطور میشه انشان گفت؟!!!

..saeed..
22nd December 2011, 11:18 PM
تورکون دیلی تک بیر سوگیلی دیل اولا بیلمز

بو دیلی هر دیله قاتسان اصیل دیل اولا بیلمز

DEAD SPACE
29th December 2011, 04:25 PM
ایول خوب بود ولی ای کاش با زیر نویس فارسی داشتnish

farhad30
29th December 2011, 11:37 PM
هئچ منی سئومه دین کی!

-----------------------------------------------------------------------

هانی سنی چیلقین سئوه ن ایللریم؟

گؤردون نئجه بوشا چیخدی اللریم؟!

اوره ییمده غؤور ائتدی ،نیسکیل‌لریم!

هئچ منی سئومه دین کی!!

*****
آدین گلدی قولاقلاریم چیله‌دی،*

کؤنلوم یئنه گؤروشونو دیله‌دی،

سئودا منی ایللر یولدان ائله‌دی،

سن کؤنول وئرمه دین کی!،

هئچ منی سئومه دین کی!!

*****
هاردا گؤزوم گؤزلرینه ساتاشدی،

باخیش‌لاریم اوتاندیقدان قاماشدی!

رنگیم قاچدی،هم ده دیلیم دولاشدی!

سن بونو بیلمه دین کی!!

هئچ منی سئومه دین کی!!
*****

گؤردون نئجه سنین عشقین آل* اولدو؟؟

جیگریمده ورم اولدو، خال اولدو؟!

دردین منه چوخ باهایا مال اولدو!

بیر گلیب گؤرمه دین کی!!

هئچ منی سئومه دین کی!!
*****

بیر من اولدوم ،بیر قافلان ،بیر باغ اولدو!

غم قالاندی سینم اوسته داغ اولدو،

سن گئده‌لی پرگاریمیز داغیلدی !

گل دئدیم گلمه دین کی!!

هئچ منی سئومه دین کی!!

* چیله مک=جینگیلده مک
* آل=حیله-یالان

۱۳۹۰-اورمو





Heç məni sevmədin ki!

------------------------------------------------------------------------

Hani səni çılqın sevən illərim?

Gördün necə boşa çıxdı əllərim?!

Ürəyimdə ğövr etdi ,nisgillərim!

Heç məni sevmədin ki!!

*****
Adın gəldi qulaqlarım çilədi,

Könlüm yenə görüşünü dilədi,

Sevda məni illər yoldan elədi,

Sən könül vermədin ki!,

Heç məni sevmədin ki!!

*****
Harda gözüm gözlərinə sataşdı,

Baxışlarım utandıqdan qamaşdı!

Rəngim qaçdı,həm də dilim dolaşdı!

sən bunu bilmədin ki!!

heç məmi sevmədin ki!!
*****

Gördün necə sənin eşqin al oldu??

Ciyərimdə vərəm oldu, xal oldu?!

Dərdin mənə çox bahaya mal oldu!

Bir gəlib görmədin ki!!

Heç məni sevmədin ki!!

*****
Bir mən oldum ,bir QAFLAN ,bir bağ oldu!

Qəm qalandı sinəm üstə dağ oldu,

Sən gedəli pərgarımız dağıldı !

Gəl dedim gəlmədin ki!!

Heç məni sevmədin ki!!


1390-urmu
نوشته شده توسط کریم گول اندام

farhad30
29th December 2011, 11:38 PM
خوشباخت


ایستر یئر کوره‌سینده،

دونیانین نره‌سینده

اولورسان ،اول.

کیمسه سنی بیر زامان ،

خاطیرلاییب ،آنیرسا،

کیمسه‌نین قلبی ،روحو ،

نبضی، سنی دویاندا-

هیجانلا چالیرسا!

گیزلی بیر محببتی،

اؤز ایچینده بئجریب،

هردن یادا سالیرسا !

دئمه‌لی بو دویانین

بیر خوشباختی دا سن –سن!!





xoşbaxt

Istər yer kürəsində,

Dünyanın nərəsində

Olursan ,ol.

Kimsə səni bir zaman ,

Xatırlayıb ,anırsa,

Kimsənin qəlbi ,ruhu ,

Nəbzi, səni duyanda-

Həyəcanla çalırsa!

Gizli bir məhəbbəti,

Öz içində becərib,

Hərdən yada salırsa !

Deməli bu düyanin

Bir xoşbaxtı da sən –sən!!


1390-urmu

نوشته شده توسط کریم گول اندام

farhad30
29th December 2011, 11:38 PM
بیر


هر شئی بیردن عبارت‌دیر!

بیر وارلیق وار ،

بیر دونیامیز!

بیر یول گلیب،

بیر یول گئدیریک دونیا‌دان!

ایللر بیر –بیر ،آیلار بیر-بیر،

اؤتوب ،گئدیر!

گون‌لر بیر-بیر ،

باتیب ،گئدیر!

بیرساعاتداکی دیقه‌له،

بیردیقه‌ده ثانییه‌لر ،

بیرثانییه‌ده لحظه‌لر،

بیر-بیر گلیب،

بیر-بیر اؤتر!

هر شئی بیردن عبارت‌دیر!

بیر ،
بیزی –بیزدن آلا‌جاق!

بیر،

قالا‌جاق!


ازل-ابد آراسیندا ،

گیزلی بیر تدبیر قالا‌جاق!

اورمو-۱۳۸۰





Bir

Hər şey birdən ibarətdir!

Bir varlıq var ,

Bir dünyamız!

Bir yol gəlib,

Bir yol gedirik dünyadan!

Illər bir –bir ,aylar bir-bir,

Otüb ,gedir!

Günlər bir-bir ,

Batıb ,gedir!

Bir saatdaki dəyqələr,

Bir dəyqədə saniyələr ,

Bir Saniyədə ləhzələr,

Bir-bir gəlib,

Bir-bir ötər!

Hər şey birdən ibarətdir!

Bir ,
bizi –bizdən alacaq!

Bir،
qalacaq!

əzəl-əbəd arasında ,

gizli bir tədbir qalacaq!

1380-urmu

نوشته شده توسط کریم گول اندام

farhad30
29th December 2011, 11:39 PM
کؤلگه

کؤلگه‌لره حؤرمتیم وار!،

یورولمادیق‌لاری ایچون!
هر یئرده اولدوق‌لاری ایچون!


کؤلگه‌لره نیفرتیم وار!،

تابع اولدوق‌لاری ایچون!،

قارانلیقدا

بیزی تک قویدوق‌لاری ایچون!!



۱۳۸۴-اورمو





Kölgə


Kölgələrə hörmətim var!,

Yorulmadiqları içün!

Hər yerdə olduqları içün!


Kölgələrə nifrətim var!,

Tabe olduqları içün!,

Qaranlıqda

Bizi tək qoyduqları içün!!


1384-urmu
نوشته شده توسط کریم گول اندام

farhad30
29th December 2011, 11:40 PM
آینا


گؤزلرین آینام اولایدی ،

دویونجا باخا بیلئیدیم!

دوداق‌لارین بیر قیزیل گول،

قوخسولاییب-قوخسولاییب،

سینمه تاخا بیلئیدیم!

ائی منه هر کیم‌دن عزیز

سن اولایدین درین دنیز،

من ده سرین بولاق کیمی،

سالایدیم ایز،قلبینه آخا بیلئیدیم!

آرزویا باخ اوره ییمده!

هئچ اولماسا سنله بیرده،

بیر کوچه‌نین دؤنومونده،

اوز-اوزه چیخا بیلئیدیم!

گؤزلرین آینام اولایدی،

دویونجا باخا بیلئیدیم!!


اورمو-۱۳۹۰







Ayna


Gözlərin aynam olaydı ,

Doyunca baxa bileydim!

Dodaqların bir qızıl gül,

Qoxsulayıb-qoxsulayıb,

Sinəmə taxa bileydim!

Ey mənə hər kimdən əziz

Sən olaydın dərin dəniz,

Mən də sərin bulaq kimi,

Salaydim iz,qəlbinə axa bileydim!

Arzuya bax ürəyimdə!

Heç olmasa sənlə birdə,

Bir küçənin dönümündə,

Üz-üzə çıxa bileydim!

Gözlərin aynam olaydı,

Doyunca baxa bileydim!!


1390-urmu
نوشته شده توسط کریم گول اندام

farhad30
29th December 2011, 11:42 PM
هر مزاردا من ایدیم!


آفریقا‌لی دئییلم

لاکین،آمئریکانین ایلکین قورولوشوندا،

ساکیت اوکیان بویو

قامچی‌لارین آجی‌سی

حالا کوره ییمده‌دیر!

*****

اوزاق شرقه گلدیکده،

چین سددی چکیلنده

او جان‌لی ایسکیلئت‌لر

خنده‌یه تؤکولنده،

یقین اوردایدیم من ده!!

*****

آوروپا‌لی دئییلم!

جوردانو برونو-یا

قورولان تونقال‌لاردا

من یانیب کول اولموشام!

ژان دارکی سورغولایان،

گیزلی محکمه‌لرده،

من اؤلومجول اولموشام!

*****

دئییرلر واتئرلو-دا

ناپئلیون آغلامیشدی

منیم گؤز یاش‌لاریمدان

خبری اولمامیشدی؟!

آشوویتس-ین کوره‌سی،

جان یاغیمی اریتدی!

۴۰- میلیون دوشونه‌نین

اوزونو تورپاق اؤتدو!

هر مزاردا من ایدیم!،

هر سؤکولن اورکده،

هر آخان داملا قاندا،

روسیه‌ده،مجاردا،

بولغاردا،لهیستاندا

منیم گؤزوم باخیردی ،

دونیانی دیدن‌لرین،

آزغین باخیش‌لارینا!،

اینسان گؤوده‌سی اوسته،

قابار-قابار کؤپسوین ،

قان‌لی ناخیش‌لارینا!!


****

دوغودا دوغولموشام!

دایم فیسونکار اولوب،

قان ایچینده دوغولوب،

تر ایچینده بوغولوب!

چئنگیزین یاساسیلا،

باغدادی فتح ائتمیشم،

تئیمورون قیلینجیلا،

هیندوستانا گئتمیشم!

اونلار منیم باشیمدان ،

میناره‌له تیکیب‌دیر!

بوغازیما ارینمیش ،

قورغوشون‌لار تؤکوب‌دور!

*****

غززه-نین حیجله‌لری،

منیم قانیمدان آلمیش

حناسینین رنگینی!

برئست-ین قالاسیندا،

آلمان منیم اوستومه،

شوشله میش توفنگینی !

مجنون آداسیندا‌دیر،

ایتکین دوشموش نیشانیم!

هله یولومو گؤزلر گؤزو یاش‌لی نیشانلیم!

قارا باغ سؤیله ننده،

قولاق‌لارینی توتما!

غصبکار داشناق‌لارین،

جینایتین اونوتما!

او، دا منیم قانیم‌دیر!

او،تالانمیش تورپاق‌لار،

اؤز آذربایجانیم دیر!

*****

تاریخ گؤزون آچمامیش،

رومون داروازاسیندا،

اؤزگورلوک باغیرارکن،

چارمیخا چکیلمیشم!

دونن هیروشیمادا

کاغیذ کیمی بوکولوب،

پاکیستاندا ،عیراقدا

خزل تک تؤکولموشم!

*****

محببتین نامینه،

بوتون بشرییه تی،

باریشا سسله ییرم!

اؤزگور یاشام قورماغا،

یاریشا سسله ییرم!

سورمایین هارا‌لییام!


من بوتون میللت‌لرله،

عموغلو،خالاوغلو-یام!!

من بیر اینسان اوغلویام!!


اورمو-۱۳۹۰








Hər məzarda mən idim!


Afriqalı deyiləm

Lakin,Amerikanin ilkin quruluşunda,

Sakit okiyan boyu

Qamçıların acısı

Hala kürəyimdədir!

*****

Uzaq şərqə gəldikdə,

Çin səddi çəkiləndə

O canlı iskiletlər

Xəndəyə töküləndə,

Yəqin ordaydım mən də!!

*****

Avrupalı deyiləm!

CORDANO BRONO-ya

Qurulan tonqallarda

Mən yanıb kül olmuşam!

JAN DARKı sorğulayan,

Gizli məhkəmələrdə,

Mən ölümcül olmuşam!

*****

Deyirlər VATERLO-da

NAPİLYON ağlamışdi

Mənim göz yaşlarımdan

Xəbəri olmamışdı?!

AŞOVİTS-in kürəsi,

can yağımı əritdi!

40- milyon düşünənin

Üzünü torpaq otdü!

Hər məzarda mən idim!,

Hər sökülən ürəkdə,

Hər axan damla qanda,

RUSİƏDə,MƏCAR-da,

BULĞAR-da,LƏHİSTAN-da

Mənim gözüm baxırdı ,

Dünyanı didənlərin,

Azğin baxışlarına!,

Insan gövdəsi üstə,

Qabar-qabar köpsüyən ,

Qanlı naxışlarina!!

****

Doğuda doğulmuşam!

Daim fisünkar olub,

Qan içində doğulub,

Tər içində boğulub!

ÇENGİZ-in yasasıla,

BAĞDADı fəth etmişəm,

TEYMUR-un qılıncıla,

HiNDUSTANa getmişəm!

Onlar mənim başımdan ,

Minarələ tikibdir!

Boğazıma ərinmiş ,

qurğuşunlar tökübdür!

*****

QƏZZƏ-nin hiclələri,

Mənim qanımdan almış

Hənasının rəngini!

BREST-in qalasında,

ALMAN mənim üstümə,

Şüşləmiş tüfəngini !

MƏCNUN adasındadır,

Itkin düşmüş nişanım!

Hələ yolumu gözlər gözü yaşlı nişanlım!

QARA BAĞ soylənəndə,

Qulaqlarını tutma!

Qəsbkar DAŞNAQLAR-ın,

Cinayətin unutma!

O, da mənim qanımdır!

O,talanmış torpaqlar,

Oz AZƏRBAYCAN-ımdır!

*****

TARİX gözün açmamış,

ROM-un darvazasında,

Ozgürlük bağırarkən,

Çarmıxa çəkilmişəm!

Dünən HİROŞİMA-da

Kağız kimi bükülüb,

PAKİSTAN-da ,İRAQ-da

Xəzəl tək tökülmüşəm!

*****

Məhəbbətin naminə,

Bütün bəşəriyyəti,

Barışa səsləyirəm!

Özgür yaşam qurmağa,

Yarışa səsləyirəm!

Sormayın haralıyam!

Mən bütün millətlərlə,

əmioğlu,xalaoğlu-yam!!

Mən bir insan oğluyam!!


Urmu 1390

نوشته شده توسط کریم گول اندام

farhad30
29th December 2011, 11:42 PM
یاساقلانمیش



حیات یاساق

چارپیشان دوشونجه صاحیب‌لرینه!

چالیش چوخ وارما درینه!


ایشیق،

قاپا‌لی قاپی‌لار آرخاسیندا!

و قارانلیق،

اودا‌لار آستاناسیندا،

منه،سنه،

هر دوشوننه!


چای بوزلامیش،

چؤره ک قورو!

اینسانلیق سویوق قیش کیمی.


بارماق‌لیق*‌لار آراسیندا،

دوپ-دورو باخیش!


گله‌جک ،

آنا بطنینده گولومسه‌ین بیر چوجوق!

اؤلوم حیاتا میدان اوخویور!

آسفالت قان قوخویور!

دایان گله‌جک ایچون!



۱۳۸۵اورمو

*بارماقلیق=میله







yasaqlanmış



həyat yasaq

çarpışan düşüncə sahiblərinə!

Çalış çox varma dərinə!


Işıq,

qapalı qapılar arxasında!

Və qaranlıq,

Odalar astanasında,

Mənə,sənə,

Hər düşünənə!


Çay buzlamış,

Çörək quru!

Insanlıq soyuq qış kimi.


Barmaqlıqlar arasında,

Dup-duru baxış!

Gələcək ,

Ana bətnində gülümsəyən bir çocuq!

Ölüm həyata meydan oxuyur!

Asfalt qan qoxuyur!

Dayan gələcək içün!



1385-urmu
نوشته شده توسط کریم گول اندام

MASSI581
29th December 2011, 11:45 PM
باشدان باشا
گزدن قاشا
داغدان داشا
اياخدان باشا
نوكرم ناز يو لداشا

as240
7th January 2012, 02:18 PM
عشق آشناسی(شب عاشورا) ([Only registered and activated users can see links])

بحر بلانون بو گجه داشمیش بلاسی


کفاریدن مهلت آلوب زهرا بلاسی
صحرای عشقه خیره دور اهل سماوات
معبودیله عشاق حق ایلور مناجات
دشت بلادن عرشه چخمیش صوت آیات
گرم ایلیوب عشق اهلینی قرآن صداسی
چون فاش ایدوب سرّی ولی ذات خلّاق
شاد و خراماندور عموم هنگ عشاق
هر تک تکی اولموش اورکدن مرگه مشتاق
وصله بلی مایل اولور عشق آشناسی
اولموش پریشان و غمین حال اهل معنا
جنتده زهرا باش آچیب گریاندی طاها
سویلور ملک‌لر بیر بیره گر صبح آچیلسا
أوز قانینه غلطان اولور دین رهنماسی
راه حقیقت سالکی شمس امامت
یعنی حسین اول صاحب مجد و جلالت
بیر خیمه ده ایلور خانم زینبله صحبت
دورِ خیامی گوزلیور صاحب لواسی
پروانه مثلی زینب زار و مکدر
دور حسینه ذوق و شوقیله ورار پر
بو عشقیله بیلمم نه نوعی طاقت ایلر
گورسه باتوب قانه حسینِ مه لقاسی
سو یولّارینی باغلیوب‌دور اهل کینه
چخمش أنا العطشان سسی عرش برینه
سقایه جام الده دیور نازلی سکینه
ایله فراهم سو عمو الله رضاسی
زهرا گلستاننده گل‌لر سارالمیش
اوچ گوندی آلِ مصطفی لب تشنه قالمیش
شش ماهه ئوز طفلین رباب آغوشه آلمیش
چوخ یاندرور اول غمکشی اصغر نواسی
استاد کلامی زنجانی

as240
7th January 2012, 02:26 PM
نمونه ای از اشعار ترکی استاد شهریار

سید محمد حسین بهجت تبریزی


تورکون دیلی تک سوگیلی، ایستگلی دیل اولماز
اوزگه دیله قاتسان بو اصیل دیل اصیل اولماز
اوز شعرینی فارسا-عربه قاتماسا شاعر
شعری اوخویانلار،ائشیدنلر کسیل اولماز

فارس شاعیر چوخ سوزلرینی بیزدن آپارمیش "صابر"کیمی بیر سفره لی ، شاعر،پخیل اولماز

خان یورقانی ،کند ایچره مثل دیر میتیل اولماز
آذر قوشونی ، قیصر رومی اسیر ائتمیش
کسری سوزودور بیر بئله تاریخ ناغیل اولماز

چوخ قیسا بوی اولسان اولیسان جین کیمی شیطا
چوخ دا اوزون اولما کی اوزوندا عقیل اولماز
آزاد قومی اوغول عشقی طبیعتده بولونسون
داغ-داشا دوغولموش ده لی جیران حمیل اولماز
بو "شهریار" ین طبعی کیمی چیمملی چئشمه
کوثر اولا بیلسه دئمیرم،سلسبیل اولماز



تورکون مثلی،فولکلوری دونیا دا تک دیر

..saeed..
7th January 2012, 02:34 PM
باخیرام کئچمیشمه،بابالاریما
باخدیقجا فخریمده ن باشیم اوجالیر
اوز گونوم طالعیم گلیر اونومه
باشیم آیاغیما تیکیلی قالیر

زاماندیر بیزلره فلک گوز اگیب
پولاد اوز قلینجلار قیندا پاسلانیب
شاهباز ایاغلارین پی کسیلیب
جیدالار اگیلیب ،کندیر اوفانیب

اودالار ییخیلیب،اولر تالانیب
مرد ایگیت لر اولوب،اورک داغلانیب
حصارلار الینیب،اردو باسیلیب
دوداقلار تیکیلیب ،قولار باغلانیب

التون بان اولر تالانا گئدئیب
او ایسیده گجنی کوچه ده یاتیر
بوز بالتاسی تک مرد ایگیتلر
دیوارلار دیبینده پورتاخال ساتیر

کولگلی اغاجلار کوکده ن قورویب
بولاقلار کورلانیب،کهریزلر باتیب
الیجی قوشلاریندا قانادی سینیبب
اصلانلار یاتاغیندا تولکولر یاتیب.

farhad30
10th January 2012, 07:34 PM
آز یاز چوخ درین یاز ،چوخ یازما دایاز!



سئوگی


بادام گؤزلولری چوخ سئوه‌جه‌یم!!

گونش ساچلی‌لاری دا!

***از* دوداقلی اسمرلری ده!!

بیرجه ،

قوروسایدی قارا دریلی چوجوقلارین،

ایسلاق گؤزلری،

چؤره کدن ساری !!

۱۳۹۰-اورمو

****از=قیرمیزی


Az yaz çox dərin yaz ,çox yazma dayaz!



sevgi


Badam gözlüləri çox sevəcəyəm!!

Günəş saçlıları da!

Kiraz* dodaqlı əsmərləri də!!

Bircə ,

Qurusaydı qara dərili çocuqların,

Islaq gözləri,

Çörəkdən sarı !!

1390-urmu

*kiraz=qırmızı
نوشته شده توسط کریم گول اندام

farhad30
10th January 2012, 07:35 PM
آز یاز چوخ درین یاز ،چوخ یازما دایاز!


حقیقی ده یر

قارشیما چیخان زامان،

یوخاریدا اولدوغونا گوونمه!

منیم ده وار بیر فندیم!:

تره زی‌نین تاییندا ،

دایانمیشام!

افندیم!!


۱۳۹۰-اورمو



Az yaz çox dərin yaz ,çox yazma dayaz!


Həqiqi dəyər

Qarşıma çıxan zaman,

yuxarıda olduğuna güvənmə!

Mənim də var bir fəndim!:

Tərəzinin tayında ,

Dayanmışam!

əfəndim!!


1390-urmu


نوشته شده توسط کریم گول اندام

farhad30
10th January 2012, 07:36 PM
کابیل


قارانلیقلاردا کابیل چ***لر!

سئوینمه سئوگیلیم!،

ایشیغی گؤرمه ییمیز ایچون یوخ،

سئومه ییمیز ایچون!!

شیمشه یی گؤزوموزده شاخیب!

توستوسو قافامیزدان چیخانا قده ر!!

۱۳۹۰-اورمو




kabıl

Qaranlıqlarda kabıl çəkirlər!

Sevinmə sevgilim!,

Işiğı görməyimiz içün yox,

Sevməyimiz içün!!

Şimşəyi gözümüzdə şaxıb!

Tüstüsü qafamızdan çıxana qədər!!

1390-
urmu
نوشته شده توسط کریم گول اندام

farhad30
10th January 2012, 07:37 PM
بیر داها

اوزاقدان گلن یورقون قوش ایدیم،

قوندوم دالینا*

داریخما اوچدوم !،

قونمام بیر داها!!

قوشولدوم گئدن قوش‌لار کؤچونه،

فیرتینا‌لارین دوشدوم ایچینه!

هئچینه گلدیم، واردیم هئچینه!

نیگاران اولما،

دؤنمم بیر داها!

ائله پارتلادیم داغ‌لار سایاغی،

توستو پوسکوردوم،

بولودا دؤندوم!

یاغمورلار یاغدی ،

گؤز یاشلاریمدان!

ظنن ائتمه سؤندوم،سونمم بیر داها!

تک باشینایدیم حربه-زوربادا

میدانی راحت وئرمزدیم یادا!!

ائنیلدیم سنه ،قوجا دونیادا!

داها ائنیلمم!

ائنمم بیرداها!!


۱۳۹۰-اورمو
*دال=بوداق



Bir daha


Uzaqdan gələn yorqun quş idim,
Qondum dalına

Darıxma uçdum !,

Qonmam bir daha!!

Qoşuldum gedən quşlar köçünə,

Fırtınaların düşdüm içinə!

Heçinə gəldim, vardım heçinə!

Nigaran olma,

Dönməm bir daha!

Elə partladım dağlar sayağı,

Tüstü püskürdüm,

Buluda döndüm!

Yağmurlar yağdı ,

Göz yaşlarımdan!

Zənn etmə söndüm,sonməm bir daha!

Tək başınaydim hərbə-zorbada

Meydanı rahət verəzdim yada!!

Enildim sənə ,qoca dünyada!

Daha enilməm!

Enməm bri daha!!

1390-urmu
نوشته شده توسط کریم گول اندام

farhad30
10th January 2012, 07:38 PM
سن!


آی باشینا دؤندویوم

باشیمدا فیرلانیرسان!

رویا‌لاردا گؤردویوم!،

قانیمدا دولانیرسان!

رویا دئسم دئییلسن!

هر یؤنه اوز توتورام،

کؤلگه کیمی گلیرسن!

گؤزلریمدن جومورسان!

ایچیمده گیزله نیرسن!

بس ندن سؤیله میرسن؟؟

مندن نه ایسته ییرسن؟؟!!

سن،

قافامدا گزیشیرسن!

سن،

سن،

سئودایه بنزه ییرسن!


۱۳۹۰-اورمو


SƏN!


Ay başına döndüyüm

Başımda fırlanırsan!

Ruyalarda gördüyüm!,

Qanımda dolanırsan!

Roya desəm deyilsən!

Sevdayə bənzəyirsən!

Hər yönə üz tuturam,

Kölgə kimi gəlirsən!

Gözlərimdən cumursan!

Içimdə gizlənirsən!
Bəs nədən söyləmirsən??

Məndən nəistəyirsən??!!
Sən,
qafamda gəzişirsən!

sən,
sən,
Sevdayə bənzəyirsən!

urmu-1390
نوشته شده توسط کریم گول اندام

farhad30
10th January 2012, 07:39 PM
دورنا‌لار



بیاض بولوتلاردا ایپک چترینی،

سون‌سوز ماویلره آچان دورنا‌لار!

غوربتده ایتیردیم بیر گول عطرینی،

دوغما ایقلیم‌لره اوچان دورنا‌لار.

بلکه ده اورمونون گؤلو یوخ اولدو!!

بیر ده دؤنه‌جک‌سیز هاچان دورنا‌لار؟


ائی ساری دومدوکلو،قیرمیزی باشلی،

ائی قارا باجاقلی،ائی قلم قاشلی،

ائی اوجا قامتلی،ائی اوزون یاشلی.

منزیل‌دن-منزیله چاتان دورنا‌لار،

گلین قوروتدولار اورمو گؤلونو!!

بیر ده دؤنه‌جک‌سیز هاچان دورنا‌لار؟


یورقون-یورقون چاتیب غوربت ائلیندن

بیر نیشان گؤرمه‌دی اورمو گؤلوندن!!

بیر تئلک یادیگار آتدی تئلین‌دن،

سئوگیلیم یوردون‌دان چاتان دورنا‌لار!

بیزیم سما‌لاردان قیی ووروب،کئچدیز،

بیر ده دؤنه‌جک‌سیز هاچان دورنا‌لار؟


ایللر مئیلین سالمیش اورمو گؤلونه،

ایپک دالغا‌لارین مینمیش بئلینه!

بیر آز دا دوز سپمیش بیاض تئلینه،

آغیر سولار ایچره قاچان دورنا‌لار!

بوایل بیزده قوناق قالا بیلمه دیز

بیر ده دؤنه‌جک‌سیز هاچان دورنا‌لار؟


بیر یووانیز قالدی دوزلار ایچینده!!

یولونوز نورلو اولدوزلار ایچینده،

سئوگیلیمه بنزر قیزلار ایچینده!

بو ائلدن-او ائله کؤچن دورنا‌لار!

منیم اورمو گؤلوم بوردا جان وئریر

بیر ده دؤنه‌جک‌سیز هاچان دورنا‌لار؟


ماوی اوفوق‌لرده قول‌لار آچارسیز،

سینیردان –سینیرا یول‌لار آچارسیز،

آخشام اوستو یورقون-یورقون اوچارسیز!

سینه-سینه گونش ساچان دورنا‌لار!

سیز گلنه قالماز بو اورمو گؤلو!!

بیرده دؤنه‌جک‌سیز هاچان دورنا‌لار؟


من ایللر باغیردیم اونوم* یئتمه‌دی!!

*ساغیر قولاق‌لارا سسیم گئتمه‌دی!!

بو آجی فاجعه بوردا بیتمه‌دی

بیز ده محو اولاریق گومان دورنا‌لار!

داها گؤروشمه‌یه مجال قالمادی !

بیرد ده دؤنه‌جک‌سیز هاچان دورنا‌لار؟؟


اورمو-۱۳۸۹

*-اون=فریاد
*-ساغیر=کارقولاق



Durnalar


Bəyaz bulutlarda ipək çətrini,

Sonsuz mavilərə açan durnalar!

Qürbətdə itirdim bir gül ətrini,

Doğma iqlimlərə uçan durnalar.

Bəlkə də URMUnun GÖLÜ yox oldu!

Bir də dönəcəksiz haçan durnalar?


Ey sarı dümdüklü,qırmızı başlı,

Ey qara bacaqlı,ey qələm qaşlı,

Ey uca qamətli,ey uzun yaşlı.

Mənzildən-mənzilə çatan durnalar,

gəlin qurutdular URMU GÖLÜnü!!

Bir də dönəcəksiz haçan durnalar?


yorqun-yorqun çatıb qürbət elindən,

Bir nişan görmədi URMU GÖLÜndən!!

Bir telək yadigar atdı telindən,

Sevgilim yurdundan çatan durnalar!

Bizim səmalardan qıy vurub,keçdiz,

Bir də dönəcəksiz haçan durnalar?


Illər meylin salmış URMU GÖLÜnə,

Ipək dalğaların minmiş belinə!

Bir az da duz səpmiş bəyaz telinə,

Ağır sular içrə qaçan durnalar!

bu il bizdə qonaq qala bilmədiz!

Bir də dönəcəksiz haçan durnalar?


Bir yuvanız qaldı duzlar içində!!

Yolunuz nurlu ulduzlar içində,

Sevgilimə bənzər qızlar içində!

Bu eldən-o elə köçən durnalar!

MənimURMU GÖLÜm burda can verir!

Bir də dönəcəksiz haçan durnalar?


Mavi üfüqlərdə qollar açarsız,

Sınırdan –sınıra yollar açarsız,

Axşam üstü yorqun-yorqun uçarsız!

Sinə-sinə günəş saçan durnalar!

siz gələnə qalmaz bu URMU GÖLÜ!!

birdə dönəcəksiz haçan durnalar?



Mən illər bağırdim ünüm yetmədi!!

Sağır qulaqlara səsim getmədi!!

Bu acı faciə burda bitmədi

Biz də məhv olarıq güman durnalar!

Daha görüşməyə məcal qalmadı !
birdə dönəcəksiz haçan durnalar?

1389-urmu
نوشته شده توسط کریم گول اندام

farhad30
10th January 2012, 07:41 PM
بیلدیریش



پاشام ساغ اولسون!

مملکت،راحت!

هر اولای قولایجاسی، گؤز آلتیندا‌دیر !

هئچ کیم خبر وئرمه‌دن آسقیرا بیلمز!

کیمسه دیکسینمز!

دوغولان جوجوق‌لارین ،

اوتوز ایل بوندان سونرا حیاتداکی ائتکی‌سی*،

تام بو گوندن اؤلچولور!!

حیاتین دینجلیگینی،

ائتکیلندیرن وارسا،

آناسینین بطنینده ،

قضایا اوغرادیلیر!!

قیبلئیه عالم ساغ اولسون!!

هر شئی اؤلچو اوستونده وئریلیر بو میللته!

یایدا ایستی !،

قیشدا بوز!

کیمسه‌ده اونور* آدلی،

بیر دامار تاپماق اولماز!!

پوزقونلوق ،آرخایین‌لیق وئریر عائله‌لره !!

یالان‌چی عشق‌لرین آرتیمی داها چوخ‌دور!

یالتاقلیغین چؤره یی ،

جیلخا یاغ ایچینده‌دیر!!

کوت بئیین‌لر ایش اوسته!

حؤکمه بویون قویان‌لار ،

گونده بیر اؤدول *آلیر!

بویون قاچیران وارسا،

جانین توتوب دیشینه،

قاچیب، گئدیب، ایشینه!

هر یئر امین-آمان‌لیق!

قان اوجوز!،چؤره ک باها!

جانیم سؤیله‌سین داها!!


بیکارت پرده‌لری،

ایکی‌سی بیر دولارا!!

جاماعات همرنگ اولوب!

هر بویاق وارسا ،قارا!

قلم‌لر مورککب‌سیز!!،

نقدر یازیرسان ،یاز!!

دوشونجه یاساقلانمیش،

حتی یازیلماسا دا!!

دوداق‌لار دعا ایچون،

چوخ آچیلسا ،تیکیلیر!
گوزلر باخماغا گؤره !،

گؤرمک ایچون ،یاساق‌دیر !!

اؤلن‌لر تام آزاددیر!!

قبریستان‌لیق‌لار آباد!

هر کسین بیر ایشی وار!

او دا، ایشین پئشینده!

تاپا بیلسه عشق اولسون!!


دووشان‌لار آرابایلا توتولور قولایجاسی!

باش پامبیقلا کسیلیر!،

نه قانی وار،نه سسی!

بو اؤلچولر اؤلکه‌ده راضی سالمیش هر کسی


بو سیاست گئتدیکجه،

داها شیرینله شه‌جک!

هله بو قوراسی‌دیر !!

بو میللت قوزو کیمی،

یئییب،ایچیب، شیشه‌جک!،

قیبلئیه عالم ساغ اولسون!

هله بو هاراسی‌دیر!!

اورمو-۱۳۸۴
*ائتکی=تاثیر
*اونور=غئیرت
*اؤدول=جایزه


bildiriş


Paşam sağ olsun!
Məmləkət,rahət!
Hər olay qolaycası, göz altındadır !

heç kim xəbər vermədən asqıra bilməz!
Kimsə diksinməz!
Doğulan cocuqların ,
Otuz il bundan sonra həyatdaki etkisi,
Tam bu gündən olçülür!!
hayatın dincliyini,
Etkiləndirən varsa,
Anasının bətnində ,
Qəzaya uğradılır!!

Qıbleye aləm sağ olsun!!
Hər şey ölçü üstündə verilir bu millətə!
Yayda isti !,
Qışda buz!
Kimsədə onur* adlı,
Bir damar tapmaq olmaz!!
Pozqunluq ,arxayınlıq verir ailələrə !!
Yalançı eşqlərın artımı daha çoxdur!
Yaltaqlığın çörəyi ,
Cılxa yağ içindədir!!
Küt beyinlər iş üstə!
Hökmə boyun qoyanlar ,
Gündə bir ödül alır!
Boyun qaçıran varsa,
Canın tutub dişinə,
Qaçıb, gedib, işinə!
Hər yer əmin-amanlıq!
Qan ucuz!,çörək baha!
Canım söyləsin daha!!
Bikarət pərdələri,
Ikisi bir dolara!!
Camaat həmrəng olub!
Hər boyaq varsa ,qara!
Qələmlər mürəkkəbsiz!!,
Nəqədər yazırsan ,yaz!!
Düşüncə yasaqlanmış,
Hətta yazılmasa da!!
Dodaqlar dua içün,
Çox açılsa ,tikilir!
Gozlər baxmağa görə !,
Görmək içün ,yasaqdır !!
Ölənlər tam azaddır!!
Qəbristanlıqlar abad!
Hər kəsin bir işi var!
O da, işin peşində!
tapa bilsə eşq olsun!!
Dovşanlar arabayla tutulur qolaycası!
Baş pambıqla kəsilir!,
Nə qanı var,nə səsi!
Bu ölçülər ölkədə razı salmış hər kəsi
Bu siysasət getdikcə,
daha şirinləşəcək!
Hələ bu qorasıdır !!
Bu millət quzu kimi,
Yeyib,içib, şışəcək!,
Qibleyə aləm sağ olsun!
Hələ bu harasıdır!!

1384-urmu
نوشته شده توسط کریم گول اندام

farhad30
10th January 2012, 10:57 PM
عاشیق اولماق یار شیریندی ولی زحمتی وار

عشق دریاسینه هر کیم دوشه بیر قسمتی وار

دوز اولان عاشیقه مین دفعه جانیم قوربان اولا

دولنیم باشینه هر کس کی اونون غیرتی وار

شرط گوز یاشیدی اول سیله قلبون کدرین

دوزوم ایستر غمه ثابت اولا تا همتی وار

صورا جان شرطیدی یار عشقینه باشدان اتیلا

وصله خاطر چالیشا هر نقدر قدرتی وار

فیکر و ذیکری اولا یارین آدی هر شام و سحر

دوز گئده عشق یولون بولدوره حیثیتی وار

یار ا قوربان کسیله یاشی دوشه الدن اله

چیخادا یاتدان اوزون هرنه کی شخصیتی وار

شمع تک اوتدا یانا صبحه قدر طاقت ایده

صبح اولاندا قوتارا جاندا نقدر طاقتی وار

بیر بئله عاشیق اولان عومر بویی یانمالیدی

وصل و هجرون بیله بیر عاشیقه خوش لذتی وار

farhad30
19th January 2012, 06:49 PM
گجلر اوتوروب تك قالاسان عالمي وار...
او گچن گونلر تك آغلاياسان عالمي وار...
منده بير گون بوتون عاشيقلر ايچينده ياشادم...
عاشيقين گوز ياشينا آغلاياسان عالمي وار..

farhad30
19th January 2012, 06:49 PM
ئشيدميشه م بير قيش اولوب، كي اوندا ياز يئل گليب

قره گئجه ايشيق‌ لانوب، آیلاکلارا "دان" ( اولدزو، شفق ، فجر) گليب

دومانليقدا بير يئل اَسيب گون گليب

چنلی شانا سحر اولوب ياز گليب

ايسرائيله ( حضرت یعقوب) بير ياي اولوب ايي گليب

ياسمن دن مريمه بير گول گليب

قيش قورتولوب بيزلره بير سس گليب

جان اوزلاشیب آزاد اولون خان گليب

ياخشي نَفَس ياخشي بيرسس ، محبّته باش گليب

سسله نيب؛ ائل! قيش قورتولوب، عدالته باش گليب

بير سس دئيير، اركين( آزاد، مستقیل ) اولون بير اولون

بوتون ‌ليقدا، هامي ليقدا ، باش گليب

***

تا من دوُروب او سؤزلردن يوخلا ديم

واقت سيز اولوب، ايشيق سؤنوب واي گليب

آمما نييه بير يئل اَسيب سئل گليب

آزادليغا سئليان ا ولوب داش گليب

بيه كي من بوتون‌ليغا نورا، دئديم ظاهير اول

هئچ بيلمه ديم نه ايسته ديم اود گليب

ايندي كي من اويانميشام گون گئديب

آق اللي باش، شمسي نَفَس، گئديب ولي هاي گليب

farhad30
19th January 2012, 06:50 PM
صبا مندن سولا اوگلعذاره
بلبل گلستانه نه گلسين گلمسين
بوهجران دوشگوني ايللر خسته سي
قاپونا درمانه گلسين گلمسين
من قرباني اولايم عنبر طلرين
غنچه دي دوداغلارين پسته ديللرين
اولاله رخسارين مشكين خاللارين
اودينه پروانه گلسين گلمسين
گوزوم چوخ حسرتدير خمار گوزونه
گونش جمالنه شكر سوزونه
اوتانرام نئجه ديم اوزونه
دردون خسته جانه گلسين گلمسين

farhad30
19th January 2012, 06:50 PM
سن گدین او گون،قالیبده یولاردا گوزوم
آغزیمدا قالب دی مین کیتابلیخجا سوزوم
گنن باخانا راحاتده سوز بیله دمک
سو،سونرا اوزون دوز!
گور اولور منده دوزوم!!!

farhad30
19th January 2012, 06:50 PM
گرچه عشق اهلی ایچر بادنه جان ساغلیغینا
ایچرم جام شرابه یاریمن ساغلیغینا
ایچرم سلده سارا داغدا چوبان ساغلیغینا
ایچرم تا که کرم یانمیا دای عشق اودونا
بیر وقت گلجک گول ده نظردن توشجک
ایچرم من گول ایچینده بیر تیکان ساغلیغینا
جوانه آیریلغ آخیرده گوجالار بیلیرم
ایچرم بیر گوجا شکلینده جوان ساغلیغینا

farhad30
19th January 2012, 06:50 PM
سن زلفوني آچ توك اوزونه ، شانه سي مندن
زنجيري نشان وير منه ، ديوانه سي مندن
سن عاشقي يانديرماغا ، من يانماغا مايل
سن شمعيني گوستر منه ، پروانه سي مندن
زلفون قدري عاشق اولان وار سنه ، اي گل
سن سويله او مجنونلاري ، افسانه سي مندن
سرمست گوزون فتنه ، لبين نشئه لي باده
ايچدير منه اول باده ني ، پيمانه سي مندن
سن ناايله گول كه ، صدفين قيمتي آرتسين
گوز ياشي كيمي اينجيسي ، دردانه سي مندن
هردم گوتور اوزدن ، گوزليم افعي زلفون
چك ظاهره گنجينه ني ، ويرانه سي مندن
واحد ، مي تر ايتمك ايچون پير مغانين
رنجيده الوب بير نچه مستانه سي مندن

odorous
20th January 2012, 07:54 PM
اولموشام ای گل جمالین شمعینه پروانه من
عشقین ترکین قیلمارام اود ایچره یانه یانه من

چوخ خیال زلفینه مجنون اولانلار گورمیشه م
گورمه دیم عالمده ئوز کونلوم کیمی دیوانه من

بیلمه دیم بیگانه لر ایگ ل نه سحر اوتدی سنی
دوشموشه م گوزدن یانیندا اولموشام بیگانه من

odorous
20th January 2012, 07:55 PM
سن زلفین آچ توک اوزونه شانه سی مندن
زنجیری نشان وئر منه دیوانه سی مندن

سن عاشقی یاندیرماقا من یانماقا ماییل
سن شمعینی گوستر منه پروانه سی مندن

زلفون قدری عاشق اولان وار سنه ای گل
سن سویله او مجنونلاری افسانه سی مندن

سر مست گوزون فتنه لبین نشئه لی باده
ایچدیر منه اول باده نی پیمانه سی مندن

سن نازیله گل کی صدفین قیمتی آرتسین
گوزیاشی کیمی اینجیسی دردانه سی مندن

هردم گوتور اوزدن گوزه لیم افعی زلفین
چک ظاهره گنجینه نی ویرانه سی مندن

واحد می ی ترک ائتمک اوچون پیر مغانین
رنجیده اولوب بیر نئچه مستانه سی مندن

علی آقا واحد

odorous
20th January 2012, 07:56 PM
اولدوز سایاراق گوزله میشم هرگئجه یاری
گج گلمه ده دیر یار ٬ یئنه اولموش گئجه ٬ یاری
گوزلر آسیلی ٬یوخ نه قارالتی ٬ نه ده بیرسس
باتمیش قولاغیم ٬ گورنه دوشور مکده دی داری
بیر قوش " آییغام ! " سویلیه رک ٬ گاهدان اییلده ر
گاهدان اونودا یئل دئیه لای -لای هوش آپاری
یاتمیش هامی ٬ بیر آللاه اویاقدیر ٬ داها بیرمن
مندن آشاغی کیمسه یوخ ٬ اوندان دا یوخاری
قورخوم بودی یار گلمه یه ٬ بیردن یاریلا صبح
باغریم یاریلار ٬ صبحوم آچیلما ٬ سنی تاری!

farhad30
24th January 2012, 06:53 PM
ای جماعت دئییرم من سیزه میرزلی گرک
اکه باغیندا اریک آلما و شفتالو گرک
گئده بیچینه ایلان سانجا قیچین صبح و مسا
او چکه زحمتی ، من موفته یئیه م بالی گرک

farhad30
24th January 2012, 06:55 PM
صبر ايله كونول محنت هجرانه ، تلسمه

درد اهلي يتر، صبر ايله ، درمانه تلسمه

يوسفده زليخاني محبتله سويردي

سالديردي زليخا اوني زيندانه ، تلسمه

دنيايه وفا ايلمه چوخ ، آغلاما كونلوم

دنيا نه وفا قيلدي سليمانه ؟ تلسمه

كام آلميجاخ آيريليغا باعث اولانلار

عاشق چاتاجاخ سوگيلي جانانه، تلسمه

farhad30
24th January 2012, 06:56 PM
ایل کئچدی، باهار اولدو، خبر یوخ گولوموزدن،
گول آچمادی، قووزانمادی سس بولبولوموزدن.
بایرام گونوموز، یاسلى گؤروشلرله کئچر کن،
شادلیق نه اوماق بیز آییمیزدان ایلیمیزدن
تقویم آلابیلمم اله، گؤردوم منه تقویم،
«گؤزداغ» دىکى (تقویمى) ده گئتدى الیمیزدن.
بیز باغچامیزى بئلیه بیللیک؟ داهاهیهات!
نایمید اجلین بئلداری وورموش بئلیمیزدن
(تقویمى) اولاردان دی کى، یاددان چیخابیلمز،
یاددان نئجه چیخسین، آدى دوشمور دیلیمیزدن
ائل ایچره، باشى بیریئره گاهدان اوییغاردى،
اوگئتدی، ییغینجاق دا ییغیشدی ائلیمیزدن
یولداش سپه لندى، ائله بیل سام یئلى اسدى،
سرسام دى قالان بیزلره، بوسام یئلیمیزدن
دنیا نه یامان تاپماجا دیرباش چخاران یوخ،
بیزباش تاپاق آنجاق، بوقوبول- منقلمیزدن.
(تقویمى) کیمى دوز کیشى؟ هیهات تاپیلماز،
بیر شمع دى کى، کؤچدو بیزیم محفیلیمیزدن
اوچ نازلى بالا، همسر ایله قالدیلا- باشسیز،
یانساق دا اود ال چکمیه جکدیر کولوموزدن.
بیر (کافیه) اوندان باجارى یادگار اولسون
باش یولمادا، بیرتئلدی قالان کاکیلمیزدن
ائل بیرده دئسین: «سئل سارانى قاپدى قاچیرتدى»،
آغلاشدى بولودلاردا بوداشقین سئلیمیزدن
بیر مزرعه دیر (شهریار) ین عومرو، نه حاصل،
سئل، قویمورو بیرچؤپ ده قالا حاصیلیمیزدن

farhad30
25th January 2012, 10:29 PM
[Only registered and activated users can see links]

saeed-69
27th January 2012, 08:41 PM
گونده منه باش ووران ایندی منه داش وورور.
ایندی منه داش ووران اوزگلره باش وورور.
اوزگه اگر داش وورا دردینه دوزمک اولار.
باخ بورا سوز بوردادی داشلاری یولداش وورور...
:2lxe53l:
اونی که هر روز به من سر میزد امروز به من سنگ میزنه.
اونی که امروز به من سنگ میزنه به بیگانه ها سر میزنه.
بیگانه اکه سنگ بزنه دردشو میشه تحمل کرد.
ببین منو حرف من اینجاست سنگهارو دوست میزنه

saeed-69
27th January 2012, 08:47 PM
[Only registered and activated users can see links]

odorous
27th January 2012, 11:43 PM
یارین بیون قوجاقلادیم ، یار آغلادی من آغلادیم

ییغیشدی قونشولار بوتون ، جار آغلادی من آغلادیم

باشیندا قار قالان داغا ، دانیشدیم آیریلیق سؤزون

بیر آه چئکیب باشینداکی ، قار آغلادی من آغلادیم

طاریمدا نار آغاجلاری،منی گؤروب دانیشدیلار

بو یوموزیتون اوخشادی، نار آغلادی من آغلادیم

ائلئی کی اسدی بیر خزان،تالاندی گوللریم منیم

خبرچاتینجا بولبوله،خار آغلادی من آغلادیم

اورک سؤزون دئدیم تارا،سیملر اولدو پارا پارا

یاواش یاواش سیزیلدادی،تار آغلادی من آغلادیم

دئدیم کی حق منیمکیدی،باشیمی چئکدیلر دارا

طناب کسنده بوینومو،دارآغلادی من آغلادیم

جعفرییم؛بویوم بالا،غم سینهمده قالا قالا

یار جانیمی آلا آلا،یار آغلادی من آغلادیم

odorous
27th January 2012, 11:54 PM
منيم آتام سفره لى بير کيشييدى
ائل اليندن توتماق اوْنون ايشييدى
گؤزللرين آخره قالميشييدى
اوْننان سوْرا دؤنرگه لر دؤنوْبلر
محبّتين چيراخلارى سؤنوْبلر

ترجمه فارسی:
آن سفره هاى باز پدر ياد کردنى است
آن ياريش به ايل من انشا کردنى است
روحش به ياد نيکى او شاد کردنى است
وارونه گشت بعدِ پدر کار روزگار
خاموش شد چراغ محبت در اين ديار

odorous
27th January 2012, 11:59 PM
بير سوْروشون بو قارقينميش فلکدن
نه ايستيوْر بو قوردوغى کلکدن ؟
دينه گئچيرت اولدوزلارى الکدن
قوْى تؤکوْلسوْن ، بو يئر اوْزى داغيلسين
بو شيطانليق قورقوسى بير ييغيلسين


ترجمه فارسی:
آخر چه شد بهانة نفرين شده فلک ؟
زين گردش زمانه و اين دوز و اين کلک ؟
گو اين ستاره ها گذرد جمله زين اَلَک
بگذار تا بريزد و داغان شود زمين
در پشت او نگيرد شيطان دگر کمين

farhad30
30th January 2012, 10:15 PM
داش اوستنن باخارام داش اورك لره
شاختادان سارالان گول چيچكلره
ايله غرق اولورام كچه جك لره
بيلميرم دونيانين هاراسندايام......

farhad30
3rd February 2012, 09:20 PM
من ترک شراب لب یار ائیلدیم اولدی
زهر غم هجریله مدار ائیلدیم اولدی
ای شیخ بهشتی دئمه ترک ائیلییه ن اولماز
من ترک سر کوی نگار ائیله دیم اولدی

اؤز جانینی ترک ائیلییه ن اولماز من اؤزومدن
روحوم کیمی جانانی کنار ائیلدیم اولدی
ممکن دگی بیر محنته مین جان دؤزه اما
من جانیمی مین درده دچار ائیلدیم اولدی
دانسته و فهمیده خط و خاله وورولدوم
اؤز اؤز گونومو تیره و تار ائیلدیم اولدی
هئچ کیمسه اؤزون خار و ذلیل ایسته مز اما
من اؤز اؤزومو دهرده خار ائیلدیم اولدی
عرفان نظربازی و رندی و ظریفی
عالمده خلاصه نکی وار ائیلدیم اولدی
صرافه دئدیم حکمتیلن یوخ وار اولانماز
گولدی دئدی باخ گؤر یوخی وار ائیلدیم اولدی

farhad30
5th February 2012, 01:32 PM
فریاده گلین نازلی نگاریم گدیر الدن

همدم الوپ اغیارل یاریم گدیر الدن

رفتاری گوزل نطقو گوزل باخماسی گویچک

آهو کیمی باختیخجا قراریم گدیر الدن

farhad30
5th February 2012, 11:44 PM
شراب اولا، من اولام، بیرده نازلی دلبر اولا

بیر ئوزگه عالمی واردر، اگر میسر اولا

صفای مجلس می مین، بهشتدن آرتقدر

بیر الده گل توتا جانان، بیر الده ساغر اولا

اولاندا مست، آچا زلفین نگار، نشئه سی وار

عمومه ذوق ویره بزم می معطر اولا

بساط باده ده حال اهلینین فداسی، اولوم

شرابی قال ایله ایچمه، اگر پیمبر اولا

اسیر زلفنم، ای شوخ، گل آجیقلانما

اسیره حرمت ایدرلر، اگرچی کافر اولا

نه لیلی سن کیمی اولمش، نه من کیمی مجنون

نه کاره در گلوپ اونلار بیزه برابر اولا

گوره‌نده، واحد، اوزون یاریمین اسیر کونلوم

نه نوع ساکت اولار؛ اود اولا، سمندر اولا

علی آقا واحد

farhad30
6th February 2012, 06:26 PM
عشقه وئردیکجه کونول دردایله دریالاندیق

اتک آچدیقجا یخیب سدلری دنیالاندیق

دویغولار دالغالارا دونمه ده دالدیق دولدوق

اوتوروب بارلی باخیشلاردا تماشالاندیق

من عطش سن ده گونش عشقیمیز آتش آرادا

جلوه لندیکجه دل ذره ده گویالاندیق

اولدو لال کار بیزی کور تعبیر ائده‌ن تصویرلر

گوردولر هر دورو صاف گوزگوده رویالاندیق

گونش‌ین عشقینه مین رشک ایله آچماغدا آغیز

درو گوهر آخیدیب لولو لالالاندیق

بیزده بیر ذره قرار دوتمادی عشق ایله عطش

هئی پریشانلیقی آشدیق گئنه بلوالاندیق

دوشدو فیکر ائتمه چکیمده‌ن داها پیر اولدو موغان

هر نفس ده‌ن دم آلارکن ئینه شیدالاندیق

محمدعلی نهاوندی(موغان)

farhad30
6th February 2012, 06:26 PM
منیم آنام



آغلاییب بوشالوب دولماق ایستیرم

سایه نده عومور کن قالماق ایستیرم

گئجه گونوزومی شیرین عومرومو

سنیله بیرلییب بولماق ایستیرم

یورولاندا روحوم آرتاندا غمیم

بیر شیرین دوداقدان گولماق ایستیرم

حیاتیم زایلاشیب آی قوجا ننه

جوانلاش تازادان اولماق ایستیرم

گوللری سارالدیب خزانین دادی

کوکوندن غصه نی یولماق ایستیرم

آیاقین آلتیندا آچان بیر گولم

قولومی بوینونا سالماق ایستیرم

farhad30
6th February 2012, 06:27 PM
من دؤزم

ای بو جهانی خلق ائدن لطف ائله بیر جهانه باخ
جانه گلیبدی بنده لر بیر زادی ائت بهانه، باخ
من بیلیرم یورولماسان دونیا دایانسا دورماسان
لیك دوشن ایاقیندان بندۀ ناتوانه باخ
گوندوز ایشیق دا جورلوسن، بوینو یوغونلارین ایشین
بوینودا قیل كیمینلرین ایشلرینه شبانه باخ
وار نه قدر بو حالیمیز ، قاره دی روزیگاریمیز
آند ایچیریك یالان سنه بیزده اولان ایمانه باخ
هامی دییركی من دوزم بیلمیرم اَیری كیمدی بس؟
بیر بئله اَیری ایشلری كیم گورورو، یالانه باخ
اوغرو پیشیك ده كوفته نی یئییر - دییر به بیلمیسین
تئز سیلیر آغزی بورنونو یاغلی دوداق دهانه باخ
صلح سئویرسن آی كیشی قویما نفاق توره لده لر
خلق آراسیندا بیر بئله - فیرتانالارسالانه باخ
اوستونه صافلارین قویان آلتینا زیر زیبیل باسان
چومچه سینی ووران زمان گل بو سوغان ساتانه باخ
سن كی گورورسن آنلیسان یوخ دئمه منده بیلمیرم
دوزگون حساب ایسته سن چوتگیه سال قاپانه باخ
بوردا تمام اولور سؤزوم هاممیسی یوخ بیر آزجاسی
حوصله ن اولسا وئر گولاخ باقی داستانه باخ

odorous
7th February 2012, 12:52 PM
گرک ...

ای جماعت دئییرم من سیزه میرزلی گرک
اکه باغیندا اریک آلما و شفتالو گرک
گئده بیچینه ایلان سانجا قیچین صبح و مسا
او چکه زحمتی ، من موفته یئیه م بالی گرک

او چکه زحمتی ، من موفته یئیه م بالی گرک
به نزه دون باشیزی ای قوم دغا داش کلمه
قویمویون بابی لری ال وورا چوب علمه
باشوم آغریر دئمیشم آلتی ساعات بیر قلمه
دولدوروم طوولویه هر گون ایکی یوز مالی گرک
چونکه میزان شریعت اییلیر بیر قیل ایله
ال اله وئرمیون ای مخلص من جاهیل ایله
سینه زن داخل اولا مسجیده گر کاکل ایله
ووراسوز شدتیله باشونا منقالی گرک
دئمیرم من سیزه ای قوم کی باش اولمویاجاخ
دئمیرم من سیزه ساری شیله آش اولمویاجاخ
دسته باشی و علمدار تراش اولمویاجاخ
دئیرم من سیزه حکما قویا سققالی گرک
اوزی توک سوز گئده لر سؤیله مه سون یا ولدی
عطر وورسا دونونا یا بیغینا حرمله دی
سینه زن خوان اولانین شرطی شروطی بئله دی
پایینه گئیمییه هم گیوه و متقالی گرک
نوحه خوان قویمویاجاقدور جیبینه آینا داراخ
سسی خوش صورتی خوش نوحه گره وئرمه قولاخ
اوزی چیرکین ، یخه سی چیرک ، سسی مثل اولاخ
سینه زن خوان شبستر بئله اولمالی گرک
نوحه خوانون باشی توکسوز ، دؤشی قیللی اولاجاخ
مثل خربوزه دابانی جیریلوب آیرولاجاخ
ترینی و بورونی ال و اتک له سیله جاخ
چونکو مؤمن کیشینون اولمیا دسمالی گرک
کوهنه تاس کوهنه حمام ایلیورو دیندار بوگون
قویمویون کوهنه حمامی ییخا زنار بوگون
هئچ بیلیرسیز نه دئییر معجز خونخوار بوگون
اوخوداخ باشا سالاخ فعله و حمالی گرک
علم ساخلار او دئییر مذهبی ، دینی ، وطنی
جله له ائیله میون ختنه او نازیک بدنی
مثل شیطان لعین تولار حسینی حسنی
چیخاداخ کتدن او ملعون قریشمالی گرک



باید....

ای جماعت به شما می گویم میرزاعلی باید
در باغش زردآلو سیب شفتالو بکارد باید
هنگام برداشت محصول بگزند پایش را مارها ، صبح و شام
بخورم من عسل مفت و زحمت را او بکشد
ای قوم دغا سرتان را همچون کلم قمری طاس کنید
اجازه ندهید بابی ها به چوب علم دست بزنند
شش ساعت یکسر سرم درد می کند گفتم
در طویله دویست دام را پر کنم باید
چونکه تعادل ترازوی شریعت با تار موئی زائد برهم می ریزد
ای مخلصان من دست در دست جاهل ندهید
اگر سینه زن با کاکلش وارد مسجد شود
باید که منقل را به شدت به سرش بکوبید
ای قوم به شما نمی گویم که این سر برایتان سر نمی شود
به شما نمی گویم که شله زرد آش نمی شود
سر دسته و علمدار اصلاح نخواهد کرد
به شما می گویم که باید ریقش بگذارد
پسرانی که صورتشان مو ندارد حق یاولدی گفتن ندارند
اگر بر پیراهن و سیبیلش عطر بزند حرمله است
کسی که سینه زن خوان است شرط و شروطش این است
بر پایش گیوه و متقال نپوشد
نوحه خوان نباید توی جیبش آینه و شانه بگذارد
به صدای نوحه خوان خوش صورت و خوش صدا گوش نکن
صورتش زشت ، یقه اش چرک ، صدایش مثل الاق
نوخه خوان شبستر این چنین باید باشد
باید سر نوحه خوان بی مو و سینه اش پر از موی باشد
پاشنه ی پایش مثل خربزه ترکیده و جدا باشد
عرق و آب بینی اش را با دست و دامن پاک کند
چونکه مؤمن نباید دستمالی داشته باشد
با تاس کهنه حمام می کند دیندار امروز
اجازه ندهید حمام کهنه را خراب کنند امروز
هیچ می دانید معجز خونخوار چه می گوید امروز
باید به عمله و حمال درس یاد دهیم و بفهمانیمش
علم مذهب و دین و وطن را از بلایا حفظ می کند
با جهل آن بدن نازک را ختنه نکیند
جهل مثل شیطان لعین حسین و حسن را فریب می دهد
آن ملعون را باید از ده بیرون کنیم

odorous
7th February 2012, 12:55 PM
چوخ شوکور...


دویموری چرخ فلک جور و جفادان چوخ شوکور
چکمیر ال مدتدی بیز بختی قارادن چوخ شوکور
الده توتموش بیر تیکه شور زیغ چؤره ک ظالیم فلک
قارشیلیق بیر یکه جان ایستیر گدادان چوخ شوکور

گون به گون آرتیر دیله نچی کوچه و بازارده
فوت اولور هر گون بیری قحط و غلادن چوخ شوکور
قئیقاناغی ، آشی ، سوتداشی ، لاواش ، کوفته نی
میل ائدیر دولتلیلر ، قورخور خدادن چوخ شوکور
هر مصیبت گلدی چکدیم جانیما .. کیمی
چیوریدیم غم غصه دندویدوم بلادن چوخ شوکور
قندیله چای ماتمینده آغلادوم دورت ایل تمام
گؤزلریم بی نور اولوب دوشدی ضیادن چوخ شوکور
ایندی ده نفتین عزاسین ساخلاماق لازیم گلیر
فارغ اولمور باشیمیز یبر گون عزادان چوخ شوکور
گاز ترقی ائتدی بوش قالدی فقیرین لامپاسی
بیر بو قالمیشدی اودا گئشدی قضادان چوخ شوکور
بو گئجه رویادا گؤردوم گون چیخیب بایرام اولوب
لوتلره پالتار یاغیر عرش علادن چوخ شوکور
ایلده بیر لو او یئییردی بینوا یوخسول پیلوو
اودا کوچ ائتدی بو ایل دار فنادن چوخ شوکور
قاضی الحاجاته یالوارسین گرک محتاج اولان
آز دگیل رحمی خدانون اغنیادن چوخ شوکور
چوخ دعالار ائیله دوخ او خالقین درگاهینه
اولمادی بیر منفعت حاصل دعادان چوخ شوکور
یولیله تعظیم ائدیب عرض ائیله دیم احوالیمی
سخت گؤردوم قلبینی شمر دغادن چوخ شوکور
آز قالیر دعوا بوگون دؤرد یاشینا قویسون قدم
بیر خبر یوخدور هله صلح و صفادن چوخ شوکور
معجزون احوالی چوخ سازدیر دئییرلر ، اصلی وار
جیبلری مملوو دور سیم و طلادن چوخ شوکور


شکر خدا...


چرح فلک از ستمش سیر نمی شود ، شکر خدا
مدتی است که دست از سر ما بخت برگشته ها برنمی دارد ، شکر خدا
فلک بیر رحم نات گلی شوری در دست گرفته
در مقابلش از مت گدایان حان می خواهد ، شکر خدا
روز به روز گدا در کوچه و بازار زیاد می شود
هر روز یکی از فقر و قحطی می میرد ، شکر خدا
خاگینه ، آش و شیربرنج ، نان لواش و کوفته را
ثروتمندان می خورند و از خدا نمی ترسند ، شکر خدا
هر مصیبتی که بر سرم آمد کشیدم ... مثل
غم و غصه کشیدم و از بلا نجات یافتم ، شکر خدا
در ماتم چای و قند چهار سال تمام گریستم
چشمانم کم نور شد و از دید افتاد ، شکر خدا
حالا هم لازم است که در عزای نفت بگریم
سرمان یک روز هم از عزا غافل نیست ، شکر خدا
گاز پیشرفت کرد و چراغ گردسوز فقیر خالی ماند
همینمون مانده بود این هم به سرمان آمد ، شکر خدا
امشب به خواب دیدم که آفتاب درآمده و روز شده
بر برهنه ها از عرش آسمان لباس می بارد ، شکر خدا
فقیر بینوا سالی یک بار پلو می خورد
آن هم امسال دار فانی را وداع گفت ، شکر خدا
محتاج باید به قاضی التماس کند
رحم خدا کمتر از اغنیا نیشت ، شکر خدا
به درگاه آن خدا خیلی دعاها کردیم
فایده ای از دعاها حاصل مشد ، شکر خدا
با پول به درگاهش رفته و عرض حال گفتم
دلش را سخت تر از شمر دیدم ، شکر خدا
کم مانده که جنگ پا به چهارسالگی بگذارد
هنوز خبری از صلح و صفا نیست ، شکر خدا
می گویند حال معجز خیلی خوب است حقیقت دارد
حیب هایش پر است از سیم و زر ، شکر خدا

farhad30
7th February 2012, 01:00 PM
کوسموشم / عاصم اردبیلی




دؤزموشم او قدر هیجرانه ، دؤزومدن کوسموشم
اوزموشم امید وصلیندن ، اوزومدن کوسموشم
اویموشام ایللر بو ظاهربین گؤزون فیتواسینه
ایری لر دوز گؤزموشم از بس ، گؤزومدن کوسموشم


گؤرموشم چون مصلحت چنگینده ، طبعیم رام اولور
ائلدن ایلهام آلدیغیم شیرین سؤزومدن کوسموشم
تکجه عاصم سؤنمه ییر سینه مدن عشقین آتشی
سانما بئش گونلوک سمندر تک کؤزومدن کوسموشم

odorous
7th February 2012, 03:09 PM
زمستان ....


زمستان گلدی یارب نئلییم من
پریشانم پریشان نئیلییم من
اوتوز آی بستر راحتده یاتدیم
آجی درمانی دولدوردوم بوشاتدیم


نقدری پالتاریم وار یای دا ساتدیم
خدایا قیشدا عریان نئیلییم من
فلک آلدی اله تیر و کمانی
نشانه ائیله دی من بینوانی
یئتیشدی شیعه لر کرسی زمانی
نه یاسدیق وار نه یورقان نئیلییم من
عزا چوخ ساخلادیز آل عبایه
بیرآز دا آغلیون من بینوایه
چؤرک وای ناله سی چیخدی سمایه
اوشاقلار آجدی یارب نئیلییم من
ناهار واختی گئچر قارنوم قیریلدیر
اوشاقلار سس سسه وئرمیش زیریلدیر
گؤزوم یاشی گئجه گوندوز شیریلدیر
توکندی صبروسامان نئینییم من
قحط لوق وارلی نین گلمیر غمینه
خداوندا یاغیش گؤنده ر زمینه
ترحم ائیله بو عبد کمینه
ذخیرم یوخ ، زمستان نئیلییم من
نشسته در سر پیش بخاری
غنی میل ائیلییر شام و ناهاری
کسیلدی یوخسولون صبر و قراری
بو قدری غصه ، بیر جان نئیلییم من
فقیرم نه ناهاریم وار نه شامیم
داها غم چکمه یه یوخدور دوامیم
بودور درگاهیوه آخیر کلامیم
پریشانم پریشان نئیلییم من
ساتیلدی فرش و ظرفیم جمله مالیم
ائوی قیزدیرماغا یوخدور ذغالیم
سویوخدان تیتریری اهل و عیالیم
قیشا یا حی سبحان نئیلییم من
غنی لر گوسفند آلمیش قیشینا
قوغورما ائیله سین چکسین دیشینه
یانیر جانیم فقیرین آتشینه
سو سه پمیر بیر مسلمان نئینییم من
رضا اولدوم یاوان بیر پارچا نانه
اونودا چوخ گؤرور ظالم زمانه
وئریر بوغدانی اهل صوفیانه
بش اون بی دین و ایمان نئینییم من
اسیر محنتم حالیم یاماندیر
گئجه گوندوز ایشیم آه و فغاندیر
سویوخدان تیتریرم قاردی بوراندیر
نه چاییم وار نه قلیان نئینییم من


ترجمه:
زمستان آمد یاران چه کنم من
پریشانم پریشان چه کنم من
سی ماه در بستر راحت خوابیدم
داروی تلخ را بر شکم ریختم
لباسهایم را در زمستان فروختم
خدایا در این زمستان لخت و عریان چه کنم من
فلک تیر و کمان به دست گرفت
من بینوا را نشانه گرفت
ای شیعیان زمان کرسی رسیده
نه متکا هست و نه لحاف چه کنم من
برای آل عبا زیاد عزا گرفتید
کمی هم به حال من بینوا بگریید
تاله نان به هوا برخاست
بچه هایم گرسنه اند یاران ، چه کنم من
وقت ناهار می گذرد و شکمم قارقور می کند
بچه همصدا شده می گریند
اشک چشمانم شب و روز جاری است
صبر و فرارم تمام شد ، چه کنم من
دارا غمی از قحطی ندارد
خدایا بر زمین بارانی بفرست
براین بنده ی کوچکت رحمی کن
برای زمستان توشه ای ندارم چه کنم من
نشسته کنار بخاری گرم
دارا ، شام و ناهار میل می کند
صیر و قرار بینوا تمام شد
این همه غم و یک تن چه کمک من
فقیرم نه ناهار نه شام دارم
دگر بر درد و غم نیست طاقتم
کلان آخرم بر درگاهت همین است
پریشانم پریشان چه کنم من
ظرف و فرش و کلیه اموالم به فروش رفت
برای گرم کردن خانه ذغالی ندارم
اهل و عیالم از سرما می لرزند
یا حی رحمان در این زمستان چه کنم من
غنی ها برای زمستانشان گوسفند خریده اند
که سرخ کرده و به دندان بکشند
جانم بر آتش فقرا می سوزد
یک مسلمانی نیست که آبی بپاشد چه کنم من
به بکه نانی خالی راضی شدم
زمانه بی رحم آن را نیز زیادی می بیند
گندم را به اهالی صوفیان می دهد
به پنج شش بی دین و ایمان چه کنم من
اسیر محنتم حالم خراب است
شب و روز کار من آه و فغان است
از سرما می لرزم برف و بوران است
نه چائی و نه قلیان چه کنم من

..saeed..
7th February 2012, 03:29 PM
اوز دیلیمه یامان بازام

اما بولمیرم نئجه یازام
اوخوموشام باشقا دیلده
نئجه دییم کفی سازام

..saeed..
7th February 2012, 03:31 PM
از خودم،،


نئچه دیل بوله نه نئچه اینسان دییلر

اوز دیلین بولمویه نه نئجه اینسان دییلر

odorous
7th February 2012, 03:51 PM
«تورک مدرسه سی/ مدرسه ترک»

مدرسه ده موعللیم
در مدرسه معلم
یئنه دؤیدو الیمدن
باز هم کتکم زد
باجارمادیم فارسینی
فارسی را بلد نبودم
ایراد توتدو دیلیمدن
از زبانم ایراد گرفت

دئدیم : آغا موعللیم
گفتم اقا معلم
وورما ، گؤینه دی الیم
نزن دستهایم درد گرفت
نه دیر آخی گوناهیم
گناه من مگر چیست؟
تورکودور منیم دیلیم
زبان من ترکی است

یاپیشدی قولاغیمدان
گوشم را گرفت
دئدی : بوراخ تورکونو
گفت ول کن ترکی را
او قالدی ائوینیزده
ترکی را در خانه گذار
اونوت گئتسین کؤکونو
اصل و نسبت را فراموش کن

اؤیره نمه سن آب – بابا
آب بابا را یاد نگیری
آچاجاقسان الینی
تنبیه می شوی
کؤتک یئیه ندن سونرا
بعد این که کتک خوردی
اونودارسان دیلینی
زبانت را فراموش می کنی

سنین هاران تورکدور؟
کجای تو ترک است؟
آذریسن ، آذری
آذری هستی تو آذری
کیم اؤیره دیبدیر سنه
کی یادت داده تو را
بئله یانلیش سؤزلری
این حرفهای غلط را

آخدی گؤزومون یاشی
اشک از چشمانم سرازیر شد
تیتره دی دیل – دوداغیم
لرزید زبان و دهانم
بئله یالان سؤزلره
این حرفهای دروغ را
اینانمادی قولاغیم
باور نکرد گوشهایم

آنام منی اویدورماز
مادرم مرا گول نمی زند
آتام منی آللاتماز
پدرم به من کلک نمی زند
بو سؤزلرین هئچ بیری
این حرفها هیچ کدام
منیم عاغلیما باتماز
به عقلم جور در نمی آید

نییه منیم آدیمی
چرا اسم مرا
سوروشماییر اؤزومدن
از خودم نمی پرسد
نییه سؤزون دوزونو
چرا حرف راست را
اوخوماییر گؤزومدن
نمی خواند از نگاهم

هرکس یالان دانیشسا
هر کس که دروغ بگوید
آللاهین دوشمانیدیر
دشمن خداست
من کی یالان دئمیرم
من که دروغ نمی گویم
بو اونون یالانیدیر
این دروغ اوست

لایلای دئییبدیر آنام
مادرم لالای می گفت
منه بئشیکده تورکو
در گهواره به ترکی
دانیشمیشیق هامیمیز
همه حرف زدیم
ائوده – ائشیکده تورکو
به ترکی هم در خانه هم در بیرون

نه دن گرک یازمایاق
چرا ننویسیم
دیلیمیزی کیتابا ؟
زبانمان را در کتاب
مدرسه ده نه اوچون
به چه دلیل در مدرسه
گلمه یک بیز حئسابا؟
ما را به حساب نیاورند

هئچ عاغلیما سیغماییر
هیچ عقلم قد نمی دهد
نه دیر بونون جاوابی
جواب این چیست
سو یئرینه اوخویام
به جای سو
مدرسه میزده آبی
در مدرسه بگویم آب

یقین کؤتک یئمزدیم
مطمئناً کتک نمی خوردم
اوخوسایدیم دیلیمی
اگر به زبان خودم تحصیل می کردم
گؤینه رتیدن سیخمازدیم
از سوزش آن نمی گذاشتم
قولتوغوما الیمی
دستهایم را به بغلم

قوی بؤیویوم بیر اؤزوم
بزرگ که شدم
اولاجاغام موعللیم
من هم معلم می شوم
اوندا چوخ ایش گؤره جک
خیلی کارها انجام خواهد داد
بو گون گؤینه ین الیم
این دستهای دردالود

کیلاسیمدان گله جک
طنین کلاس من
ائلیمیزین اؤز سسی
صدای ایل و تبار خودم
اولاجاقدیر او زامان
خواهد بود آن زمان
تورکون ده مدرسه سی
ترک هم مدرسه ای خواهد داشت...

♥NEGAR♥
7th February 2012, 03:59 PM
یاشا

odorous
7th February 2012, 04:00 PM
بیر اوزو گول ، رنگی لاله ، زلفو تر
گشته چیخیب ، دره ر تازه بنؤوشه
دسته – دسته سانجیب بوخاغ یانینا
یاراشیبدیر او شاهبازا بنؤوشه


جسمی مرمر حلقه زولفلری قارا
اونو گؤرن مجنون اولار آوارا
هؤروب ساچلارینی سالیب قاطارا
دوزوب تئله ، هم قوتازا بنؤوشه

یاشی اون سککیزه یئنی جه یئتمیش
گؤزللیکده تامام خلقی مات ائتمیش
گشته چیخمیش یار گلدیین ائشیتمیش
داغا سالیب بیر آوازا بنؤوشه

زلفون آچیب آغ قوللارین چیرماسین
ائله گزسین ، اونو رقیب گؤرمه سین
اغیار ایله چیخیب سئیره ، درمه سین
لایق اولماز انلامازسا بنؤوشه

سن ساللانیب قاباغیمدان گئده نده
هرگز قالماز صبر و اختیار منده
واقف زلف لرینی تعریف ائده نده
گرک دیر کی اول یازا بنؤوشه


ترجمه:

یک زیبای گلرخ لاله گون و گیسو تر
به گشت آمده ، بچیند گل بنفشه
دسته دسته بر غبغبش چیده
برازنده آن شاهباز شده بنفشه

پوستش مرمر ، زلف سیاهش حلقه
هر مجنونی با دیدنش می شود آواره
بافته گیسوان را ردیف کرده
هم بر زلف و هم گیسویش بنشه

تازه هیجده سالش شده این گلرخ
زیبائیش همه را حیران کرده
به گشت آمده و خبر امدن یار را شنیده
آوازی سر داده د رکوه بنفشه

زلف باز کرده ، بازوها را بالا زده
کاری کند رقیب او را نبیند
همراه بیگانه نباشد ، نچیند
لایق هر ناکسی نیست بنفشه

وقتی با ناز از کنارم رد می شوی
صبر و اختیار از کفم می رود
واقف زلفت را که تعریف می کند
باید اول بنویسد بنفشه

odorous
7th February 2012, 04:02 PM
سیغاللانیب – سیغاللانیب سیاه تئل
نه گؤزل دوشوبدور اوزه فاطیمه
جان آلیرسان یئنه بو نه سرمه دیر
چکیبسن اول خومار گؤزه فاطیمه


من مایلم سنین زنخدانینا
حلقه – حلقه زولفی پریشانینا
جواهیرلر خرج ائیله رم شانینا
اگر موشتاق اولسان سؤزه قاطیمه

جان مولکونه وئرمم ساچینین دنگین
آت جانیما کیپریکلرین خدنگین
تاکی گؤردوم یاناغینین من رنگین
دوشموشم بیر اودا کؤزه فاطیمه

یای کیمی نه گؤزل چکیبسن قاشی
اونا سؤز یوخ هر نه دئسم یاراشی
سنه پئش کئش ائتمه نم می جان – باشی
نئیچون بیر گلمزسن بیزه فاطیمه

عشقین آتشی دیر منی اریدن
جان اوزولدو باخا – باخا گئریدن
دؤنموشم ملک دن تامام پری دن
واقیفم سئومیشم تزه فاطیمه




فاطمه

جلا داده بر آن زلف سیاهت
چه زیبا افتاده رویت فاطمه
جانم را می گیری این چه سرمه ایست
که بر چشم سیاه کشیدی فاطمه؟

من عاشق چاه زنخدانتم
بر زلف حلقه حلقه پریشانتم
جواهر بر شان و شوکتت خرج می کنم
اگر مشتاق سخنم شوی فاطمه

زلفت را با ملک جان عوض نمی کنم
تیر مژگانت را بر جانم بزن
تا رنگ گونه ات را دیدم
بر آتشی افتاده ام که نگو ، فاطمه

ابرو یت را چه زیبا کمان کشیدی
حرفی نیست که چقدر برازنده است
مگر جان و دل پیشکشت نمی کنم؟
چرا پیشم نمی آیی فاطمه؟

آتش عشق است که آبم می کند
جانم از پا درآمد در انتظار
از هر ملک و پری دل زده شده ام
واقفم ، عاشقت شدم فاطمه

گگد
7th February 2012, 10:29 PM
ساغول الر وار ابجی

odorous
7th February 2012, 10:43 PM
سیزیدی ساغولون

farhad30
11th February 2012, 11:35 PM
یارین رهئ عشقینده کونول قان اولا، خوشدور
هیجرینده گوزوم هر گئجه گیریان اولا، خوشدور
من کی، بو قارا گوزلولر عشقینده اسیرم
سینم هدفئ- ناوکئ- مژگان اولا خوشدور
سن عصریمیزین ایندی زولئیخاسی سان، ای گول!

عاشیق سنه مین یوسفی کنعان اولا، خوشدور
ییغما باشینا، ناز ایله بیر شانه چک هردن
کونلوم کیمی، زولفونده پریشان اولا، خوشدور
گل سینه نی گوستر منه هر صبح زمانی
گول بولبول اوچون چاکئ گریبان اولا، خوشدور
رخسارین اودو کونلومو یاخدیقجا سئویننم
پروانه اوچون شعله یئ سوزان اولا، خوشدور
جانان نه جفا ائیلسه، واحید یئنه صبر ائت
عشق اهلی اسیری غم جانان اولا، خوشدور

farhad30
11th February 2012, 11:39 PM
یازیلمامیش شعیریم آ..ه واراق واراق توکولور
قارانلوق اوجوما بوردا قوجاق قوجاق توکولور
پاییز نه چولقالاییب دی بیزیم بو باغ برنی
یازین یاشیل ساچی ایندی داراق داراق توکولور
دونن گونش گوزونه باغلانیبدی پنجره لر
بویونده مورگی گوزوندن اویاق اویاق توکولور
بو باش سیز ائللره قوشقو سیزیلتیسین قوشارام
اورک دنیزدی گوزومدن بولاق بولاق توکولور
سیزین ده آی قارا یئل لر سینیدی کاش قانادیز
بیزیم بوباغچادا شنلیک بوداق بوداق توکولور
بو تورپاقا نه گلیبدی هایاندادی ییه سی
باش آچمامیش زمی بوردا اوراق اوراق توکولور
بو توستولو گئجه لرده گرگ اولام آلیشیق
قیزیل آلوودی ایچیمدن اوجاق اوجاق توکولور
گرگدی جنگی کوراوغلو قوپوزلارا کوک اولا
کی قورتولوش پیالامدان آراق آراق توکولور
اوقدر قوشقو ایچیمدن دئیلمه میش قالدی
یازیلمامیش شعیریم آ...ه واراق واراق توکولور

fahimeh33
15th February 2012, 11:38 AM
دویموری چرخ فلک جور و جفادان چوخ شوکور
چکمیر ال مدتدی بیز بختی قارادن چوخ شوکور
الده توتموش بیر تیکه شور زیغ چؤره ک ظالیم فلک
قارشیلیق بیر یکه جان ایستیر گدادان چوخ شوکور

fahimeh33
15th February 2012, 11:39 AM
هئچ شمع ایله رام اولماز ، پروانه لریز بیزلر
زنجیره باش ائندیرمز ، دیوانه لریز بیزلر
دنیاایله صورت ده وار اولفتیمیز اما
معنی ده بو عالمدن بیگانه لریز بیزلر

fahimeh33
15th February 2012, 11:43 AM
آیریلیق


بس منی سئخدی زمانه اورگیم قان اولدی

سرداشیم اولمادی عالم منه زندان اولدی

اوتورا بولمدیم ایوده قاپویا بویلاندیم

بلکه جان صاحبی بیر لحظه نمایان اولدی

سایدیم اولدوزلاری بیر بیر او قرانلوق گیجه ده

اغلادیم صبحه قدر گوزده کی یاش قان اولدی

هی گوزوم یاشینی توکدوم یوزه هجران گیجه سی

قالدی یوللاردا گوزوم صبر ایوی ویران اولدی

بیر کسیم اولمادی سرداشیم اولا غملی گونوم

قورتارام جانیمی غمدن مگر امکان اولدی

آیریلیقدان باشما گلدی نه لر بولمدون هئچ

سئل کیمی غم توکولوب باشیمه عمان اولدی

تانری چاره م ندی عشقون قوشی باغیمدن اوچوب

بولورم گئتدی هارا کیملره مهمان اولدی

بولمورم یول اوزاق اولدی کی گلوب چئخمادی یار

یا وفاسیزلیق ایدوب اوزگیه جانان اولدی

یا کی مندن اورگی سیندی داها گلمیجک

یا کی اوز باغلادیقی عهدینه پشمان اولدی

یارین عشقیله گئچدیم گئجه می گوندوزومی

وصلینی آرزیلادیم قسمتیم هجران اولدی

آیری بیر سوز دیمرم ساغلیقینی آرزیلارام

بلکه گلدی یئنه اولده کی دوران اولدی

khatun
23rd February 2012, 09:55 AM
صبر ايله كونول محنت هجرانه ، تلسمه

درد اهلي يتر، صبر ايله ، درمانه تلسمه

يوسفده زليخاني محبتله سويردي

سالديردي زليخا اوني زيندانه ، تلسمه

دنيايه وفا ايلمه چوخ ، آغلاما كونلوم

دنيا نه وفا قيلدي سليمانه ؟ تلسمه

كام آلميجاخ آيريليغا باعث اولانلار

عاشق چاتاجاخ سوگيلي جانانه، تلسمه

khatun
23rd February 2012, 09:56 AM
صبر ايله كونول محنت هجرانه ، تلسمه

درد اهلي يتر، صبر ايله ، درمانه تلسمه

يوسفده زليخاني محبتله سويردي

سالديردي زليخا اوني زيندانه ، تلسمه

دنيايه وفا ايلمه چوخ ، آغلاما كونلوم

دنيا نه وفا قيلدي سليمانه ؟ تلسمه

كام آلميجاخ آيريليغا باعث اولانلار

عاشق چاتاجاخ سوگيلي جانانه، تلسمه

khatun
23rd February 2012, 09:57 AM
چوخلار انجیکدی کی سن اونلارا ناز ایله میسن
من ده اینجیک کی منیم نازیمی آز ایله میسن
ائتمیسن نازی بو ویرانه کونولده سلطان
ائوین آباد اولا درویشه نیاز ایله میسن
هر باخیشدا چالیبان کیپریگی مضراب کیمی
بیر قولاق وئر بو سینیق قلبی نه ساز ایله میسن؟
باشدان آچ یا یلیغی افشان ایله سوسن-سنبل
سن بیزیم بایراممیز سان قیشی یاز ایله میسن
سن گون اول قوی غم میز داغدا قار اولسون اریسین
منیم آنجاق ایشیمی سوز و گداز ایله میسن
من بو معناده غزل یازمالی حالیم یوخدی
سن جوجوق تک قوجانی فرفره باز ایله میسن
کاکلی باشدا بوروب باغلا میان تاج کیمی
… از ایله میسن
او قیزیل دشت مغان دیر قوزی یان-یانه یاتیب
منیم آغلار گوزومی اوردا آراز ایله میسن
بو گوز للیک جهاندا سنه وئرمیش تانری
هر قدر ائله سن ایله کی آز ایله میسن
من بو سوز یله آتدین آ؛رالاندین بیلیرم
آرانی بیر پارا نامرد یله ساز ایله میسن
دستماز ایله دیگین چشمه کلیساده میحا قانی دیر
بیلمیرم هانسی کلیساده نماز ایله میسن؟
من(عشیران)اوخوسام پنجه (عراق) اوسته گزه ر
گوزلیم(ترک)اولالی ترک (حجاز) ایله میسن
تازا شاعر بوده نیز هر نه باخیرسان دیبی یوخ
چوخ اوتوسان بو غازی اوردهگی قاز ایله میسن
بسکه زلف و خط خالین قوپاغین گوتدون
زلفلی نین باشینی آزقالار دار ایله میسن
گل!منیم ایسته دیگیم کعبه ییخیلماز اوجالار
باشدادا کج گئده سن دیبده تراز ایله میسن
خط خالیندن آلیب مشقیمی قرآن یازارام
بو حقیقت له منی اهل مجاز ایله میسن
منی دان اولدوزی سن یاخشی تانیرسان که سحر
افقی خلوت ائدیب رازو نیاز ایله میسن
(شهریار)ین داغیلیب داغدا داشا دادالانیب
ئوزون انصاف ایله محمودی ایاز ایله میسن

khatun
23rd February 2012, 10:08 AM
سايه نامرديده گزمز حسينون نوكري

اگميوب دنيايه باش اگمز حسينون نوكري

فخر ايدر عنوانينه هر دم حسين عاشقلري

عشقين عالملن عوض ايتمز حسينون نوكري

دوز صود امسه هر كس عالمده گئدر عشقون يولون

گئتميوب بيراهه يول گئتمز حسينون نوكري

نيكنام انسانلارون عالمده آدي زنده دور

باطليله ال اله وئرمز حسينون نوكري

زندگي برنامه سي هيهات منا الذله دور

رخت ذلت اگنينه گيمز حسينون نوكري

باخ حبيب ابن مظاهر پير عشقون عشقينه

مرشدوندن بير دم ال اوزمز حسينون نوكري

كربلاده يان يانا يتمش ايكي قربان ياتوب

ئولميوب جاويدودور ئولمز حسينون نوكري

عشق مولايه بقرابر جنت و كوثر ندور

كربلاني جنته وئرمز حسينون نوكري

ياده سالدوقجا حسيني گوز ياشي گوزدن الر

شمع تك دايم يانار سونمز حسينون نوكري

باخ علي اوغلي ابولفضده مقام عشقه سن

گون به گون اوج ايلر اسگيلمز حسينون نوكري

اخذ ايدر خلاقين باب الحوايج منصبي

بوندان عالي منزلت بولمز حسينون نوكري

اينديده علقم كناريندن گلور بو زمزمه

باش ميرر حقدن ولي دونمز حسينون نوكري

گنبد عباسين اوستونده اسن پرچم ديور

ظلمولن صلح ائتميوب ائتمزحسينون نوكري

داد او ساعتدن دوشوبدي حيدر اوغلي مشكله

بولدي سالم خيميه يئتمز حسينون نوكري

گوز گئدوب قوللار دوشوب دور لشگره سقا دئيور

باش دا گئتسه عهديدن دونمز حسينون نوكري

بيرده سسلندي حسين گل درك ايله عباسيوي

قاندولان ميداني داي گورمز حسينون نوكري

سيدي گل آل اليمدن قانه باتمش پرچمون

دوشمنه بو پرچمون وئرمز حسينون نوكري

نعشيمي سن بيل انان زهرا آپارما خيميه

بوندان آرتوخ خجلته دوزمز حسينون نوكري

سنده "مسكين "درديوي قولسوز قالان عباسه ده

نا اميد هئچ سايلي ايتمز حسينون نوكري

out of control
23rd February 2012, 10:17 AM
هاوا یامان شاختادیر...

بوردا بیریسی دونور...

چایین بوزونو گورجک...

قلبینه غم قالانیر...

ال- آیاغی تیتره ییر...

سوموکلری سیزیلدیر...

سونرا اوزونه گلیر...!!!!

گویدن داش یاغسادا...

الیمی سو کسسه ده...

بونلاری یویام کرگ...!!!!!

[Only registered and activated users can see links]

ஜஜ ghazal ஜஜ
23rd February 2012, 10:18 AM
بایرام دان سونرا ایدی گلدیم ائویزه
قاشلارین چکمیشدی کامان سئوگیلیم
تئللری تؤکموشدون آل یاناق اوسته
گئیمیشدین قیرمیزی تومان سئوگیلیم

بو نامرد روزگار کام آلدی بیزدن
بیزی آیری سالدی بیر بیریمیزدن
قانلی یاش تؤکولدو گؤزلریمیزدن
بیزه چوخ ظولوم ائتدی زامان سئوگیلیم

ایللردیر من سندن اوزاق قالمیشام
آیریلیق الیندن هارای سالمیشام
قد ـــ قامت بوکولوب لاپ قوجالمیشام
چؤکوب دور باشیما دومان سئوگیلیم

گؤزلریم یوللاردا قولاغیم سسده
غریب تورک اوغلو یام بو سون نفسده
اوچ ایلدیر اوره گیم اولوبدور خسته
ائدیب دیر حالیمی یامان سئوگیلیم

saeed-69
23rd February 2012, 10:23 AM
دئمیرم بیلمدی هش دردیمی طراحه زمان
بیلدی،اما من اوچون یازدی بئله نامه یازان
کاش اونون یازدیغینی جرات ادیب منده پوزام
تزه دن طالعیمه ایسته دییم لوحی یازام

ஜஜ ghazal ஜஜ
23rd February 2012, 10:39 AM
سال یادیوا هردن منی سن٬لذت اولاندا
دعوت ائله بیر گون نه اولار٬فورصت اولاندا

دیلبر آچیلار قول قانادیم شاد اولورام من
هر یئرده کی سندن گؤزلیم٬صحبت اولاندا

بیر گون دولانیب باشیوا قول بوینووا ساللام
اغیاریمیزین عؤمرو ــ گونو ذلت اولاندا

گورسم گلیسن بیر نئچه قوربان کسرم من
هیجران قوتاریب وصل بیزه قیسمت اولاندا

تورک اوغلو کیمی دردلری بیر ــ بیر سایارام من
بختیم یار اولا گر٬آرامیز خلوت اولاندا

farhad30
1st March 2012, 12:00 AM
دَیدی ساچ لاریما باهار کولگی
نازنده سوگیلیم یادیما دوشدو
هَره نین باختینا بیر گوزل دوشر

سنده تکجه منیم آدیما دوشدون
نازنده سوگیلیم یادیما دوشدون

سن سیز داغ دوشونه چخدیم بو سحر
اوتدی قومرو کیمی کورشه لاله لر
ده نیه یالقیز سان سوردو لاله لر

غور ایتدین نیسکیلیم یادیما دوشدون
نازنده سوگیلیم یادیما دوشدون

گوزلریم یول دا دیر قولاغیم سس ده
سنی اونوتمارام من سون نفس ده
ای جیران باخیش لی ای بویو بسته

ای تازه تر گولوم یادیما دوشدون
نازنده سوگیلیم یادیما دوشدون

farhad30
1st March 2012, 12:00 AM
راز آخار لیل ایله
دسته دسته گول ایله
من یاریمی سویرم
شیرین شیرین دیل ایله

باغچا لاری ساری گول
یاری غونچا یاری گول
گِج آچیلدین تِز سولدون
اولمایایدین باری گول

آی لاچین، جان لاچین، من سنه قوربان لاچین

یری یری نیشان یار
یری عشقه دوشَن یار
ایلچی لری قیریلمیش
اوزو ایلچی دوشَن یار

آلما آتدیم نا رگلدی
کتان کوینک دار گلدی
قاپی یا کولگه دوشدی
ایه بیلدیم یار گلدی

آی لاچین، جان لاچین، من سنه قوربان لاچین

سو آتدین یارا دَیدی
الیم دیوارا دَیدی
دیلیم منیم گوروسون
نه ده دیم یارا دَیدی

اِله بی اودا یانسین
پروانه اودا یانسین
من یاندیم یار اوزوندن
اِشینسین اودا یانسین
آی لاچین، جان لاچین، من سنه قوربان لاچی

farhad30
1st March 2012, 12:01 AM
يقين بيل ابجد و بورهان, "على"دير
بيان-ى توحيد و قورآن, "على"دير

محممد مئعراجا وارديغى گئجه
قاپيدا گؤردويو آرسلان, "على"دير

چيخاردى اوزويو, وئردى نيشانه
"حقيقت" گؤردو كيم سوبحان, "على"دير

"حق" ايله قيلدى دوخسان مين كلامى
اوتوز مين سيرر ايله سيردان, "على"دير

چيخاريب يئر اوزوندن گؤيه اول دم
آپاريب گتيره ن رحمان٫ "على"دير

گؤروب يئر اوزره بير گونبد ياسينميش
عجاييب گونبد-ى خضران٫ "على"دير

ايچينده سورولور سيرر-ى حقيقت
قورولموش محشر و ميزان٫ "على"دير

ايره لى يئريييب٫ قاپىنى قاخدى
آنا كيمسن؟ دئيه سوران٫ "على"دير.

دئدى كيم: خاديمم٫ خئيرالنسايام
هم اول دم قاپىنى آچان٫ "على"دير

چو گؤردو قيرخ ارى وار٫ سيرر-ى قودرت
ايچينده سرور-ى مردان٫ "على"دير

ايچرى گيريبن قيلدى محببت
بيرى قيرخ٫ قيرخى بير ياپان٫ "على"دير

عجاييب رمز ايچينده قالدى احمد
بو رمزى گؤستره ن آسان٫ "على"دير

بيرينه چالدى٫ قيرخيندان قان آخدى
هم اول دم نشترى چالان٫ "على"دير

چيخاردى بير اوزوم ساييل دونوندا
الينه خاديمين سونان٫ "على"دير

ازيلدى شربت اولدو٫ ايچدى اونلار
جونون و عاشيق و حئيران٫ "على"دير

چاليندى كف و دست٫ قوپدو سماعى
بولارى مست ائده ن مستان٫ "على"دير

ايچيلدى شربت و ييرتيلدى تولبند
اوزويون گؤسته رن نيشان٫ "على"دير

يوخ ايكن يئر و گؤى٫ عرش ايله كورسو
حقيقت ميزانين قوران٫ "على"دير

بو معنىدن "على" سيرردير٫ يقين بيل!
خواريج گؤزونه سينان٫ "على"دير

بو بيچاره "ختايى"نين پناهى
داواسيز دردلره درمان٫ "على"دير.

farhad30
1st March 2012, 12:01 AM
سیخیلیر کونول آغلایار گوزوم
قالیبدیر اورکده یارالی سوزوم
دای دیزلریمده قالمییب دوزوم
گئدیری اوغلوم قالمالی دییر
داوادرمانی آلمالی دییر
سهنده باخین قارلیدی باشی
قارادی گوزو قلم دی قاشی
بوجور داغلارا آغیر یاراشی
ندن بیلمیرم یاتاغان گئدیر
آی سیز گئجمدن گونش سان گئدیر
گئتملی اولدین مندن آرالی
قویدون باغریمی غملی یارالی
سندن سونرا من رنگیم سارالی
گئتمه بیر دایان بویووا باخیم
یوردموزداکین یاندیریم یاخیم
سنسیز بو دونیا پارایا دیمز
یارالی انسان یارایا دیمز
آغلار بیلیرسن قارایا دیمز؟
نییه گلمیشدین نییه گئدیرسن
کونلومی غمله کدر ائدریسن
سندن آرالی قوجاللام اینان
قئیدسن بیر ده اوجاللام اینان
قاف دان دا بیر گون باج آللام اینان
سهند! سن آلله گئتمه بیر دایان
اوزون یوخودان سن آلله اویان
سهند بیلیرسن سنه قول آچدیم؟
دوشک بئشیکه قیزیلی ساچدیم؟
سن اولان گونی یورلدوم قاچدیم ؟
دایان گئتمه بیر آتان آغلاییر
دمیر توخویا اوزون باغلاییر
بیر گون سن منه چلیک اولاردین
نه بیلیم تئزدن گلیب سولاردین
قالاردین گول تک منی یولاردین
گئت قوی باجیلار سنسیز آغلاسین
آنان اوره گین گونده داغلاسین

farhad30
1st March 2012, 12:02 AM
بوباغین بولبولو بیرده ن بیره لال اولدو نه دن؟

قوزقونا قارقایا جولانه مجال اولدو نه دن؟

شانلی یازکسمیشیدی قاره قیشین بوز نفسین

یازا چیخمیش صونالار غرق ملال اولدو نه دن؟

هانکی صرصر الی پرپر ائله دی گول چیچگی

بو برومند آغاجین میوه سی کال اولدو نه دن؟

بیز کی جان جان دئمه دیک اولکه ده قان قان دئینه

سئوگی منظومه سی حال اهلینه قال اولدو نه دن؟

مِیِ انگوری سؤزوم یوخ کی حرام ایدی بیزه

انسانین قانینی نوش ائتمه ک حلال اولدو نه دن؟

بیز بیلردیک کی دوغولماز یئنی دن رستم زال

یوردون حرّاجه قویان رستم زال اولدو نه دن؟

ایسته دیک سیره چیخاق ماوی سمالرده بیر آن

سیندی قُول یاندی قاناد سیر محال اولدو نه دن؟

آی کیمین آیدین یدی (عاصمه) ناحقّیله حق

پس حقین قامت موزونو هلال اولدو نه دن؟

farhad30
1st March 2012, 12:02 AM
گرفتار

هر عاشق اولان عشقه گرفتار اولابيلمز

هر خورما ساتان ميثم تمار اولابيلمز

مخلوق خداوند اوزونه اولميان عاشيق

حق عاشقه تك صاحب ايثار اولابيلمز

دونيا مالونا شهرتينه وورقون اولانلار

انفاق ايلهمز طالب ديدار اولابيلمز

ماموره اگر رشوه يماخ اولماسا عادات

مظلوملارين قاننه ظالم سورا بيمزا

ميمون تكين هر سوزه تقليد ايلينلر

انديشه اديب صاحب افكار اولابلمز

صابر يمه غم هر گونين ئوز قصه سه واردور

مفرق پاراسه گوهر شهوار اولابيلمز

farhad30
1st March 2012, 12:02 AM
قضا

قضا انسانلاره مغرور ادیبده

ریاست گوزلرینی کور ادببده

چالیپ چالخاشدریپ اوضانه تاکه

بساط عیش ونوشین جور ادیبده

توتوپ گرد وغباره زور وتزویر

که قلبین گور نجه مستور ادیبده

الیب اطرافین افرادی طمع کار

حقیقتدن گوزینی دور ادیبده

عنان دست نادانه ورنده

قلوب ملته رنجور البده

قورندا زورویلن دارلحکومه

هر ایشده دوستلارین منظور دیبده

بویرده چونکه اشپز ایکی اولده

غذانه بی نمک یا شور ادیبده

بو امره مات وهیران قالموشم من

سیزه کیم بوایشه مجبور ایدیبده

قرانلوقدا چکیب باشیزه یاتدیز

ایوخ دشمن سیزه محسور ایدیبده

سیزیلار نی تکین همواره صابر

ولاکن حق سوزن منشور ادیبده

farhad30
1st March 2012, 12:03 AM
قناری جان

قناری جان نیچون چوخلو غمگین سن

منم قلبیم کیکین سنده یفقین در فکر تسکین سن

قناری جان غموندن یاخشه درکیم وار

باشیوندا اوچما فکرون وار

اوچوپ قاشماخ ارا اشماخ

دورگنیدن دوروییدناوزاخلاشماخ

قناری جان چوخ ایستردیم اوچایدون سن

اوجایرلرده سیرادمیش قانادلاروناچایدون سن

اوجایردن اوجا فریادیلان فریادادیدون کاش

هامه نامرد لرین رویالرین برباد ادیدون کاش

که ای سیزلر مین لر گجه یلدا سیزه لای لای چالبده

سیز یوخلایب سیز دوریزه دوشمن الیبده

یاتان لار خواب غفلتده

یاتیپ قالدیز جهالتده

چکین سیز ال بو عادتدن

دورین خواب جهالتدن

دورین خواب جهالتدن

farhad30
1st March 2012, 12:03 AM
بیلمم نیه هر یاندا بلا پس بیزی توتدی

هر بیر یانار اوت دوشدی گولستانی قوروتدی

بیلمم نیه نعمت بولاغین قاینادان الله

یوسقوللاری بس بیر بیله نعمت دن اونوتدی

بیلمم نیچون یوسوفه حُسنی ورن الله

عشق آتشینه قلب ذولیخانی چوروتدی

دوستلار نه خطا ایلدی دوستلوخدان علاوه

دوست اوستونه دوشمنلری دائم یوگوروتدی

دولتلیه رضواندی جهان یوخسولا زندان

ایپ سالدی بو یوخسوللاری زندانه سوروتدی

صابر اشیدیپ بو سوزی باخدی منه گولدی

عرض اتدی بالا بیزلری بیگانه چوروتدی

احساسیله اویناتدی بیزی عقلیمیز آزدی

ئوزباشینا بو میللتین ئوز داشینی سورتدی

پابند اولوپ بس کی خرافاته مسلمان

غفلتده گالیپ چشمه ی تقوانی چوروتدی

بیگانه چالیپ لای لایه خلق یوخلادی یاتدی

ئوز بارماقینی میللتین ئوز گوزونه دورتدی

farhad30
1st March 2012, 12:03 AM
انتظار

انتظار اهله دیور دنیا گلستان اولا جا خ

اسه جاخ باد صبا عازم بستان اولا جاخ

شورلن شدت لن قاینیه جاخ حق بولاغی

باغ وبسشتان گل اچوپ دامنه الوان اولا جاخ

گتریب مژ ده صبا یوسف دوران گله جاخ

سور وساطیله گایب وارد تهران اولا جاخ

سالاجاخ زلزله بو شهره بوتون ترپده جاخ

یخلیب کاخ ستم خاکینه یکسان اولاجاخ

گنه حلاج زمانه دوشه جاخ عشق اوتونه

هی انا الحق چاغرییب منجی انسان اولاجاخ

گنه شمشیر عدالت دوشه جاخ حق النه

اتش قهر خدا اوندا نمایان اولا جاخ

وعده ی حق ده ظیف لر الاجاخ یر اوزونه

اقویا قالسا دا بیر گوشه ده پنهان اولاجاخ

یخیلب بت کده بت لر هامه بیردن سیناجاخ

ابراهیمین بالاسه صاحب فرمان اولاجاخ

ارزوم واردو گورم ظلم اونین یانما سینین

ظالم اخرده گورم ظلمنه قربان اولاجاخ

farhad30
1st March 2012, 12:04 AM
سنه قربان



گجه گوردوم قورولوب مجلس اعيان سنه قربان

نجه مجلس ديه سن روضه ي رضوان سنه قربان

بير طرفده اوتوروب مفته يين لر هاموسي

بير طرفده سالنيب سفره ي الوان سنه قربان

بير اوجا صوتيله گوردوم كه چاووش سسلنيري

مكه دن گلده جماعت حاجي بهمان سنه قربان

من ده چيخديم كوچه يه تا كي گورم وار نه خبر

گوردوم اطرافه آليب قيز گلين اوغلان سنه قربان

صف چكيب دوره ليب چاپلوس آداملار حاجي ني

هچ ولايتده پوزولماز بيله بوستان سنه قربان

او جماعت آراسيندا آق عرقچينده حاجي

گوبلك تك باش آچيب اولدي نمايان سنه قربان

حاجي پول خرج ايليب آلدي لقب اولدي حاجي

عيبي يوخدور اولا يا اولمويا ايمان سنه قربان

خبر آلديم حاجيدان شيطانا داش وورماقيني

ديدي آتديم داشي گولدو منه شيطان سنه قربان

ديديم حاضر اولا بيلدون كسن اسماعيليوي

ديدي فكر ايله مديم بو ايشه اصلان سنه قربان

آللاديب آللاداجاق ملته تزويرچي لر

آللانيب آلاناجاخ قيز ، گلين ، اوغلان سنه قربان

خواب غفلتده ياتيپ خورنا چكر ملت هامو

باسيپ حتما بو گجه ملتي يورقان سنه قربان

ايتيميز قورتا دونوپدور قويونون واي حالينا

داها مشكل تاپيلا ايچماقا ايران سنه قربان

دره لر خلوت اولوپدور ، تولكي لر بيگ بزنيب

يازليپدير خروزين قتلينه فرمان سنه قربان

زور و تزويريله زر باخ كي نجه ال بير اولوب

جاليب ير أوزونه ، سو يرينه قان سنه قربان

دمكراسي هارا بس كنده و زنجيره هارا

روا بيلمز بو ايشي حيوانا حيوان سنه قربان

وار اميديم داغيلا بتكده بتلار سينالار

اولا تا كاخ ستم خاكيله يكسان سنه قربان

farhad30
1st March 2012, 12:04 AM
پركنده تويوخ

اوچما چوخ سرعتيلن سن گويه پركنده تويوخ گل قوناخدان ايله مه سن مني شرمنده تويوخ

بير زمان باش قولاقون بش قيرانا دگمزيدي يري وار دور ووراسان ملته پوزخنده تويوخ

بير زمان قول قيچيوا پيشيك باخمازيدي ايِندي قشلارون اولوپ سوپّه برازنده تويوخ

خوروزون بختي ياتيپ تويوخ آدينان ساتولور بو ايشه كيف چكيب فخر ايلي سن سنده تويوخ

كتدي لر شهره گلنده الينه سوغاتيدون ايِندي سوغات آپارالار سني ده كنده تويوخ

يونولان بودلاريوي گورجگين آغزيم سولانير باخيرام قيمتيوه ديليم گدير بنده تويوخ

آق بودون ، اَتدي دوشون چوخ چكرم حسرتيني آرزوم واردو توتوپ سلكه ليم منده تويوخ

وارلي حرص ايله چكر ديشلرينه دوشلريوي قيشلارون يوخلولارا دوشدي برازنده تويوخ

آند ، وررم سني تويوخ باشيوين حرمتينه بوندان آرتيخ ايله مه خلقي سرافكنده تويوخ

آند اولا دنيا داكي هر نه تويوخ وار جانينا بو سؤزو عرض ايلرم من سنه پوست كنده تويوخ

دگل انصاف سني وارلي ييه يوخلو باخا قورخ او گوندن عمل آخرده چكه گنده تويوخ

آرزوم وار دو گنه قد قد اديب كورت دوشه سن ييغاسان جوجه لري باشيوا خرمنده تويوخ

كنترل ايله مه جمعيتيوي قوي چوخالا تعدادون آرتيخ اولا بلكه ييم منده تويوخ

گر چي قيرخ گونده دارو درمانيلن بصلني سن قورو آدون دو دوشوب خلقه فريبنده تويوخ

واكسني بسكه ييپ سن جگرون آجي چالوز سنه لازمده طبيب باغليا پرونده تويوخ

يالواراخ تا ياخاموز گچميه نامرد الينه من دعا ايليرم ايله دعا سنده تويوخ

farhad30
1st March 2012, 12:05 AM
هانی ازه‌لکی عیزّه‌تیم، نه گلدی آل-ی-هاشیمه؟

قالێب هایاندا اکبریم؟ وۇرۇللا قمچی باشیمه

عمیم هانی؟ گلیب باخا گؤزیمده قانلێ یاشیمه

گؤره سالێب نه حالته؟ بۇ گرده‌ن-ی-زمان منی

مگه‌ر یتیمه قێزلارێ سالار بۇ حاله روزگار

نه وار باشێمدا معجریم، نه یۆزده بُرقَع-وْ-خمار

جفای-ی-تازییانه دن وجودیم اوْلدۇ زخمدار

ندیر گۆناهیم ائی بابا؟ وۇرۇر بۇ شامییان منی

ائدیبله غم خزینه‌سی، بۇ قلب-ی-پاره پاره‌می

یاناندا خئیمه‌گاهیمیز، آلێبلا گوشواره‌می

یوْخۇمدۇ بیر کسیم بابا، کسیبله راه-ی-چاره‌می

سالێبلا آت قاباغێنا، ائدیبله باغرێ قان منی

یتیمه بیر قێزام بابا، اسیر-وْ-خواره‌م آغلارام

گئدیبدی صبر-وْ-طاقه‌تیم، علیل-وْ-زاره‌م آغلارام

گله‌ن وۇرار، گئده‌ن وۇرار، یوْخۇمدۇ چاره‌م آغلارام

غریق-ی-سئیل-ی-اشک ائده‌ر، بۇ چشم-ی-خونفیشان منی

وۇرۇبدێ سیلی شئمر-ی-دون، بنؤوشه تک یانێب اۆزۆم

اوْدۇر کی متّصل تؤکۆر، عذاره قانلێ گؤزیاشێم

قوْلۇمۇ باغلایێب عدو، دؤنۆبدۆ شامه گۆندۆزۆم

کسیر قوْلۇمۇ اینجیدیر، بۇ بند-ی-ریسمان منی

نقدری صبر ائدیم مگه‌ر، دیل آچمایێم شیکایه‌ته

هله جفاسی دۆشمه‌نین، یئتیشمه‌ییب نهایه‌ته

عیالیوی اسیر ائدیب، چکیلله هر ویلایه‌ته

خرابه‌لرده اؤلدۆرۆر، بۇ مئحنه‌ت-ی-گیران منی

علاج یوْخدۇ دینمیره‌م، وۇراندا شئمر عیتابیله

باشۇن دالێنجا شامه دک، گره‌ک گله‌م شیتابیله

وئره‌م خرابه‌لرده جان، بۇ سوز-وْ-ائلتیهابیله

غم-ی-فیراقون ائیله‌ییب، علیل-وْ-ناتوان منی

دوْیۇنجا آغلێیانمادێم، اۆره‌کده قالدێ حسره‌تیم

دییار-ی-شامه عازیمه‌م، چتیندی بیر رجعتیم

بۇیۇر دارێخماسێن بی‌بیم، یئتیشسه هر اذیتیم

قاباغا وئرسین اللــه‌رین، وۇراندا ساریبان منی

بۇ اهل-ی-کینه آنلایێب کی من چوْخ ایستیره‌م سنی

اوْدۇر سبب کی چکدیله‌ر، بۇ قتلگاهیده‌ن منی

موزاحیم اوْلمایێم داخێ، مرخّص ائت رقیّه‌نی

اگرچی سن‌سیز اؤلدۆرۆر، بۇ ناله-وْ-فغان منی

گله‌نده؛ قارداشێم منی سوار ائدیردی محمیله

محبّت‌ ایله ائندیریب یئته‌نده هر منازیله

اوْدۇر کی آختارێر گؤزۆم، کی بلکه اکبریم گله

سوار ائده کجاوییه اوْ یار-ی-مئریبان منی

کریمی‌نین رقیّه‌ده‌ن حیمایه‌ت آرزوسی وار

همین بۇ شئعره جاییزه شفاعه‌ت آرزوسی وار

هوای-ی-شامی چوْخ سئویر، زییاره‌ت آرزوسی وار

دئییر یئتیر اوْ قبره ائی، خودای-ی-لامکان منی

farhad30
1st March 2012, 12:05 AM
بو اوجاداغلارین‌ قارلی‌ باشیندا
هر بیر قایاسیندا، هر بیر داشیندا،
شاعیرلرین‌ الهام‌ خزینه‌سی‌ وار.
بؤیوک‌ عصیانلارین‌ خاطره‌سی‌ وار.
***
ای‌ عزیز وطنیم‌، ای‌ بؤیوک‌ دیار،
یئری‌ وار آدینلا ائتسم‌ افتخار.
شرقین‌شرفیسن‌، شهرتیسن‌ سن‌
اسلانلار یوردوسان‌ قورولان‌ گوندن‌.
سن‌ یئنی‌ حیاتین‌ یارادانیسان‌
شرق‌ تاریخینین‌ قهرمانیسان‌.
سندن‌ الهام‌ آلیر بؤیوک‌ دویغولار
درین‌ معنالیدیر، سنده‌ هر نه‌ وار.
سنین‌ بو عصیانکار طبیعتینده‌،
هر توتقونلوغوندا، هر بهجتینده‌،
سنین‌ بورانیندا، سنین‌ قاریندا
سنین‌ باهار آچان‌ شن‌ باهاریندا،
یاشیل‌ دوزلرینده‌، اوولاقلاریندا،
چای‌ـچمنلی‌ گؤزل‌ یایلاقلاریندا
سیزیلداییب‌ اسن‌ سرین‌ یئلینده‌،
ایگیت‌ ائللرینده‌، شیرین‌ دیلینده‌،
اوجا داغلارینیین‌ قارلی‌ باشیندا،
هر بیر قایاسیندا، هر بیر داشیندا،
شاعیرلرین‌ الهام‌ خزینه‌سی‌ وار،
بؤیوک‌ عصیانلارین‌ خاطره‌سی‌ وار.
«دریالار مرکب‌، مئشه‌لر قلم‌»
من‌ کی‌، کئچمیشینی‌ یازا بیلمه‌رم‌.
کئچمیشی‌ قوی‌ یازسین‌ آنجاق‌ تاریخلر
هر «عاشیق‌» دونیادا گؤردوگون‌ سؤیلر.
منجه‌ مللتیمین‌ « آذر عصیانی‌ »
کوتله‌لر عصیانی‌، ائللر عصیانی‌
شرف‌ اولدوزودور سنین‌ یاخانا
افتخار آدینا، ای‌ بؤیوک‌ آنا!

farhad30
1st March 2012, 12:06 AM
بس منی سئخدی زمانه اورگیم قان اولدی

سرداشیم اولمادی عالم منه زندان اولدی

اوتورا بولمدیم ایوده قاپویا بویلاندیم

بلکه جان صاحبی بیر لحظه نمایان اولدی

سایدیم اولدوزلاری بیر بیر او قرانلوق گیجه ده

اغلادیم صبحه قدر گوزده کی یاش قان اولدی

هی گوزوم یاشینی توکدوم یوزه هجران گیجه سی

قالدی یوللاردا گوزوم صبر ایوی ویران اولدی

بیر کسیم اولمادی سرداشیم اولا غملی گونوم

قورتارام جانیمی غمدن مگر امکان اولدی

آیریلیقدان باشما گلدی نه لر بولمدون هئچ

سئل کیمی غم توکولوب باشیمه عمان اولدی

تانری چاره م ندی عشقون قوشی باغیمدن اوچوب

بولورم گئتدی هارا کیملره مهمان اولدی

بولمورم یول اوزاق اولدی کی گلوب چئخمادی یار

یا وفاسیزلیق ایدوب اوزگیه جانان اولدی

یا کی مندن اورگی سیندی داها گلمیجک

یا کی اوز باغلادیقی عهدینه پشمان اولدی

یارین عشقیله گئچدیم گئجه می گوندوزومی

وصلینی آرزیلادیم قسمتیم هجران اولدی

آیری بیر سوز دیمرم ساغلیقینی آرزیلارام

بلکه گلدی یئنه اولده کی دوران اولدی

farhad30
1st March 2012, 12:07 AM
قییت بو یول کی گئدورسن نگاره چاتمیاجاق



دونوبدی قیش هله فصل بهاره چاتمیاجاق



دومان دوتوب یولی دوز کورسنور ولی دره دی



بو چولده عشق متاعی بازاره چاتمیاجاق



قرانلوق ایجره گیدورسن هانی چراغین بس



چراغی اولمیان اخر کناره چاتمیاجاق



او قرمزی نه شافاغدی نه لاله دور قاندور



اخوبدی داغ داشا بیر اعتباره چاتمیاجاق



باتوبدی گون بو یرین گونلری دونوب گئجیه



گلن گونه داخی آی یا ستاره چاتمیاجاق



دوتوبدی بو چولی باشدان باشا بوتون ظلومات



اوجور گلور نظره یار یاره چاتمیاجاق

farhad30
1st March 2012, 12:07 AM
گتدیم سیزه عنوان گل نیلوفر الیمده

اتمام ایدورم حجتیمی اصغر الیمده

قران دگول اما اوخورام ایه به ایه

قرانی سیزه من علی اصغر الیمده

اصغرسه بو من اکبریمه وئرمیشم اکبر

ویررم گئـنه اولسا نقدرگوهر الیمده

سیزدن نه اوموم من تانورام کوفه نین اهلین

محرابیده قان ایچره قالوب حیدر الیمده

دریانی کسوب باغلاموسوز نهر فراتی

دریای مصیبتدی ایدور لنگر الیمده

نه وار کیشیلیق سیزده نه رحم و نه مروت

کورمور کی گوزوز اولدی گولوم پرپر الیمده

مینلرجه منه نامه یازوب سوز هارا گیتدوز

امضاسی سیزیندور کی قالوب یکسر الیمده

بیلمم نه دئدی اصغره اوخ گولدی دوداقی

ارام ایلدی دیلسیزیمی اوچ پر الینده

بو گنجی گرک گیزلدم اغیارین الیندن

گوردوقجا چوخالدی طمع لشگر الیمده

افسوس یوزوم یوخدی خیامه آپارام من

تاب ایلیه بولمز گوره گر مادر الیمده

افسوس یاتوبسوز اثر ایتمور سیزه سوزلر

جمع اولسل بو سوزلر اولی مین دفتر الیمده

farhad30
1st March 2012, 12:07 AM
مشکلدیم ای خسرو خوبان مدد ایله

ای دردلره درمان منه بیر ان مدد ایله

گلمور قلمیم یازماقا چون شانوه چاتماز

وصف ایلماقا یوخدی کی امکان مدد ایله

دریای غمون ساحلینه کیمسه چاتانماز

گر گتسه بو جور گردش دوران مدد ایله

ای رحم ایلین اهوییه صیادین الینده

گلمیش قاپوا بنده نالان مدد ایله

ایکاش سر کویوه من بیر قوش اولییدیم

صدقیله دییدوم سنه قربان مدد ایله

گلدسته لرون نور سپور عرشیله فرشه

ظلمت اورگیم ایله چراغان مدد ایله

سن سن ره حقون اقاجان شرط و شروطی

گل شرطیمیزی ایله چوخ اسان مدد ایله

عالم دولانور باشیوه آیا نه غریب سن

عشق عالمینه یوسف کنعان مدد ایله

کاش قسمت اولا جام وصالون منه هرگون

مست ایلیه بو جانیمی جانان مدد ایله

هر چند کی قابل دگولم لطفوه اما

گل باشیمین اوسته چیخا تا جان مدد ایله

farhad30
1st March 2012, 12:08 AM
آغلاییب بوشالوب دولماق ایستیرم

سایه نده عومور کن قالماق ایستیرم

گئجه گونوزومی شیرین عومرومو

سنیله بیرلییب بولماق ایستیرم

یورولاندا روحوم آرتاندا غمیم

بیر شیرین دوداقدان گولماق ایستیرم

حیاتیم زایلاشیب آی قوجا ننه

جوانلاش تازادان اولماق ایستیرم

گوللری سارالدیب خزانین دادی

کوکوندن غصه نی یولماق ایستیرم

آیاقین آلتیندا آچان بیر گولم

قولومی بوینونا سالماق ایستیرم

میگویم سلام ، هیچکس جوابم را نمیدهد ، پس خدانگهدار میگویم شاید از سر اتفاق ، یک نفر دست هایش تکان بخورد .

farhad30
1st March 2012, 12:08 AM
یار گلر اولکه میزه؟

نئچه ایل دیر کی گونش تار گلر اولکه میزه

یاز گونی – باهار گونی قار گلر اولکه میزه

بیلمیرم بو آی – بو ایل باغچالار چیچکله نر؟

داغلارا یاقیش یاقار وار گلر اولکه میزه؟

وفا سیز یوچیلارا وفالی یول تاپیلار ؟

یول ایتیرمیش کیمی تک یار گلر اولکه میزه؟

یولچولاردان یاریمین خبرین ایسته میشم

نیله ییم کیمسه گلیب کار گلر اولکه میزه

خانلارین شانسی کیمی یوخدی بیزده بئله شانس

شئر یئرینده قارا ایت هار گلر اولکه میزه

farhad30
4th March 2012, 07:22 PM
بایاتی لار (2)



یاندیریب یاخدی منی / سوزاند و خاکسترم کرد
داغ – داشا چاخدی منی / به سنگ و کوهم زد
مرد بیلیب آرخالاندیم / مردش پنداشتم و به او پناه بردم
نامرددیر ییخدی منی / نامرد است و به زمینم زد

داغلار داغلادی منی / کوهها داغم کردند
زولفون باغلادی منی / زلفانت بندم کردند
نامردین بلاسیندان / از بلایی که نامرد گرفتارم کرد
ائللر آغلادی منی / ایل و طایفه به حالم گریست

*
داغلار باتیبدی قارا / کوهها پر برف شده
اووچو دوشوبدو دارا / شکارچی به سختی افتاده
اوزووه گولن دوستون / دوستی که در رویت می خندد
قاییت بیر قلبین آرا / برگرئد و آنچه در دلش می گذرد ببین

*
داغ باشین چن آلارمی؟ / بالای کوه را مه می گیرد؟
آلسا کؤلگه سالارمی ؟ / بگیرد سایه می اندازد؟
بیر مظلومون قیصاصی / مگر قصاص مظلوم
بیر نامردده قالارمی ؟ / دامن نامرد را نمی گیرد؟

*
عزیزینم دوست آشی / عزیز من آش دوست
دوست چؤره یی دوست آشی / نان دوست و آش دوست
دشمنین گول له سیندن / از گلوله دشمن هم
یامان اولار دوست داشی / سخت تر است ضربه دوست

*
عزیزیم آتار منی / عزیزم رهایم می کند
هر درده قاتار منی / به هر دردی گرفتارم می کند
نامرد گلیب مرد اولماز/ نامرد مرد نمی شود
دوسلوقدا ساتار منی / در دوستی هم مرا می فروشد

*
عزیزیم داغا گلیر / عزیزم به کوه می آید
بولبوللر باغا گلیر / بلبل به باغ می آید
نامردین قایداسی دیر/ این رسم نامرد است
جان وئرن چاغا گلیر / در لحظه جان دادن می آید

*
عزیزیم دالداسینا / عزیزیم در پناهش
غونچه گول دالداسینا / در پناه غنچه گل
نامرد ائله نامرددیر / نامرد ، نامرداست
اؤزو نه ، دالداسی نه / چه رودررویش باشی و چه در پناهش

*
عزیزینم آی باتدی / عزیزم ماه غروب کرد
اولدوز باتدی آی باتدی/ ستاره و ماه غروب کرد
یاریم بی وفا چیخدی / یار من بی وفا شد
منی اغیارا ساتدی / مرا به اغیار فروخت

*
یا ربیم درده منی / یارب به این درد مرا
سالما بو درده منی / گرفتار نکن به این مرا
نامرده محتاج ائتمه / محتاج نامردم نکن
کس قربان مرده منی / قربان مرد کن مرا

*
باغیندا وار آلچالار / در باغشان گوجه هاست
یاشیل چالار ، آل چالار/ بنگشان مایل به سبز و قرمز
آغلاما دلی کؤنلوم / دل دیوانه ام گریه نکن
دشمن گؤروب ال چالار / دشمن می بیند و از شادی کف می زند

*
سن منی کول ائیله دین / تو خاکسترم کردی
دردیمی بول ائیله دین / دردم را زیاد کردی
داغیتدین ائل – طایفامی / قوم و خویشم را پراکندی
دشمنه قول ائیله دین / برده ی دشمنم کردی

*
عزیزیم آیران سیزا / عزیزم به آنکه دوغ ندارد
آیران وئر آیران سیزا / دوغ بده به آنکه دوغ ندارد
ظلم ائوی اباد اولماز / خانه ظلم آباد نمی شود
قالماز بو دووران سیزه / این دور به شما نیز نمی ماند

farhad30
6th March 2012, 11:21 PM
وصیت ائدیرم کی من اولن زامان گوزومی باغلاسین ایستدیگیم آنام

یویولوب کفن بورونن زامان دالیمجا آغلاسین ایستدیگیم باجی

مقاراباش داشیمی قارداشیم یازسین

سویوخسوز قبریمی قویون آتام قازسین

هامی داغلیب گدن زامان مزاریم اوسته سئوگولوم آغلاسین…

farhad30
6th March 2012, 11:22 PM
چالیش ائللر سایاغی سای قرانی، سای، آغی
آغ، قارادیر پیس گونده بیر بیری نین دایاغی

عاقیل آدام قورولماز سن بورماسان بورولماز
ایش لر گره ك قاریشا بولانماسا دورولماز

بو قالا داش قالادی داش اوسته داش قالادی
بابكین داش قالاسی هامیدان باش قالادی

شیرین دیللی آچارام هر قیفیلی آچارام
دیش ایله یوخ، دیل ایله هر قیفیلی ، آچ، آرام

بورا گؤزه ل آدادی گؤزللیك بورا دادی
آغیزلاردان داد گئدیب ایندی هر زاد، آدادی

من گئتدیم گؤزوم قالدی گؤزونده گؤزوم قالدی
اورك دؤزه بیلمه دی تك منه دؤزم ، قالدی

گتیرمه یین پول، آدی ایندی هر زاد، پولادی
پولسوز پولاد اولسادا پول اریدر پولادی

سن دریادا اوزه لی اللریو وار اوز، الی
هر كس وفاسیز اولسا اللریندن اوز، الی

farhad30
14th March 2012, 12:49 PM
طبیعتین عالمی

هر کسی تانری یارادیب بیر هونری واردو اونون ---------- آغدو قارا خردا بویوک بعضی آریق بعضی یوغون
بعضی لر اولدی گزون آشما غینان میندی ماشین ---------- بعضی سی آشدی گزون گورمدی گوزلرده یولون
بعضی شانس اوسده اولوپ قوصه سی آز ---------- بعضی قیز دوغدی گزیر کوهنه چیدن ساده دونون
واقتی یوخدور ساوادی کتده قالی ایستلدی چوخ ---------- قیزیشیب دالبادالا مجبور اولوب دوغدی اونون
بیری گتسون چورگ دوغدی بیرینده کمکه ---------- یتیشیب 15 یاش اما تانومور ساق یه سولون
توی اولوب دکتر اوغول قیزدا موهندیس بالاسی ---------- 5 ایل اونان سوهرا دوغدی بو خانیم بیر توپولون
بلگ بورکلدی قویدی آدین آقشامینان ---------- سابا گوردی بو گوزین مشهد ایدی بو یولون
چیقیریب آقلادی بیر آروادی تز توتدی کنیز ---------- دده سی دوشدی دالینا آلسون اونا تز کوپونون
ایکی ایل کچدی اوشاق تورک عوضی فارسی بیلیر ---------- دده سی تز تز اونا دیور نجه سن دسته گولوم
بو اوشاق یدی یاشیندا قورانین حافیظی دیر ---------- آمبا کندین اوشاقی هی اوتاریر چلده قویون
اوتوز ایلدیر کاسیبین بختی یاتیب یوخدور خبر ---------- ایلیشیب تیریکه هی تزریق الیور هیروئین
قیناما یوخدو گوناه اوندا اودا بیر آدامدور ---------- ولی گج بیلدیکی ارزیش واریدور چخلی پولون
سویوشوب 15 شی ارباب تلسور کسدی کبین ---------- بیر ایله تیکدی اوین آلدی ماشین توتدی تویون
بو نجور حس السون خرجی گرگ ایشده تاپا ---------- دوننینجک دده سی اوده اوشاق ییدی بویون
کاسیبا الچی گلیب تیریکی بیر اوغری ایگید ---------- تلسیر قیز آناسی صیغنی تزدن اوخیون
ددی شوغلون ندیر قیز اوغلان اونا سول باخدی ----------- ددی الده ساتارام من گجه لر کتده تویوغ
خالافیم یوخدو گورورسن آزی قیرخدور (40 )بو یاشیم ---------- چکمیشم یاشاماقین ایستیلیغین هم سویوغون
من اوزیم رزمی کارام تیریکی سوزدور دییلر ---------- من ثابیت ادرم بلی دیون شرطی قویون
کسرم من بیچرم هر کسی چپ باخسا سنه ---------- سن آدین ور ساباه تحویل آلاسان ساق قولاغین
خوشی گلدی بو قیزین او اوغلانین رزمینلن ---------- سویونب آغشامیلان توتدی اونون سیخدی سویون

farhad30
16th March 2012, 11:41 AM
منه اومود کیمی باخ




منه اومود کیمی باخ- دوغرولدوم گومانینی،





منه ایشیق کیمی باخ- داغیدیم دومانینی،




منه سوگی کیمی باخ- دؤنوم محببتینه،




منه اینام کیمی باخ- سینه گریم چتینه،




منه سحر کیمی باخ- چورولوم صاباحینا،




منه سوینج کیمی باخ- نقطه قویوم آهینا،




منه باهارکیمی باخ- یاشیللانیم،آللانیم،




منه پاییزکیمی باخ- شیره لنیم،باللانیم،




منه حیات کیمی باخ- هرگون قایناییم،داشیم،




باخ،منه نجه باخیرآتام،آنام،قارداشیم




نه قدرکی،باخیرسان منه بارماق آراسی،




قطعی ساغالان دییل اوره ییمین یاراسی،




دمک قلبیمده کدر،دمک سینمده داغسان،




بو گدیشله،ای اینسان،




نه من یوکسله جیم،نه سن اوجالاجاقسان

گگد
16th March 2012, 06:28 PM
:037:

گگد
16th March 2012, 06:30 PM
نه دییم من نه دییم
بو زمانه دن من داهی نه دییم
هیچ کیمه اعتماد المه
بیر ذره اسوده اولما
بو دنیا دوستی گوردا ورندی

farhad30
3rd April 2012, 10:17 PM
بوباغین بولبولو بیرده ن بیره لال اولدو نه دن؟

قوزقونا قارقایا جولانه مجال اولدو نه دن؟

شانلی یازکسمیشیدی قاره قیشین بوز نفسین

یازا چیخمیش صونالار غرق ملال اولدو نه دن؟

هانکی صرصر الی پرپر ائله دی گول چیچگی

بو برومند آغاجین میوه سی کال اولدو نه دن؟

بیز کی جان جان دئمه دیک اولکه ده قان قان دئینه

سئوگی منظومه سی حال اهلینه قال اولدو نه دن؟

مِیِ انگوری سؤزوم یوخ کی حرام ایدی بیزه

انسانین قانینی نوش ائتمه ک حلال اولدو نه دن؟

بیز بیلردیک کی دوغولماز یئنی دن رستم زال

یوردون حرّاجه قویان رستم زال اولدو نه دن؟

ایسته دیک سیره چیخاق ماوی سمالرده بیر آن

سیندی قُول یاندی قاناد سیر محال اولدو نه دن؟

آی کیمین آیدین یدی (عاصمه) ناحقّیله حق

پس حقین قامت موزونو هلال اولدو نه دن؟

صالح عاصم اردبیلی

farhad30
3rd April 2012, 10:18 PM
دوستلار گوروشونه آنا یوردومدان

کونول بوقچاسیندا سوز گتیرمیشم

ادب باغچاسیندا سولماز گوللره

آراز کیمین آغلار گوز گتیرمیشم

دالغالی دنیز تک جوشوب چاغلایان

ائلر یاراسینی آچیب باغلایان

چئوریب بولودا قان یاش آغلایان

شعریزه بیر چیمدیک دوز گتیرمیشم

اولو بابالاردان یادگارلارا

عاشیقلار جمعینده بسته کارلارا

تایسیز ایگیدلره وورغون یارلارا

منده بیر وورغونام اوز گتیرمیشم

شعرین اوجاغیندان قالخان کوزلره

اوزون گئجه لرده اویاق گوزلره

سینه لر یاتاغی اودلو سوزلره

سولطان ساوالاندان بوز گتیرمیشم

وورغونام او آیدین گئتدیگیز یولا

نه ساغا باغلی سیز نه ده کی سولا

گلمیشم سیزیلن وئرم قول قولا

خورجوندا نه ییم وار دوز گتیرمیشم

محبت ایپه گین آچیب سرمه گه

کونلوزون آغری سین بر آز درمه گه

ظولماتا گونش تک سینه گرمه گه

یانیقلی سازیمدا کوز گتیرمیشم

ائشیتدیم سوز قیزین بوردا آلان وار

عاصیمین باغیری تک داردا قالان وار

غزل باغچاسیندا نغمه چالان وار

قارا تئل سارا تک قیز گتیرمیشم

من آنا یوردومون بیر دیلمانجی یام

بیر جوما آرزی یام، شعرم، سانجی یام

دنیزلر اونونده ایتگین دامجی یام

گونشه دیرماشان توز گتیرمیشم

صالح عاصم اردبیلی

farhad30
3rd April 2012, 10:18 PM
گؤزلیم! سالما گؤزوندن منی، بیگانه کیمین

اذن وئر، شوط ائدیم اطرافینی پروانه کیمین

بخت آئینه سی تک، سیل اوره گیندن کدری

تا صداقت باخیشیندان جوشا، میخانه کیمین

اوخو عشقین کیتابین، سئوگی دن افسانه یاراد

کؤنلومو شوقیله سرشار ائله، پیمانه کیمین

روحوم آشوفته دی، زولفون کیمی آی سیزدی گئجه م

بو پریشانلیغا بیر نظم یاراد شانه کیمین

گل گؤزللر آرا، بی رحمیلیگ آییننی پوز

سالما اؤز عاشیقینی چوللره، دیوانه کیمین

بولبولم، قهر زمان، باغدان اوزه ندن الیمی

قارا خالیندی چکن دامه منی دانه کیمین

گل ملامت داشی آلتیندا، بو بیچاره کؤنول

تالانیب قیش گونو، تاراجه گئدن لانه کیمین

گون کئچیب، آی دولانیب، ایللر اؤتوبدور هله ده

سینه ده ساخلامیشام گنجیمی ویرانه کیمین

گلمه دین، اوندا کی جان دردینه درمان واریدی

ایندی درمان دا منه درد دی جانانه کیمین

عاصمین طبعی، صداقت بولاغیندان سو ایچیر

گر چی دؤزگونلوگ، اولوب دهرده افسانه کیمین

عاصم اردبیلی

farhad30
12th April 2012, 06:21 PM
گؤر اوجورکی داغلاری گؤردون اوجوردا دوزلری گؤر
یئرین اوزونده سریلمیش گئنیش دنیزلری گؤر
یاپیش سن اللریمیزدن چیخارد او زیروه لره
دالینجا چوخلو سورونموش قابارلی دیزلری گؤر
گویون اوزونده گزیرسن گؤزل ملک لرینن
یئرینده حالینی یوخلا بو خسته گؤزلری گؤر
قازاندیغین او ایشیقدان بیر ایستکان وئر ایچک
بیزیم قارانلیغا باش چک بیر آزدا بیزلری گؤر
هنر دگیل که همیشه آغ اوزلودن یازاسان
بیر آزدا سن قره گونده سارالمیش اوزلری گؤر
دئمه کثیف دی بو عالم صفاسی یوخدو اوتور
گزیپ دولان سن ایچینده ایچی تمیزلری گؤر
زامان اؤتوب بیزی کئچدی پوزولدو احوالیمیز
خریطه لرده سیلینمیش او آشکار ایزلری گؤر



ارشد محمدی

farhad30
22nd April 2012, 11:28 PM
منیم ای نازلی دلداریم ، منیم ای دردیمه درمان

منیم ای دولتیم ، واریم ، باغیشلا ، گئچ گناهیمدان

سالاندا سن منی بنده ، یاخینلیق اولماسا سنده

اگر قانیمی تؤكسنده ، یولومدان دؤنمرم بیر آن

شیریندیر لبلرین دلبر ، او گول رخسارینی گؤستر

یازیق كؤنلوم سنی ایستر ، منی الدن سالیر هجران

جمالین پرده یه سالما ، بو عاشیقدن اوزاق قالم

اگؤزومدن انتقام آلما ، منی قویما بئله حیران

بدخشان لعلی سنسن یار ، اوزون یاقوت كیمی پارلار

سنون حسنونده دیر گلزار ، جمالیندیر نگارستان

منیم ایچین لیلی ، عمر انسان ، و یا بلقیس و صنعانسان

یادا بیر ماه كنعانسان ، سنه اولسون جانیم قوربان

منی سنه مجنون ائتمیش سن ، حیاتدا محزون ائتمیش سن

اوزونه مفتون ائتمیش سن ، ائدیبسن قلبیمی بریان

دئییردیم من سنین یارین ؟ كی اولدوم ایندی بیمارین

سنین نورانی رخسارین ، منی یاندیردی ، ای جانان

نظامی اولدو بیچاره ، ائدیب هجرانین آواره

تاپیلمیر دردینه چاره ، اولوب جاری گؤزوندن قان

farhad30
27th April 2012, 06:50 PM
پاییز تک قوجاقی بهرله دلو،


یای کیمی غضبی،سوینچی اؤدلو،


قیشین قارین دان دا داییم اوزو آغ،


باهار گونشی تک مهربان، پارلاق،


بیزیم دونیامیزین بزه یی آنا.


بوتون گوچه ک لرین گویچه یی آنا.


***


بابام عؤمور بؤیی هی جننت گزدی،


اؤ جننت سن سن.


آتام اؤلنه جک سعادت گزدی،


اؤ سعادت سن سن.


من ده بیرزامانلار حقیقت گزدیم،


ایندی درک إتدیم کی،حقیقت سن سن.


حیاتین ان بؤیوک نعمتی آنا.


بوتون اینسانلارین شهرتی آنا.

farhad30
8th May 2012, 10:32 PM
[Only registered and activated users can see links]

farhad30
8th May 2012, 10:41 PM
هر عاشق اولان عشقه گرفتار اولابيلمز
هر خورما ساتان ميثم تمار اولابيلمز
مخلوق خداوند اوزونه اولميان عاشيق
حق عاشقه تك صاحب ايثار اولابيلمز
دونيا مالونا شهرتينه وورقون اولانلار
انفاق ايلهمز طالب ديدار اولابيلمز
ماموره اگر رشوه يماخ اولماسا عادات
مظلوملارين قاننه ظالم سورا بيمزا
ميمون تكين هر سوزه تقليد ايلينلر
انديشه اديب صاحب افكار اولابلمز
صابر يمه غم هر گونين ئوز قصه سه واردور
مفرق پاراسه گوهر شهوار اولابيلمز

farhad30
8th May 2012, 10:42 PM
قوروموش بوداق (بوتۀ خشک شده)
[Only registered and activated users can see links]


من ده سنه تاي ، قوروموشام
آي قوروموش بوداق!
گول اولورسان اول ؛
تيكان اولورسان اول !
ايندي ، من كيمي ، تكجه
يانماقا ياراشيرسان !
سنه باخيرام اؤزومي گؤرورم
كاش تُپراق عوضي سو وا دؤنَيْديم .

farhad30
8th May 2012, 10:44 PM
[Only registered and activated users can see links]

سنين بهره ن يئين كيمي دير ؟
كيمينكي سن ؟ يئين كيمدير ؟
سنه دوغري دئين كيمدير ؟
يالان دونيا ، يالان دونيا


Sənin bəhrən yeyən kimdir ?
kiminki sən ? yeyən kimdir ?
sənə doğru deyən kimdir ?
yalan dünya , yalan dünya !

farhad30
8th May 2012, 10:45 PM
قناری جان نیچون چوخلو غمگین سن
منم قلبیم کیکین سنده یفقین در فکر تسکین سن
قناری جان غموندن یاخشه درکیم وار
باشیوندا اوچما فکرون وار
اوچوپ قاشماخ ارا اشماخ
دورگنیدن دوروییدناوزاخلاشماخ
قناری جان چوخ ایستردیم اوچایدون سن
اوجایرلرده سیرادمیش قانادلاروناچایدون سن
اوجایردن اوجا فریادیلان فریادادیدون کاش
هامه نامرد لرین رویالرین برباد ادیدون کاش
که ای سیزلر مین لر گجه یلدا سیزه لای لای چالبده
سیز یوخلایب سیز دوریزه دوشمن الیبده
یاتان لار خواب غفلتده
یاتیپ قالدیز جهالتده
چکین سیز ال بو عادتدن
دورین خواب جهالتدن
دورین خواب جهالتدن

farhad30
8th May 2012, 10:46 PM
انتظار اهله دیور دنیا گلستان اولا جا خ
اسه جاخ باد صبا عازم بستان اولا جاخ
شورلن شدت لن قاینیه جاخ حق بولاغی
باغ وبسشتان گل اچوپ دامنه الوان اولا جاخ
گتریب مژ ده صبا یوسف دوران گله جاخ
سور وساطیله گایب وارد تهران اولا جاخ
سالاجاخ زلزله بو شهره بوتون ترپده جاخ
یخلیب کاخ ستم خاکینه یکسان اولاجاخ
گنه حلاج زمانه دوشه جاخ عشق اوتونه
هی انا الحق چاغرییب منجی انسان اولاجاخ
گنه شمشیر عدالت دوشه جاخ حق النه
اتش قهر خدا اوندا نمایان اولا جاخ
وعده ی حق ده ظیف لر الاجاخ یر اوزونه
اقویا قالسا دا بیر گوشه ده پنهان اولاجاخ
یخیلب بت کده بت لر هامه بیردن سیناجاخ
ابراهیمین بالاسه صاحب فرمان اولاجاخ
ارزوم واردو گورم ظلم اونین یانما سینین
ظالم اخرده گورم ظلمنه قربان اولاجاخ

farhad30
8th May 2012, 10:48 PM
[Only registered and activated users can see links]

farhad30
8th May 2012, 10:50 PM
اوزوک کیمی ایتیرمیشم قاشیمی
تاپانمیرام وفالی یولداشیمی
بولود قویور باشینی داغ چینینه
من قاراگون هارا قویوم باشیمی
ایسته میرم یاریم گوروب اینجی یه
گیزله دیرم گوزومده گوزیاشیمی
باشماق کیمین زیوارسیزام حیف اولا
تاپانمیرام دردیمه کفاشیمی
نقاش اولوب خیالینده چ***دیر
اول دوداغ،سونرادا گوز - قاشیمی
رنگی قوتولدی بوشلادی طرحیمی
گورمه دیم اوندان سورا نقاشیمی
مسافر اولدوم حیف اولا تانیش یوخ
ایق دالیمدا پیشیره آشیمی


[Only registered and activated users can see links]

farhad30
8th May 2012, 10:50 PM
شفای وصل قدرین ، هجردن بیمار اولاندان سور
زلال ذوق شوقون ، تشنه دیدار اولاندان سور

لبین سرین گلیب گفتاره ، من دن اؤزگه دن سورما
بو پنهان نکته نی بیر واقف اسرار اولاندان سور

گؤزو یاشلی لارین حالین ، نه بیلسین مردم غافل ؟
کواکب سرینی ، شب تا سحر بیدار اولاندان سور

خبرسیز اولما فتان گؤزلرین قیدین چکن لردن
خبرسیز مست لر بیدادینی ، هشیار اولاندان سور

غمین دن شمع تک یاندیم ، صبادان سورما احوالیم
بو احوالی شب هجران ، منیم له یار اولاندان سور

farhad30
8th May 2012, 10:51 PM
دولدور پیاله نی وئر ایچیم، چوخ یوبانمیشام

ایللر بویو بو جامیدن اوتری دولانمیشام


گورجک سنی ، تمام وجودوم سن اولموسان

سنسیز ولی ، اوزومده اوزومدن تالانمیشام


سنلی گونش لریم منی ایزلیر آداخلی تک

نئیلیم من عاشقم ، سنی تکجه اینانمیشام



عشقیم یالان دئییل منه بیگانه سویله مه

مجنون کیمی دالینجا گزیب چوخ دولانمیشام


سنسن منیم ازل سوزومون سون حکایتی

سن ناز ائله ، کی من سوزوم اوسته دایانمیشام

farhad30
8th May 2012, 10:54 PM
[Only registered and activated users can see links]

farhad30
8th May 2012, 10:58 PM
[Only registered and activated users can see links]

farhad30
10th May 2012, 12:10 AM
کپنک

کوشدوم پئشینجه،

سئوینجک بیر چوجوق کپنک پئشینده ،

آلچاق- اوجا اومروندا اولمایان کیمی!

سن دالدان دالا قوندون ،

حالدان حالا قالدین ،

من، دیرناق‌لاریم گؤیرمیش

آیاق‌لاریم قابار !

سندن بیر اوچوش خاطره‌سیندن باشقا

الیمده نه وار!؟

اورییمده قووقا‌لی بیر سئودا گزیر

بیر ده گئری دؤنجکمی

قانات‌لاری گؤی قورشاغی ،رنگینده اولان

کپنه ییم؟

دیلیم سوسوب،

آیاق‌لاریم دینجه لیب‌دیر،

لاکین حالا،

دال‌دان دالا ،

یول‌دان یولا !

سنی گزیر ،باخیش‌لاریم !

۱۳۹۱-اورمو


کریم گول اندام

farhad30
10th May 2012, 12:21 AM
منه ده سؤیله!


تانری عاشکینا!

گئتمه دن اؤنجه

بؤیله قانی سویوق اونوتقانلیغین ،

قولای یولو وارسا

منه ده سؤیله!

بیلیرسن قالاجاغام بوش بیر یووا تک،

سویوق ،محزون،ایچیمده کولک!،

سنین دؤنوشونون اینتیظاریندا !

یالقیز بیر بایقوش کیمی،

خیالا دالاجاغام

عشقیمین مزاریندا !

کسدیگیمیز دوز-چؤرک،

حؤرمتی اولسون گرک!

سؤیله نه اولور سؤیله!

بو قده ر سویوق قانلی،

ناسیل سئوگی دردینی ،

اونودا بیلدین بؤیله؟

اؤلدوم،

الله عاشکینا !

بونو بانا دا سؤیله!!

اورمو-۱۳۹۱
کریم گول اندام

farhad30
13th May 2012, 10:41 PM
گئنه قلبیم توتولوپ عشقیمی یاد ایله میشم

منی دیوانه ادن سروری یاد ایله میشم

نه قدر جانیمی توکدوم یولونا بیلمدی او

قلبی آهننن اولان دلبری یاد ایله میشم

نه وفا لر الدیم عمرومو فرش اتدیم اونا

منی مجنون الین ظالمی یاد ایله میشم

عشق اودیلا یانیرام گئتدی فراموش الدی

او غزل یاندیران افسانه نی یاد ایله میشم

farhad30
20th May 2012, 10:04 PM
عومرومدن بیر آن

عومرومدن بیر آنی اوغورلامیشیق
قاچیب بؤلوشوروک بو خلوت یئرده
پاییزدان آیریلان کوچه ری قوشوق
کیم بیلر بلکه ده گؤروشدوک بیرده
بؤشالیر اوره یین دولور گؤزلرین
کئچیتمیش زامانی لعنت له ییرسن
دولاشیب دیلینده قالیر سؤزلرین
اؤزونده بیلمیرسن نه ایسته ییرسن
اؤرتور گؤزلرینی یوخو خوماری
یوخون ساچین کیمی قاریشیق دوشور
فی***لی کئچیرسن ، بوگون یوللاری
عنوانین ، آدیملا ، دولاشیق دوشور
ده لی تک داش آتدیق بو ساکیت گوله
او داشی گئریه ، قایتارماق اولمور
بیزیم یالانیمیز ، یئرییر هله
ائله یئرییر کی ، ایزی ده قالمیر
آچادا بیلمیریک سیرری هئچ کیمه
ائله گیزلی گیزلی ، آلیشیریق بیز
بلکه ده بیر دوغرو سئوگی عشقینه
مین یالان اویدوروب دانیشیریق بیز

شاعیر : نصرت کسمنلی

farhad30
21st May 2012, 09:55 PM
بو دونیانین گؤزل‏لیگی یئرینده قالاجاق

قوش‏لار اوخویاجاق

بولاق‏لار جوشاجاق

چای‏لار ایسه شورولتویلا آشیب داشاجاق

من اؤلنده



تورپاق‏لاردا چوˇرویه‏جم

حیاتیمدا اولان کیمی اری‏یه‏جم

قبریمه داش قویاجاق‏لار

گوˇل بیتمه‏سین قبریم اوˇسته

من یاتارکن

دونیا هله فیرلاناجاق

منی یاددان چیخارداجاقسان سئوگیلیم



هئچ ائله بیل من یوخ ایدیم

بو تورپاغین یولچوسو دئییل ایدیم

یوخ اولاجام اوˇرک‏لرده

من قلبیندن بیر جام کیمی داغیلاجام



گئدر- گلمز اولاجام من

اونودولاجام

آمّا سنی اونوتمایاجام

یوخ اولسام دا

سئوه- سئوه یوخ اولاجام

farhad30
13th June 2012, 08:19 PM
گویلومی ایسته سه هر کیمسه هراسان اولسون

اودا من تک گوروم آخیرده پریشان اولسون

مین گویول حسرت نانیله پریشان اولسا

قویمارام دلبریمین زلفی پریشان اولسون

هر کیم ایستیر وطنیندن قاچا دیوانه کیمین

تا اولونجه قالا غربتده، مسلمان اولسون

مومن کامل ایدیم بنده فراوانلیغدا

کافر اولدوم، بو گرک کی باهالیقدان اولسون

بوش یئره خلقه پلو وئرمه، منیم حقیمی وئر

شول الذمه ده دن ارواحینا احسان اولسون

گورورم شوقه گلیبسن دالین ایستیر حجمت

واقتی واردیر، هله قوی ماه حزیران اولسون

گئده!، من زورایله خلقین یولونی کسمه میشم

بوردا کئچمیر عملی، عازم تهران اولسون

منه لازیمدی اوباشدانه پلو، شامه کباب

سنده سعی ائیله قازان، سفره ده شوربان اولسون

گرچه اون دانه یلیم واردی ماهوت تره زری

حاجی سئومیر دئییر از مخمل کاشان اولسون

موعدی کئچمیش بولارین ایسته میرم ای خیاط

منه بیر یل تیکه سن اگنیمه چسبان اولسون

لکن اما سنه بیر یل تیکه رم تهرانی

حاجی خوشلانسا گرک مزدی فراوان اولسون

بئله شئیلرده حاجی، کان سخاوتدی باجی

وئره جک ایسته دیگین هر نئچه تومان اولسون

فقط اما کاسیبا بیر قره تنبل وئرمز

گرچه باشدان آیاغا پیکری عریان اولسون

یوخسول همسایه سنین حالینی گورمور مطلق

بئله دولتلی گرک قانینا غلطان اولسون

«معجزین» اولماسا افطاره کبابی- آشی

قورخورام خاچ سالیب بوینونا، آلمان اولسون

شبسترلی معجز

farhad30
13th June 2012, 08:19 PM
هاچان، بیرده، گورم سنی

آنا یوردوم، آنا وطن

گول اوزووه، حسرت قالیب

سن سیز، گلدیم جانا، وطن

مین داوادا، مین دویوشده

بولاشمیسان قانا، وطن

کیم دور سنه، ایری باخا؟

کیم دور، سنی دانا، وطن؟

جانیم اولسون، سنه قربان

آذربایجان، آذربایجان

بسله میسن قوجاغیندا

حیدرخان تک، قهرمانلار

دیواریندان، داشلاریندان

توکولوبدی، سئل تک، قانلار

کوراوغلونون، نعره سیندن

قورخوب، قاچار، شاهلار، خانلار

خلق میزه، ایلهام وئریر

آدلی، سانلی، ستارخانلار

ایگیت اوغلون، حسین باغوان

آذربایجان، آذربایجان


آخشام چاغی، اوبالاردا

سرین سرین، یئل لر، اسر

گدیک لری، دوتوپ دومان

دره لرده، قوزی، مئلر

باغچالاردا، عاشق آلما

داغلاریندا، جیران، گزر

آلمالاری، آغاجلاردان

خمار گوزلی، قیزلار، د ره ر

هرطرفین، باغ دور، بستان

آذربایجان، آذربایجان


تاریخ لره، سالدیم نظر

وار سنده، مین لر، قهرمان

بابک لره، اولموش وطن

ستارخاننان، قالمیش نشان

داوا گونی، میدان لاردا

دوشمن لره، قارشی دوران

دوشمن، اگر ئولدورسه ده

ال چکمه رم، سندن، اینان

سن سن منه، روح و روان

آذربایجان، آذربایجان

شاعیر: حسن جداری

farhad30
13th June 2012, 08:20 PM
اوچور ایلهامیم او قوشلار کیمی کی

یاز وعده سینده

قوزانیر ماوی گویه تا اوجا باش بیر داغا قونسون

کورپه قارتال کیمی دیر

گاه چکیلیر گوزده ن ایتینجه ک

اگله نیر گاه ساوالان عشقینه- آغدان- آغا قونسون

هر اوجا داغ کی گوروسن باشی قاردا آغاراندی

اورا بیل کی ساوالاندی

آمما یوخ!

هر اوجا داغ سسیمی آلسا دا تئز قیته ره جکدی

سسی قیته رمک همان یئل بیله جکدی

آخی یئل یولچو دو گئتگین اوکی سوز ساخلایا بیلمز

یئل سوزو قاپدی قاچیردار اونو کیم هاخلایا بیلمز

یئل گئدر گیندی پیچیللار سوزو کوللار قولاغیندا

سوزو قربان ائله یر قیرنادا قانقال آیاغیندا

چئویره ر سوز چاناغیندا

جالایار داغلارا هر بیر سوزو مین سوز توره دندی

بیلمیرم سیرری ندندی

یئل گئده ر گیندی یئلی ساخلاماق اولماز

یئله بئل باغلاماق اولماز

آمما سن ای سوزو سینه نده کوزردن ساوالانیم

کیم گله صدقله زرتشت بئجردن ساوالانیم

ائلیمین شانلی داغی باباشیوا مین لر جه دولانیم

اریدیب ائل غمی بیر یول سنی کوکدن ده تالانسان

سئل اولوب قانلی دنیزلر کیمی دونیایه جالانسان

آدی دیللرده قالانسان

ساوالانسان،ساوالانسان

ساوالان ائل غمینی بللی دی ساخلار سینه سینده

سینه سی کوزدو آلودور گیزیلیک اینسی سی واردیر نفسینده

شاعرین غملی سه سینده آلگیلان ساخلا سن ای ائل داغی غملی قفسینده

ساوالان آلسادا هر سیرری سوزو داغلارا سالماز

گوره نامرد دوروبدور ساوالاندان سس اوجالماز

ساوالاندا توکولن داشلاری دیندیر دانیشالار

سالسا عاشیق نفسین کوللارا،کوللار آلیشالار

ده ده قورقود سازی چالسا

ده لی دومرول باش اوجالدار

بلی البته کی یولداش باشینی یولداش اوجالدار

سسله عاشیق سازی چالسین

سسی میز بیرده اوجالسین

اویناماق لیزگی یه دونسون

کاس شوشم گوزگویه دونسون

قوی وئرک سس سسه باهم اوخویاق بیرده کوراوغلو دلی سیندن

هجرین قوچ نبی سیندن

اوکی ظالیملری مظلوملارین اوستونده ازه ردی

او کی آسلان کیمی داغلاردا یاتیب باغدا گزه ردی

اوخو عاشیق اوخو

سن بیل اوکی تانری تانییبسان

سوزومه دوز جالییبسان

سوگوم قوی سازا گلسین

بولبولوم آوازا گلسین

یازمیشام ایوازا گلسین

گوج آلاق قوی دلی لردن

باج آلاق اجنبی لردن

اوکی بیلمیر نبی کیمدیر قویون آذر ائلینی مسخره سانسین

بیر عومور دورکی فضولی نی- نسیمی نی دانیب ایندی ده دانسین

شهریار تک سن اوجات باشیوی قوی عرشه دایانسین

قوی باخار کور تر ایچینده جوموبان اولسون- اوتانسین

اوکی آخساخدی یوبانسین

اوکی تورکون دیلین اسگیتمه گه تصویره سالیبدیر

اوکی تورکون بالاسین ایندی ده آشغالچی سانیبدیر

او تفاله بیلیرم فیکرینی طاغوتدان آلیبدیر!

او رژیمیندی قالیبدیر

یوخسا تورکون بالاسیندان چیخیب علامه ی دوران

اونا دونیا باش اییر فلسفه ده

بیرجه نه ایران

قوی دئییم شهریاریمدان

نیسگیل او چرچی یه قالسین کی جواهیر نه دی، قانمیر!

فیکری آللاتما دادیر خالقی،ائلین حالینه یانمیر

اریمیر، اولمور، اوتانمیر

آخی ای قاردا، دوماندا باش اوجالدان ساوالانیم

غمی، دونیانی قوجالدان ساوالانیم

ائل بیلیر داغلار آرا هر اوجا داغلار باشی سن سن

وئر سهنده الیوی قارداشیوین سیر داشی سن سن

وئر گیلن بیر لیک الین بیرده دماونده اونون یولداشی سن سن

اوندان آیریلما آماندی

یولوموز چندی دوماندی

قوی ایگیدلر سیزه فخر ائلیه ییبن باشین اوجاتسین

قویما قارتال دولانان یئرلره قوزغون الی چاتسین

ساوالان چنلی چاغیندا

منیم ایلهامیم اولارکن

کونلوم اوز سری سوزون صدق ایله سویلر ساوالانه

ساوالان کوز قالادار شاعیر اولانلار سینه سینده

اوردا زرتشت گئدیب تانریدان ایلهامین آلانه

اگیرم باش ساوالانه، اگیرم باش ساوالانه

شعر اوستاد هوشنگ جعفری دن

farhad30
13th June 2012, 08:20 PM
سارا بیر آیدی بیزیم ائللره، آیسیز گئجه لر

بیر اوجا سسدی قولاق وئر اونا هایسیز گئجه لر

سارا بیر باغدی طبیعتدن آلیب قول بوداقی

بیر شیرین ماهنیدی یانلیز اوخویار ائل دوداقی

سارا بیر قیزدی سودان سورمه چکیب گؤزلرینه

جان دئییب بیرده اورکدن آرازین سؤزلرینه

سارا سئودا ایله دونیانی آتان بیر قیزدی

سارا غملر اوجاقینادا آلیشان بیر کؤزدی

بیر نجابتلی گلین دیر ائله آسلان سایاغی

قویمادی تار ائده دونیاسینی چاققال آیاقی

اؤزونو آتدی سئله اؤزگه نی حئیران ائله دی

او یانان شمعینی پروانه یه قربان ائله دی

قوشولوب سئللره گئتدی آنا یوردون ساراسی

قالدی شیرین اوره گینده یئنه فرهاد یاراسی

باغلادی ساچلارینی قویمادی بیگانه گؤره

آنا یوردون قیزی وئرمز ساچین هر کیمسه هؤره

گلین اولدو آرازا، اوردا تویون توتدو سارا

سؤیله دی اوردا اورک سؤزلرینی نازلی یارا

آراز آغلار گؤز ایله، آلدی سارا اللرینی

دارادی ائل قیزینین بیرده قارا تئللرینی

گئتدی گؤزلردن اوزاق دوشدو ائلین بیردنه سی

گؤرمه دی خان چوبانین آیریلیقین سون نفسی

سارا گؤزلردن اوزاق دوشسه ده ایتمز اثری

بیر یاراق تک سؤزونون واردی هله چوخ کسری

farhad30
13th June 2012, 08:21 PM
هر زامانکی باخیرام باشینا قار وار گورورم

اوغول اولموش آتا تک گوزلرین آغلار گورورم

هر طرفدن چکیلیب سینه وه داغلار گورورم

آی آلان اوستونو غم چیسگینی، هر یانی دومان

آی یاغان باشینا غملر اودو، یاسلی ساوالان

گورموشوک یازدا کوچک لرده چیچکلر آچیلار

هر طرفدن چیمنین سینه سینه گول ساچیلار

ماهنی لار قوشماغا باشلار یئنه ده قوشماچیلار

یاز گلیب گئتدی یئنه گولمه دین اوچ آیدا بیر آن

آی یاغان باشینا غملر اودو، یاسلی ساوالان

قرنیلر گئچدی سنین گولمه دی بیر لحظه اوزون

قانلی یاش توکدو سارالمیش اوزونه یاشلی گوزون

غصه دن دوندو قارانلیق گئجه اولدو گونوزون

نه سوران حالینی اولدی نه وئرن جیسمیوه جان

آی یاغان باشینا غملر اودو، یاسلی ساوالان

آند وئررم سنی او قانه بلنمیش داشووا

گئجه گوندوز او گوزوندن توکولن قان باشووا

اورگین دردینی بیلدیر او "سهند" قارداشووا

سنی وارلیق سنی تانری سنی بو آه و فغان

آی یاغان باشینا غملر اودو، یاسلی ساوالان

سالارام یادیما بیر لحظه او گئچمیش لریوی

توکولن سنگ جفائیله او دور دیشلریوی

ایزلرم بیر بیر او حئیرت یارادان ایشلریوی

هامی دان من سنین احوالینا آرتیق نیگران

آی یاغان باشینا غملر اودو، یاسلی ساوالان

ساکیت اول، آغلاما قوی بیرجه چکیلسین بو دومان

گون چیخیب ظولمنی بیر یوللوقا قووسون بورادان

"نبی" گلسین، بو آت اولسون یئنه داغلار آتیلان

"هجر"ین بلکه یغیلسین گوزو یولدان، آناجان

آی یاغان باشینا غملر اودو، یاسلی ساوالان

سوندوره بیلمه دی گوز یاشین اورکدن اودووی

چاغیریم قوی کومک ائتسین سنه اوز اولادیوی

افتخاریله بوگون ذیکر ائدرم پاک آدیوی

مرد اوغوللار بئجریب خلقه وئرن شوهرت و شان

آی یاغان باشینا غملر اودو، یاسلی ساوالان

"بابکین" گئتدی سه بوش قالمادی آمما قوجاغین

دولودور مین ائله اوغلانلاریلا هر بوجاغین

نه قدر یئل اسه طوفان قوپا سونمز اوجاقین

ای بلالر سپری، خالقا یامان گونده آمان

آی یاغان باشینا غملر اودو، یاسلی ساوالان

چنلی بئلده "ده لی لر" قوی یئنه قورسون بوساطی

قوچ کوراغلو یئنه جولانه گتیرسین قیر آتی

هئچ زامان اصلین ایتیرمز او کی دوزگوندی ذاتی

آند اولا آدیوا، آی گوزلری آغلار، یاشی قان

آی یاغان باشینا غملر اودو، یاسلی ساوالان

سن دویوشلرده بیر آسلان کیمی دوردون ایاغا

اوخ آتیلدیقجا بیزه سینه نی وئردین قاباغا

غم یئمکدن داها جانیم یئتیشیب دیر دوداغا

نه یامان گونلره گور قالدی بو احساسلی بالان

آی یاغان باشینا غملر اودو، یاسلی ساوالان

بابالاردان بیزه قالمیش بو مثل هاممی بیلر

سو٬ گلن آرخا دئیبلر یئنه بیر گون سو گلر

فلکین داش اورگین آه اوخو آخیردا دَئلر

"بارز" اوغلوندا یئتر سئودیگی یاره او زامان

آی یاغان باشینا غملر اودو، یاسلی ساوالان

farhad30
22nd June 2012, 06:00 PM
باغیر ایله ساغیر!


بیز ایکی قارداش اولدوق،

بؤیودوک ،یاشا دولدوق

گؤرونور کی، یاش کئچیب
قارداشیلیق معناسینی
هئچ باشا دوشمه میشیک!

بیز هله بیشمه میشیک!

بلکه ده بیر آز کالیق!!

***
زامان‌دان ایکی عصیر،

ایکی لشمیش بیر میللت !،

هره بیر قولدا اسیر!

بیریمیز قالدیق باغیر!!

بیریمیز اولدوق ساغیر!*


بیر قولدا قونوشوروق ،

بیر قولدا هله لالیق!

بیز هله بیشمه میشیک،

بلکه ده بیر آز کالیق!!

***
بابا‌لاریمیز گئدن ،

یول‌لاردان دؤنوک اولدوق!

اودلار یوردو ایچینده،

اوجاغی سؤنوک اولدوق!!

نه یینه گووه نیرسن؟

ائستئپاناکئرت -ه باخ!!

دونن او،خان کندی ایدی !

سن دونن هارادایدین ؟

منیم دیلیم لال ایدی !-

سن ندن باغیرمادین ؟

بوقولداکی قارداشی،

یاردیما چاغیرمادین !

بلکه ده باغیرمیسان!

ساغیرین قولاغینا ،

نئجه ایسترسن باغیر!-

هاردان ائشیدر ساغیر!!

بیلمم ندن اونوتقان ،

یاراتمیش بیزی خالیق !

بیز هله بیشمه میشیک!

بلکه ده بیر آز کالیق !

***
سنین شهرلرینی ،

بیر –بیر آلمیش ائرمنی،

منیم شهرلریمه

دولدوروبلار شلمه نی !

صاباح شوشا- نی سیلیب

آدینی دا قویاجاق:

شومئر یا دا آرارات!

سن گئت آتینی اوینات!

ایکینجی قاراباغ -ا

من ده باخارام مات-مات!

الیمدن دوشور چلیک!

یول‌دان گلیر قوجا‌لیق !

بیز هله بیشمه میشیک!

بلکه بیر آز دا کالیق!!
:

*ساغیر=کاراولموش
اورمو-۱۳۹۱

farhad30
22nd June 2012, 06:00 PM
قیصاص و قیامت


میللتینی جوشدوران شاعیرلری سئویرم،

میللتینی عاغیلا سسله‌ین‌لری داها چوخ!!

یوردونون اوغروندا دؤیوشن‌لره اؤیونورم ،

یوردونا قان وئرن‌لره داها چوخ!!

سن هر یئرده‌سن،هر کیمسن ،

اؤزون اولما‌لیسان!!

سسینی تاریخین‌دن،

نسلینی سویون‌دان،

دیلینی اؤز بویون‌دان آلما‌لیسان!

اؤزگور دوغولدوغونا اینانیب،

اؤزگور قالما‌لیسان!

گوونمه‌لی بیر شئی وارسا اؤزونه گوون!

دیرنمه‌لی هرنه‌سه،اؤز میللتینه!

تاپینماق یالنیز ایچین‌دکی تانرییا!

"قیصاص قیامته قالماز"نه قیی،

نه ده قوی قالسین!!

باغیشلاماق کیشی‌لیک‌دن اولسا دا ،

دان بو کیشی‌لیگی !!

نقده ر کی آلچاق داشناک قولدورلارینین،

آنا‌لارا سوردویو میردار اللری‌نین آجی کؤلگه‌سی،

خاطیره‌لرده وارسا !

و گؤزلری حدقه لنمیش قیزلارین ،

اوزانان شلمه‌لرین آزقین گؤرونتوسوندن،

گول رنگی سولارسا!

اونوتما!

تاریخ باغیشلامامیش باشینا دؤیوب ،

باشقاسینی سؤین‌لری !

کیمسنی یئم ائتمک نیتین یوخدیورسا،

چوخ گؤزل!

لاکین ،

کیمسه‌یه یئم اولماغا سورونورسنسه،

سن کیمسن؟

دوننکی بوزقورد

بو گونکو مانقورت*

آنجاق،

نه ارسن !،

نه تورک،

نه ده آذر سن
اورمو-۱۳۹۱

farhad30
22nd June 2012, 06:01 PM
(طینت هارا منزیل اورا!)


پیس‌لیک آلسا دا بو قوجامان دونیانی،

سن سعادته سسله توم بشریتی ،

آنجاق هر میللتین ،اؤز طینتی !

نیتینی اوجا توت،

آمما نه یات!

نه ده اونوت:
قابا قول‌دورلارین سنین میللتینه ،

میدان اوخودوق‌لارین!


یارین بؤیوک پارتلاییش گونو!

توپارلا ایرا‌دنی،

و یاغلا سیلاحینی !

گؤتور –قوی ائله میللتی‌نین صلاحینی !


تاریخ باغیشلامامیش،باشینا دؤیوب ،

باشقاسینی سؤین‌لری!!

کیمسه نی یئم ائتمک نیتین یوخ‌دور سا ،

چوخ گؤزل !

لاکین

کیمسه‌یه یئم اولماغا سورونرسن سه،

نه ارسن!،

نه تورک!،

نه ده آذرسن!


۱۳۹۱-اورمو

farhad30
22nd June 2012, 06:02 PM
انشااللاه!


انشااللاه آرامیزدا ،

آیری –سئچکی‌لیک یوخدور!

یایدا سیزده سرین‌دیر،

قیشدا بیزده سویوق‌دور!

سیزین الینیز دولو!

بیزده ایشله ین چوخدور!

بیزیم بالامیز آجدیر!

سیزین ایتینیز توخدور!

انشاللاه آرامیزدا ،

آیری سئچکی‌لیک یوخدور!


سیمنان دوزلاق‌لارینا

ائشیتدیم سو چ***سیز!

خزرین سویون چکیب

بوزقیرلارا تؤکورسوز!

تونئل ووروب داغ دلیب،

تپه‌لری سؤکورسوز،

سویو دا شیرینله دیب،

چؤل‌لره گول ا***سیز !

اورمو گؤلو قوی اؤلسون!

وراغینی بوکورسوز!

اؤلویه لازیم دئییل،

نه درمان ،نه ده دوختور!

انشاللاه آرامیزدا ،

آیری سئچکی‌لیک یوخدور!


موبا‌رک‌دیر خزرین

سویو آخا سیمنانا

قومو دا سیراب ائدیب،

آخیب گله کاشانا

کاشان‌دان اصفهانا

اصفهان‌دان ***مانا

کویرلر دؤنسون گرک

جننته ،گولوستانا

کویر اولماق نووبتی

چاتیب آذربایجانا!

ایشسیز،ائوسیز ،پارا‌سیز !

بیزی حیات‌دان بیخدیر!

انشاللاه آرامیزدا

آیری سئچکی‌لیک یوخدور!!


۳۳ –ایل‌دن سونرا ،

هر شئی سیزلره چاتمیش

آنا دیلی حسرتی

قالیب بیزلره چاتمیش!

دوولتین بوش وعده‌سی

شیشیب یوزلره چاتمیش

آنا یاسادا حاقیم

گلیب سؤزلره چاتمیش

اورمو گؤلو چکیلیب

سویو دیزلره چاتمیش

سن بیزی سؤزلرینله،

یا آلدات،یا هویوخدور !

انشااللاه آرامیزدا ،

آیری سئچکی‌لیک یوخدور!!

اورمو-۱۳۹۱

farhad30
22nd June 2012, 06:04 PM
عیرتی یاشام!


تالانا بیلمه‌یه‌جک نه وار کی،

یئل ایله گلیب،

سئل ایله گئدن بو اؤلکه‌ده!

بلکه ده ،قوجامان بیر داغی،

اوموزلاردا داشاماق،

بو اؤلکه‌ده شرفله یاشاماق‌دان،

داها قولای!!

بیر حالدا کی، هئچ بیر اولای

سبب‌سیز دئییل‌دیر!

غیرتی سوزگش‌دن کئچیریلن

بیر میللتین،

هر شئیی عیرتی اولار!!

ایمامی غاییب،

آللاهی دولار!
۱۳۸۰-اورمو


([Only registered and activated users can see links])نوشته شده توسط کریم گول اندام

farhad30
22nd June 2012, 06:05 PM
نیشانه‌لر


ساققال آلداتماق اوچون!

سوپورگه اوندان یاخشی !!

بیغ‌لار خوروزلانماغا!

توپورسن گئن‌دن یاخشی !!

کیشی‌لیک بیغا اولسا،

پیشیک بؤیوک کیشی‌دیر !

ساققال اؤلچو قویولسا،

بؤیوک کیشی کئچی‌دیر !!

باشقا بیر عضوه خاطیر ،

کیمسه‌یه کیشی دئسک!،

دئمک او،عضوه گؤره،

ان بؤیوک کیشی ائششک!!

کیشی وار کی،

بیغی وار،ساققا‌لی وار،

دیشی‌دیر !!

دیشی وار کی،دؤشو وار،بونولا بئله،

کیشی‌دیر !!

کیشی وار کی،دئیرسن

بویون یئره دورتولسون!

محاسینین* قان اولسون!

معایبین اؤرتولسون!


کیشی‌لیک نر دئمک یوخ!،

کیشی‌لیک ار دئمک‌دیر!!

هرزه‌چیلیک‌ گؤرنده،

آغیر لنگر دئمک‌دیر!،

زوراکیلیق‌ گؤرنده،

ایتی خنجر دئمک‌دیر!

۱۳۷۱-اورمو
ساققال*

([Only registered and activated users can see links])نوشته شده توسط کریم گول اندام

farhad30
22nd June 2012, 06:07 PM
واز کئچیلمز سوچ


ساکین سئویرم سؤیلمه،

سوچلانا بیلرسن یارقیلانما‌دان !

داش قالاق اولارسان سورغولانما‌دان!

جللادلارین تکریم اولدوغو بیر اؤلکه‌ده،

ساکین سئویرم سؤیلمه،

بلکه ده

بو سؤزدن چوخ سؤز بیر ائپیدئمی کیمی،

یاییلا بیلر!!

و کیمسه‌ده سئومک خیالی ،

واز کئچیلمز بیر سوچ ساییلا بیلر!

ساکین سئویرم سؤیلمه!

۱۳۸۴-اورمو

([Only registered and activated users can see links])نوشته شده توسط کریم گول اندام

farhad30
22nd June 2012, 06:08 PM
ایپ اوجو

ایپین اوجونو تاپما‌دان چابالاماق،

دوگون آچماق ساییلمیر!

بعضا ساکیتجه دایانیب سئیر ائتمک،

عمل‌سیزلیک آنلامیندا اولسا دا!،

هئچ نه اومرومدا دئییل دئییب،

اودا وورماقدان قات-قات یاخشی‌دیر!

مین اؤلچوب بیر بیچن‌لرین ،هر بیری

هئچ-هئچینه جان‌دان کئچن‌لردن

داها عاغیل‌لی‌دیر!

بو قونودا ،

عمل‌سیزلر ،فورصت گودن‌لر
سؤز قونوسو دئییل‌دیر!!

اورمو-۱۳۹۱

farhad30
22nd June 2012, 06:08 PM
اویونچاق



صاباح گؤزلرینی آچاندا من‌سیز،

داریخما!

بو حیات آلیشماق اوچون بسله میش بیزی!

باخما کی،هردن دییش‌دیره بیلیریک اولای‌لاری ،

اما،

(سانکی،سرعتله گئدن بیر قاتارین ایچینده،

گئرییه دؤنوب قاچماق ایسته ییریک!)

بیز مدنیت ذیروه‌سی‌نین بایراغی اولساق دا

حیاتین ،و اؤلومون،

واز کئچیلمز اویونجاغیییق!

۱۳۹۰-اورمو

farhad30
22nd June 2012, 06:09 PM
بؤیوک آکتیور!


بو دونیا بیر تاماشا‌دیر!

اویون‌چولاری ایچینده

هر حیوانین دییشیلمز اؤز رولو وار،
اؤز یولو وار!

بیر اویون‌چو ،هر قیلیغا دئسن دوشر!

هر رول دئسن یاخشی اوینار!

بعضا چاققال !

بعضا ایلان!

بیر واقت تولکو،

بیر واقت آسلان!
اورمو-۱۳۹۱

farhad30
22nd June 2012, 06:10 PM
...تورک دئییلم!



یارا‌لی بیر وطن اینیلتی‌سی وار ،

سوموکلریمده!

و دؤزومسوز بیر حسرت گیزیلتی‌سی.

قان چاناغی ،اؤز آدینا قنیم بیر چای!،

او نحس ایلدن حالا آخیر جییریمده!

خزان اولموش، بیر گولوستان داستانی وار
اورییمده!

مزارلاری ایتکین دوشن قارداش‌لاریم،

چارپاز یایلیم آتش‌لرین،

قانلا،دومانی ایچیندن,

سس‌لر منی،!

****

یورویور آتلار،

آتیلیر توپ‌لار،

یئری ییر چار قوشون‌لاری !

هر ایتن بیر جان یئرینده اؤلوم بیتیر!

منیم یاریم قوربان گئدیر

راضی‌لاشان قولدورلارین سوفره‌سینه،

بیر پای کیمی!

اورتا‌لیقدا گؤز یاشیمیز ،

آراز بویدا بیر چای کیمی!

هیچقیرتی‌لار آراسیندان،آنا باخیر بالاسینا!

تیکان‌لی مفتیل‌لر بویو،

گلمز اولور،

قارداش-قارداشین یاسینا!

بؤلونموش‌لر سیراسیندا ،بو دونیادا تک دئییلم!

آیریلان‌لار ،آیریلدیلار‌!

بیرلشن‌لر بیرلشدیلر!

توران بویدا کئچمیش منیم ،

ایران بویدا گله جه ییم !

هر ایکی‌سین اؤزومونکو بیله جه ییم!

بیر ده بونو دئیه جه ییم :

پامبیق کیمی یومشاق سانیب ،

ظن ائتمه کی، پولاد قدر برک دئییلم!!

من ده آیریلمیش یاریملا قوووشماسام ،

تورک دئییلم !

تورک دئییلم !
اورمو-۱۳۹۱


([Only registered and activated users can see links])نوشته شده توسط کریم گول اندام

farhad30
22nd June 2012, 06:11 PM
آخین

خان ننمی قوروماغا،

بؤیوک بابام

هر نه یی نظرده آلدی

ایچری‌لی،دیشاری‌لی حیط سالدی!

آنامی حامامدا گؤروب بینمیش‌لر،

سونرا‌دان ائلچی گلمیش‌لر!

من سئوگیلیمله قونوشوب ائولنمیشیک!

ائولادیمیز ائولنمک‌دن اؤنجه گرده‌یه گیرمیش‌دیر!


دین خادیمی اؤزونو دیدیر!

مذهب بویدا حیصار چ*** ،

قیزلا اوغلان آراسیندا!

یئنی نسیل،

چپرلری بیر-بیر آشیر،

حیصارلاری بیر-بیر دئشیر

نه حریم نه حرام ساییر!،

قیز اوغلانین ،اوغلان قیزین ،

قولاغینا پیچیلداییر!

بو آخینین قارشی‌سیندا

چوخ گومان ایمان دایانماز!!

توورات‌دان کؤینک بیچیلسه،

اینجیل‌دن زنجیر چکیلسه
یئنه ده بیر آن دایانماز!!

اورمو-۱۳۹۱

([Only registered and activated users can see links])نوشته شده توسط کریم گول اندام

farhad30
22nd June 2012, 06:12 PM
[Only registered and activated users can see links] 6013797_n.jpg

farhad30
22nd June 2012, 06:13 PM
[Only registered and activated users can see links] 8895726_n.jpg

farhad30
22nd June 2012, 06:15 PM
کونلوم ،
دارالیر بو گئنیش شهره
آلت- اوست خیاوانلارا،
قاش – گؤز آتان چیراقلارا.
چونکو بونلار،
اوز- اوزه گله بیله جه ییمیز ایمکانلارینی آزالدیرلار
بیر- بیریمیزه سئوه بیله جه ییمیزیده

farhad30
22nd June 2012, 06:17 PM
قاباخ قارشی بینیسلی یعقوب - سلیمان هاشم زاده ([Only registered and activated users can see links])


نويسنده : سلیمان هاشم زاده ([Only registered and activated users can see links]) - ساعت 22:3 روز جمعه دوازدهم خرداد 1391





دار گونومده کیمسم گلمیر دادیما
بئله ائلی بو طایفانی نئینــــــــه ر
ممنه یانین بو فنادان کوچمه میش
اوندان سورا بو دونیانی نئینـــــه رم
** *

انسان اودور دوستلارینی آتماسین
دوشمانلارین دالداسیندا یاتماسین
محبتی قارا پولا ساتماســـــــین
محبت سیز خانمـــانی نئینـــــــه ر م
***
دیل یاراسی سینم اوسده قالاندی
آه چکماخدان کونلوم ائوی تالانــدی
هر کیم دئسه سنه دوسدام پالاندی
اعتبار سیز بو زمــــانی نئینــــــه ر م
***
بیر قوهوم کی منی یادا سالماسین
دار گونومده هاراییما قالماســــــین
هرده ن گولومسه ییپ گویلوم آلماسین
بئله قوهوم اقره بانی نئینـــــه ر م
***
بینیسلی یعقوبون مطلبینــــــی قان
هر کیم سنه یاندی سنده اونا یان
منی خاطرلایین یاشــــــــــایان
زامان منده ن سورا آغلایانی نئینـــــه رم
***
گلین دوستلار دوغرو یولدان آزمی
یاخ بیر بیرینده ن الیمیـــــزی اوزمویاخ
ال بیـــــــــــر اولاخ اتحادی پــــــوزمویاخ
سلیمانسیز سلیمانی نئینــــه ر م

farhad30
22nd June 2012, 06:23 PM
اورمو

ای آغالار گلین سیزه سویله ییم

اوچ یوز آتمیش پارا کندی اورمونون
هر اؤلکه ده شهرتی وار بحثی وار

گؤزل هنرلری فندی اورمونون

بکشلو- برادوست – زیوه ماحالی

نازلی چای – باراندوز – روضه صفالی
شور دنیزی خسته لره شفالی

گزمک اوچون واردی بندی اورمونون



چول تره سی اوغلان اوتو قازیاغی

صفالی دیر بوستانچی نین چارداغی
سوت قاتیغی بال خاماسی قایماغی

شهرتی وار بیرده قندی اورمونون

سلیمان اورمویا بیر دم قیش گلیر
بیر دم یئللر اسیر قار یاغیش گلیر
باشین قار آلاندا ایلی خوش گلیر

اطرافیندا داغ کمندی اورمونون


سلیمان هاشم زاده

farhad30
23rd June 2012, 10:48 PM
زامان وارسا، مکان وارسا کسیب بیچدی بیر آندا

گئچه جکلر، گله جکلر نه بویاندا، نه او یاندا

نه بلیلم قالدی هایاندا؟

farhad30
6th July 2012, 05:46 PM
بوش بوغازلار
ایچیمده وار بیر خرچنگه!

منی دیدیر چنگه-چنگه

اورمو گولو!

بوش بوغازلار گتیردی‌لر بیزی تنگه!

اورمو گؤلو!

بیلیرم کی، چوخ یالقیزسان،

یارا‌لارین دولو دوزسان!

کور اولایدیم چوخ سوسوزسان،

چای‌لارینا نه بیر یول وار،نه بیر دؤنگه

اورمو گؤلو!

سنین آدین اورمودان‌دیر،

اؤلمه ،اؤلرم آمان‌دیر!

کاظیم داشیندا اود یاندیر!!

ظولمتدن گلمیشیک تنگه

اورمو گؤلو!

ماوی سولار گوموش لپه،

قایا‌لارا سپه-سپه،

ساحل‌لری اؤپه-اؤپه،

ندن دؤندو قانیم رنگه!

اورمو گؤلو!

ایستر گیزلی-ایستر آشکار،

سئمینارلار،کونفرانس‌لار،

گورولتولو جله‌سه‌لر!

دئدیم بلکه تله‌سه‌لر!

یئییب-ایچیب،پلان تؤکوب!

نقشه چکیب ،یالان تؤکوب!

هامی‌سی وئردیلر انگه!

اورمو گؤلو!

الیم گئتمه میش توفنگه!

گئتمه ،قاییت ،

آمان دؤن گه..!اورمو گؤلو!!

اورمو-

۱۳۹۱











Boş boğazlar
Içimdə var bir xərçəngə!

Məni didir çəngə-çəngə

Urmu golü!

Boş boğazlar gətirdilər bizi təngə!

Urmu gölü!

Bilirəm ki, çox yalqızsan,

Yaraların dolu duzsan!

Kor olaydım çox susuzsan,

Çaylarina nəbir yol var,nə bir döngə

Urmu gölü!

Sənin adın Urmudandır,

Ölmə ,ölərəm amandır!

KAZIM DAŞInda od yandır!!

Zülmətdən gəlmişik təngə

Urmu gölü!

Mavi sular gümüş ləpə,

Qayalara səpə-səpə,

Sahilləri öpə-öpə,

Nədən döndü qanım rəngə!

Urmu gölü!

Istər gizli-istər aşkar,

Seminarlar,konfranslar,

Gurultulu cələsələr!

Dedim bəlkə tələsələr!

Yeyib-içib,plan töküb!

Nəqşə çəkib ,yalan töküb!

Hamısı verdilər əngə!

Urmu gölü!

əlim getməmiş tüfəngə!

Getmə ,qayıt ,

Aman dön gə..!urmu gölü!!


Urmu-1391 کریم گول اندام

farhad30
6th July 2012, 05:47 PM
دوربون
حیرتده قالارکن گئجه‌نین منظره‌سینده،

دورموشدوم اوباشدانلیغا نیت گئجه‌سینده!

بیر اولدوزو گؤردوم اوتاغین پئنجره‌سینده.

اولدوز نه دی اویموشدواوزاقدان منه دوربون!
سای سالمیش ایدی بلکه هاواقتدان منه دوربون!
بیر اولدوزو گؤردوم کی، اوزای‌دان* دا باخیردی !

گیزلینجه‌سینه بویلانیب آیدان دا باخیردی !

دؤندوم هایانا، باخدیم او تای‌دان دا باخیردی !

گیردیم یاتاغا ،باخدی قیراقدان منه دوربون!


راحت خانادا جومموشودوم فیکره او ساعت!

گلدیم کی،اولام آستاجا مشغول طهارت!

ائی وای نه گؤردوم؟ بو نئجه شرم و حقارت !

گؤردوم کی،باخیر دالدا-بوجاقدان منه دوربون!
سارساخلامیشام بلکه ده من،یوخسا خیالدی ؟

دوربون منی هر یئرده توتوب دوربونه سالدی!

بیرجه تومانیمدان آشاغی گیزلیده قالدی !

بلکه دئمه میش گیردی باجاقدان منه دوربون !
گیردیم سوپئره سوزدو منی پرده دالیندان!

هر بانکادا زیللندی منه نرده دالیندان!

نم هانسی ایداره قاباغی بیرده دالیندان،

دؤرد گؤزله باخیر بلکه شافاقدان منه دوربون!
هر هانسی کوچه،هانسی هوتئل-رستوران اولسا،

یا هانسی کئچید،هانسی دؤنوشده دوران اولسا!

کیم آسقیرا یا اؤکسوره یا اوس....ن اولسا

حتمن یازا‌جاق جرمه قاباقدان منه دوربون!

اورمو-۱۳۹۱
*کهکشاندان





Dürbün
Heyrətdə qalarkən gecənin mənzərəsində,
Durmuşdum obaşdanlığa niyyət gecəsində!
Bir ulduzu gördüm otağın pencərəsində
ulduz nədi uymuşdu uzaqdan mənə dürbün!
Say salmış idi bəlkə havaqtdan mənə dürbün!
Bir ulduzu gördüm ki, uzaydan da baxırdı !
Gizlincəsinə boylanıb aydan da baxırdı !
Dondüm hayana, baxdım o taydan da baxırdı !
Girdim yatağa ,baxdı qıraqdan mənə dürbün!
Rahət xanada cummuşudum fikrə o saət!
Gəldim ki,olam astaca məşğule təharət!
Ey vay nə gördüm? Bu necə şərmo həqarət !
Gördüm ki,baxır dalda-bucaqdan mənə dürbün!
Sarsaxlamışam bəlkə də mən,yoxsa xəyaldı ?
Dürbün məni hər yerdə tutub dürbünə saldı!
Bircə tumanlmdan aşağı gizlidə qaldı !
Bəlkə deməmiş girdi bacaqdan mənə durbun !
Girdim superə süzdü məni pərdə dalından!
Hər bankada zilləndi mənə nərdə dalından!
Nəmhansı idarə qabağı birdə dalından,
Dörd gözlə baxır bəlkə şafaqdan mənə dürbün!
Hər hansı küçə,hansı hotel-resturan olsa,
Ya hansı keçid,hansı dönüşdə duran olsa!
Kim asqıra ya öksürə ya os....n olsa
Hətmən yazacaq cərmə qabaqdan mənə dürbün!

Urmu-1391
کریم گول اندام

farhad30
6th July 2012, 05:49 PM
عیرتی یاشام!


تالانا بیلمه‌یه‌جک نه وار کی،

یئل ایله گلیب،

سئل ایله گئدن بو اؤلکه‌ده!

بلکه ده ،قوجامان بیر داغی،

اوموزلاردا داشاماق،

بو اؤلکه‌ده شرفله یاشاماق‌دان،

داها قولای!!

بیر حالدا کی، هئچ بیر اولای

سبب‌سیز دئییل‌دیر!

غیرتی سوزگش‌دن کئچیریلن

بیر میللتین،

هر شئیی عیرتی اولار!!

ایمامی غاییب،

آللاهی دولار!
۱۳۸۰-اورمو کریم گول اندام


Eyrəti yaşam!


Talana bilməyəcək nəvar ki,

Yel ilə gəlib,

Sel ilə gedən bu ölkədə!

Bəlkə də ,qocaman bir dağı,

Omuzlarda daşamaq,

Bu ölkədə şərəflə yaşamaqdan,

Daha qolay!!

Bir halda ki, heç bir olay

Səbəbsiz deyildir!

Qeyrəti süzgəşdən keçirilən

bir millətin,

hər şeyi eyrəti olar!!

Imamı qayib,

Allahı dollar!

Urmu-1380
نوشته شده توسط کریم گول اندام

out of control
6th July 2012, 05:55 PM
گر چه عشق اهلی ایچر باده نی جان ساغلیغنا
ایچرم جام شرابی یارادان ساغلیغنا................
ایچرم سل ده سارا داغدا چوبان ساغلیغنا........
ایچرم مین گول ایچینده بیر تیکان ساغلیغنا......
جوانی آیریلیق آخرده قوجالدار بیلیرم..............
ایچرم بیر گوجا شیکلینده جوان ساغلیغنا

farhad30
6th July 2012, 05:57 PM
بورالارین هاواسی آغیر،
عنصرلری اورمو گؤلوندن سورگون گلیب عئینالی یا
قوی منیم کؤکسوم آجیشسین
سن ساوالانی دریندن نفس آل!
دریندن نفس آل جانیم، دریندن...


قان- قالاغی یوکله میه جه یم کؤنلونه
داغلاریما دره لرین دیبینده بیر اوبا قورموشام
ساقین یولون داغلارا آزماسین
آخ- وایی دیلیمین اوجوندا دیشله ییرم
آکتورلارین گولوشلرین دوداقلاریمدا
باخیشلارین گؤزلریمه ا***م
سن، گؤزلریمه باخدیغیندا
آغی ایلا قاراسی قاریشماسین
ایکی جانلی اولموشام دویغولاریمدان
سانجیلاریمی بوغورام بوغازیمدا
حیاتی نه گؤرموسن جانیم
من، سنین کور شانسینام بو حیاتدا....


رقیه کبیری91/3/28

farhad30
6th July 2012, 05:58 PM
آیاغیمین آلتینین چوخوروندان باشلاییب،
گؤزومون آلمالیغینا باتیرام
کیپرییمه چاتیرام
آیاق ایزیم گؤز قیرپیر
وهم لریمین جیغیریندا
کالافا باغیریر یالنیزلیغیمی.
"یوسف"ین کؤینه یی قان تؤکور دوداقلاریمدا
بیر یاغمور سو...
بیر اووج سو ...
بیر داملا سو...
روحوم شعله چ*** تنیمین کالافاسیندا
یئر دولانیر
من ،
آیاغیمین آلتینین چوخوروندان
گؤزومون آلمالیغیندا
کیپرییمی آختاریرام....





خرداد 1391 رقیه کبیری |

farhad30
6th July 2012, 06:00 PM
بو گئجه
دیلیمده بیر ایلان یووا سالیر
قویروغونداکی زَهَر
گؤز تیکیب دیلیمده اوینایان یالنیزلیق سؤزونه
یاغمور
پنجره مده زیل چالیر.
یاییلاق فصیلی...
سن ایسه بیر ائل سن
اوتراق ائله ییرسن عاغلیمین قارا اوباسیندا
ایستی باخیشلارین
ساوالانین چشمه لرینه آخیر
مهربان اللرین
دفتریمده گزیر
گؤزلریم
چالیر ایلانی
یالنیز دئییلم، هیجا- هیجا
سؤز- سؤز
دیلیمده اویناییر

آغزیمدا بیر ایلان
دریسیندن چیخیر.


Bu gecə
Dilimdə bir ilan yuva salıb
Quyruqundakı zəhər
Göz tikib dilimdə oynayan yanlızlıq sözünə
Yağmur
Pəncərəmdə zil çalır
Yaylaq fəsili...
Sən ise
Bir elsın
Otraq eləyirsın ağlımın qara obasında
İsti baxışların
Savalanin çeşmələrinə axır
Mehriban əllərin
Dəftərimdə gəzir
Gözlərim
Çalır ilani
Yanlız deyıləm hica-hica
Söz- söz
Dilimdə oynayır…

Ağzımda bir ilan
Dərisindən çixir…
91/2/18
اردیبهشت 1391 توسط رقیه کبیری

farhad30
11th January 2013, 11:47 PM
دؤزموشم او قدر هیجرانه ، دؤزومدن کوسموشم
اوزموشم امید وصلیندن ، اوزومدن کوسموشم
اویموشام ایللر بو ظاهربین گؤزون فیتواسینه
ایری لر دوز گؤزموشم از بس ، گؤزومدن کوسموشم


گؤرموشم چون مصلحت چنگینده ، طبعیم رام اولور
ائلدن ایلهام آلدیغیم شیرین سؤزومدن کوسموشم
تکجه عاصم سؤنمه ییر سینه مدن عشقین آتشی
سانما بئش گونلوک سمندر تک کؤزومدن کوسموشم

farhad30
18th January 2013, 10:41 AM
هله ده او گؤزلر منیم چون دنیز
هله دوننلرده یاشار ایکیمیز

سن من سیز
من کیمسه سیز
گه زیریک هله
کوچه میز سن سیز
تبریزیم سن سیز
هر نه ییم سن سیز
بیر آددیم اوزاقدا
دایانمیسان سن
سون گؤروش اولدو
بو آخشام بیزه
اوزاقلار حالیما
یامان اوخشاییر
اؤتوشن آیلاریم ایللریم سن سیز
بیر آددیم اوزاقدا
ایتیب گؤزومدن
هارا گئتدین بوردان تله سیک آی دوست؟
بیر آددیم اوزاقدا
اوره ییم چیرپیر
اوره ییم الینده
اللریم سن سیز
هله ده سن سیزم
هله ده سن سیز
اللریم – قوللاریم
گؤزلریم سن سیز
هر گئجه گؤردویوم
گؤزلریم سن سیز
رؤیالار سن سیز
تبریزیم سن سیز
وطنیم سن سیز
هر نه ییم
هر نه ییم
هر نه ییم سن سیز

شاعر: بابک قوجازاده

مهدی...
18th January 2013, 08:25 PM
عشقدن... (عروضی قافیه لی زولال ) - ترکی



ایسته یین بیل هاردا گزیر

سئوگی دیر کی قان تکی داماردا گزیر

یانمیشام محبّتینه سنـدن اؤتـرو دای اؤلـورم

گؤردویون جانیمدی منیم شوقون ایله اؤلکه اؤلکه قاردا گزیر

دای گلیب هاوا باشیما ایستی ایستی دویغولاریم ماهورا بهانه دوغور

عشقدن کؤنول دوتوب اوْد نئیله ییم کی بیر سه گاهلی تارداگزیر

هئچ کس آختاریب دئمه سین پس دادا هایاندا قالیب

کئفله نیبدی کوچه ده بازاردا گزیر

بیـر گـؤزو خـوماردا گــزیر

....
دادا بیلوردی

farhad30
23rd January 2013, 02:16 PM
بير گون بير ائل واريميش



بير گون بير ائل واريميش

فلك اوننان ياريميش



فلك دوندو چرخ دوندو

ايندي گونو تاريميش



ايلر بويو كرالكن

پايي بو گون داريميش



مين ايل غرورله ياشاركن

داها حقي عاريميش!!!



گئچه جك بيزه گونش لي

ايندي دومان قاريميش



قاراداغلي گئنه گئچن گون

دا بوگون آه و زاريميش

farhad30
23rd January 2013, 02:18 PM
بير آغيزسيـز ائلين ديلي شهــــــــريار



بير آغيزسيـز ائلين ديلي شهــــــــريار
بير لام آخان سويون سئلي شهريار



بو آذربايجان ديارينا چوخ ايگيد گليب

او ايگيدلرين آرخاسي بئلي شهريار



تورك ديلينده شعر دئييب سوز گوشا

سوزو شعري چوخ سئويملي شهريار



شعرين اوخودوقجا درين دوشونسن

عقيل حيران اولر نه حيكمتلي شهريار



شهريارين شعري تورك ديلينه بير بزك

ائله بزك آدام دئير اي فضولي شهريار



قاراداغلي داها بسدير، سينيق شعرين

وصف گلمز بو شعرينن او دئيرلي شهریار

farhad30
23rd January 2013, 02:19 PM
بير قيز سئوديم يالان اولدو


بير قيز سئوديم يالان اولدو

عقليم باشدان تالان اولدو


من يار دئديم او سئوديمي؟!!

بو سئوگيميز قالان اولدو؟


منيــــم ســــوزوم اونا بئـله

طوي دا ضيرنا چالان اولدو!


او يار منه سانكي بير يوك!

چولاغ اشك پالان اولدو!!


يار دئمه سن داوا كتك!!!

عقلي باشدان آلان اولدو


قارا داغلي بو شعرده ميرت

شعري يادا سالان اولدو!!

meygol
6th February 2013, 12:29 PM
خلایقدن جفا گوردوم تماماً بی‌وفا گوردوم
وفاسیز آشنالردن عجائب ماجرا گوردوم
اولارکی لاف یک‌رنگی ووروب آخر دو رنگ اولدی
تمام اقربالر عقرب اولدی جان‌گزا گوردوم
کیمه بیل باغلادیم قطع اولدی امیدیم بلیم سیندی
فقط بیر آشنا عقرباده تک خدا گوردوم
فقط بیر تخم مرغی ساده و یکرنگ بیلمیشدیم
اونوندا کوینگین رد ایلدیم رنگین دو تا گوردوم
جهاندا قورخما دشمنن همیشه آشنادن قورخ
نه اینکه اشنانون حیله و مکرین خفا گوردوم
الونن اوپسه آلانما چکر آخر ایاقونن
سو اوپسه پای دیواره ییخیب ویران سرا گوردوم
زلیخا ایستمیردی یوسفی اوز نفسین ایستیردی
حامی اوز نفسینین محبوبیدور دنیانی لا گوردوم
صمیمیت محبت عشق بازی ایتده کاملدی
بو حیوانین وفاسین راه حقه آشنا گوردوم


شاعر: منعم

meygol
6th February 2013, 12:33 PM
سن منه دلبر یئترسن اوزگه‌لر یار اولماسون
بیر اولور یار ایکی اولماز، ایکی زنهار اولماسون
باغریمی دوغرار فراقین خاری، ای جنّت گولی
نوبهار اولسون، گول اولسون، آرادا خار اولماسون
ای سکز جنات عدنین باغ و بستانی یوزون
گولدن آنین گلشنی بی برگ و بی بار اولماسون
کیمکه دیداریندن اوزگه نسنه ایستر، یادیلر
یئتمسون حقدن نصیبی، اهل دیدار اولماسون
فرقتین دردی منی بی‌خواب و گریان ائیلدی
دشمنین عمری دوکنسون بختی بیدار اولماسون
توتموشام عشقینله پیمان، قیلمیشام حسنونله عهد
آندن اوزگه عهد و پیمان، قول و اقرار اولماسون
یاپیجی حقدیر، خرابی اول یاپار معمور ائدر
حق یاپان معموره آیروغ کیمسه معمار اولماسون
زلفونون داریندا، شاها، آسیلان منصور ایدی
هر که منصور اولمادی، زولفونده بر دار اولماسون
اولموشام عینین کیبی بیمار، عشقیندن جدا
یارب او نرگسدن اوزگه کیمسه بیمار اولماسون
ای نسیمی، قیلما یارین سرّینی اغیاره فاش
تا که یار اولسون بو سرّه محرم، اغیار اولماسون


شاعر: نسیمی

meygol
6th February 2013, 12:34 PM
سالما گوزوندن منی بیگانه تک
گل دولانیم باشیوه پروانه تک
گل قولومی حلقه لییم بوینونا
تئللرینی دسته لییم شانه تک
من سرکویینده سنون بیر قوشام
دامه سالیب قاره خالین دانه تک
مرحمت ائت قویما یانیب قورتاریم
قویما چاتا عومرومی پایانه تک
هی سر کویونده سنون گلمیشم
آه و فغانه ائله دیوانه تک
ایستیرم هر گون دولانام باشیوه
اگله شه سن صحنه ده جانانه تک
قلبیم ائوین گوزیاشلا سیلمیشم
ساخلامیشام وصلتیوه خانه تک

farhad30
22nd February 2013, 04:17 PM
فی*** اوردوسو





منه گون آیدین دئدین سئویندیم


آمما باخیب گؤردوم


گون توتولموشدو!




*************




صبیرسیزلنیردیم تئز یئکلمه‌یه


سن دئمه قوجالیق قاپی دالیندا!




*************




بلکه‌ده اؤتن بیزیک زامانین آیناسیندا

ایندی چیخیش بیزیم‌دیر عؤمرون تاماشاسیندا




************




داغ‌لار قایا‌لارین اوموزلاریندا


داغ‌لارین آدی وار ،قایا‌لارین یوخ !


دنیز داملا‌لاردان یارانمیش ،آنجاق


دنیزین آدی وار داملا‌لارین یوخ!



************




ساچ‌لاریما قار یاغدی ،

گنجلیییمین شمسییه‌سی ایتندن بری!




************



پولسوزلوغون دادینی چوخ دادمیشام

نه یاخشی کی ،اومودسوزلوغا چاتماز!




عؤمرومون چوخ ایللرین ایشسیز اولدوم،

آمما امک‌سیز اولمادیم!




گؤرمه دیگیم ایشلر اوچون اؤزومد‌ن زهلم گئدیر!




جسارتیم فانتان ،لیاقتیم ایسه بوز داغیدی،

بیری گیزلی ،بیریسی آشکار!


من شاعرلیک گؤره وینی داشیماقدایام!!




اورمو-۱۳۹۱

([Only registered and activated users can see links])نوشته شده توسط کریم گول اندام

farhad30
22nd February 2013, 04:18 PM
شاهید





دوشونجه شاعری اولماق ایستردیم!


دوشونجه

نه بیر باشقاسینین پئشینجه!


اگر اوخویا بیلسیدین،


سئودا‌لاریمی


کیمسه‌یه،وطنه،حیاتا،


و کائیناتا!



سئودا ساچاردیم سنه،


وطنه،حیاتا،


قات-قات من‌دن،سن‌دن اوزاقلاشان ،


بو کائیناتا.





دوشونجه شاعری اولماق ایستردیم دوشونجه!


سنین ،وطنین ،حیاتین،


و الله آنلامینا شاهید اولان


بو کائیناتین پئشینجه.!



۱۳۹۱-اورمو

نوشته شده توسط کریم گول اندام

farhad30
22nd February 2013, 04:19 PM
قوشلار



قار كولك
قاپ باجاني
بوروموشدو
شعر دئمك هاواسي باشيمدا
پنجره ني آچيب ائشيیه باخدیم
قوشلار
هميشه منه الهام وئرن قوش لار
آغاجلارين لوت بوداغلاريندا
منيم پنجره مه
گؤز تيكميشديلر
من بودفعه
قوشلاردان الهام آلماديم
من قوش لارا شعر يازماديم
يالنيز
اونلارا بير اووج
دن
سپ
دیم



ارشد محمدی

farhad30
22nd February 2013, 04:30 PM
[Only registered and activated users can see links]

farhad30
22nd February 2013, 04:40 PM
قارشیندا سنین گول‌ده، باشین سالدی آشاغا،
گویا کی پشیماندی گلیب بؤیله قاباغا.

قیرسا چو تیکاندان، یئری باشدادی گولون، بیل،

اگلشمه رقیبلر ایله گئت بیرجه قیراغا.

باغ ایچره ندن قانلی اولوب گؤینه‌‌گین، ای گول!

اولما قان ایچیبسن، گیره‌رک بیرده یاساغا.

یئل، غنچه‌نی گول ائیله‌دی دور گل ایشه باخ سن،

ناصح پوله‌ییر سانکی کؤنولده‌کی اوجاغا.

farhad30
22nd February 2013, 04:41 PM
حسین دوزگونون شعرلری
سون نفسده



من ياشدا اولانين گؤزۆ يولدادير

قولاغي سسده،

سانكي دايانميشدير

آرخادا اوزانان

شرفلي، شوكتلي،

اوزون كئچميشي

اوزاقلاردان گلن خيشيلتيلارا

بشارت شافاغين تؤكن سحره -

باغلايا، اؤله...

من ياشدا اولانين گؤزۆ يولدادير،

قولاغي سسده،

meygol
20th April 2013, 02:11 PM
شانه ساچدا اولایدیم
سورمه قاشدا اولایدیم
سیننیم گئری دؤنه یدی
اون بئش یاشدا اولایدیم

من عاشقم آی خومار
گئجه سرخوش آی خومار
سئوگیلیم جواب وئرمز
آی یاتیر خومار – خومار
من عاشقم درین دی
گولو باغدان در ایندی
بلدچیم کور طالعیم
دوشدوم قویو درین دی
عاشق آدین شیرین دی
فرهاد دوستو شیرین دی
دوست دان دوستا گلن پای
بئچه بالدان شیرین دی
بوردان دؤرد باجی کئچدی
باخدی قئیقاجی کئچدی
عمروم باهارسیز اولدو
گونلریم آجی کئچدی

------------------------
حسین جوان

مهدی...
22nd April 2013, 01:33 PM
اشعار تركي با ترجمه فارسي
آغلايارلار ، گولرلر
گؤز ياشيني سيلرلر
گئچن گونون قدريني
گلن گونده بيلرلر

**گريه مي كنند و مي خندند،
اشك هاي چشم رو پاك مي كنند،
ارزش روز هاي رفته رو،
در روزهاي آينده مي دونند**

***

قارا آت نالي نئيلر؟
قارا قاش خالي نئيلر؟
وفالي ياري اولان
دولتي - مالي نئيلر؟

اسب سياه،نعل رو مي خواد چيكار؟
ابروي سياه،خال رو مي خواد چيكار؟
اون كسي كه دوست با وفا داره
ثروت و دارايي رو مي خواد چيكار؟
***
عاشق هر سوزي بيلر
ايريني ،دوزي بيلر
درديمي يارا دئيين
درمانين اؤزي بيلر

عاشق هر حرفي رو مي دونه
كج و راست رو هم مي دونه
دردم رو به يارم بگين
خودش درمانش رو مي دونه

***
گون خوش گئچسه درد اولر
غصه گئدر ، درد اولر
حق يولوندا جان قويان
آد قازانار ، مرد اولر

اگه روزگار خوش بگذره،درد مي ميره
غصه ميره و درد مي ميره
اوني كه تو راه حق مي ميره
اسمي به دست مياره و مثل يه مرد مي ميره

***
اوزونده خالين آي قيز
خوشدور جمالين آي قيز
ئولدوردي نازين مني
نه دير خيالين آي قيز؟

خال روي صورتت
زيبايي صورتت
نازت منو كشته
بگو خيالت چيه اي دختر؟

***
گئدن گئتمه دايان دور
حاليم سنه عيان دور
گليشينه من قربان
گئديشين نه ياماندور

اي اوني كه داري ميري،نرو،بمون
حالم كه براي تو آشكار هست
براي لحظه هاي اومدنت قربان بشم
تحمل رفتنت چقدر سخته

***
ديليمين اوستو يارا
آلتي قان، اوستو يارا
ديليم سني كسه رم
نه دئدين ، كوسدي ، يارا؟

روي زبانم زخمي هست
و زيرش پر از خون
اي زبانم ،تو رو خواهم بريد
به يار چي گفتي كه يار قهر كرد و رفت

***
من بو باغا گلميشم
ياغا ياغا گلميشم
گتيرميشم درديمي
آغلاماغا گلميشم

من به اين باغ آمده ام
گريه كنان آمده ام
دردم رو آورده ام
براي گريه كردن آمده ام

مهدی...
22nd April 2013, 01:34 PM
انسان گویده آی کیمی دیر
...

چمنلیکده گول چیچکین
ساغ سولوندا علفی وار
دونیادا هر بدبختلیین
هم ضرری هم نفی وار
وقت حکیملر حکیمی دیر
حیات وار کن یوخ کیمی دیر
یای دان چیخان اوخ کیمی دیر
هر عمرون اؤز هدفی وار
اورکده دیر سؤزون کؤکو
آیرا بیل توکدن توکو
چوخ آغیردیر آمان یوکو
چکه بیلسن شرفی وار
اورک فیکرین طیلسیمی دیر
هر قاتی بیر لای کیمی دیر
اینسان گؤی ده آی کیمی دیر
گؤرونمه ین طرفی وار


................
انسان در آسمان مثل ماه است

...
در چمنزار دور و بر گلها
علف سبز می شود
در دنیا هر بدبختی
هم ضرر، هم فایده دارد
وقت حکیم حکیمان است
وقتی زندگی جاریست ، گویا او نیست
مانند تیر رها شده از کمان است
هر عمری برای خودش هدفی دارد
ریشه سخن در دل است
مو را از مو جدا کن
اما بارش خیلی سنگین است
اگر بتوانی بکشی سربلندی
دل طلسم فکر است
هر تایش ، مثل لایه ایست
انسان در آسمان مثل ماه است
طرفی که دیده نمی شود دارد

مهدی...
22nd April 2013, 01:36 PM
بو قاطار

بو قاطار ووصالدان حسرته گئدیر
وطن اوره گیمدن غربته گئدیر
دئیه سن بیر آیری قیسمته گئدیر
نه اولار ، ساخلایین گئدن قاطاری
گولوشو آپاریر ، گؤز یاشیم قالیر
اوره ییم بوشالیر ، گؤزلریم دولور
بو قاطار آیریلیق هاواسی چالیر
نه اولار ساخلایین گئدن قاطاری
زامانی دوغراییب بیچیر بو قاطار
سئوگیمین اوستوندن گئچیر بو قاطار
منیم گؤز یاشیمی ایچیر بو قاطار
نه اولار ساخلایین گئدن قاطاری
بؤیورسم چاغیرسام چاتا بیلمه رم
قلبیمدن قوپاریب ، آتا بیلمه ره م
گئتدیمی بیرداها توتا بیلمه ره م
نه اولار ساخلایین گئدن قاطاری
منیم باهاریمی آپاریب گئدیر
الینی الیمدن قوپاریب گئدیر
قویمایین یاریمی آپاریب گئدیر
نه اولار ساخلایین گئدن قاطاری

..............
این قطار

این قطار از وصال به حسرت می رود
وطن از دلم به غربت می رود
گویا سوی قسمتی دیگر می رود
چه میشود ، جلوی این قطار را بگیرید
خنده را می برد ، اشکم می ماند
دلم خالی و اشک چشمم پر می شود
این قطار آهنگ جدائی می نوازد
چه می شود ، جلوی این قطار را بگیرید
زمان را درو می کند این قطار
پا روی عشقم می گذارد این قطار
اشک چشمم را می نوشد این قطار
چه می شود ، جلوی این قطار را بگیرید
فریاد بکشم و صدایش کنم ، به او نمی رسم
دل کندن و رها کردن ، نمی توانم
اگر برود به او رسیدن ، نمی توانم
چه می شود ، جلوی این قطار با بگیرید
بهارم را می برد و می رود
دستم را از دستش جدا می کند و می رود
نگذارید یارم را با خود می برد
چه می شود ، جلوی این قطار را بگیرید

مهدی...
22nd April 2013, 01:38 PM
شعر ترکی با ترجمه فارسی
:

عاشق آدین شیرین دی
فرهاد دوستو شیرین دی
دوست دان دوستا گلن پای
بئچه بالدان شیرین دی
...

ای عاشق اسمت شیرین است
دوست فرهاد شیرین است
هدیه ای که از دوست می رسد
از عسل تازه شیرین است

مهدی...
22nd April 2013, 01:41 PM
اویالانچی ایللر گونه دیمزمیش
گول وئردیم،وئردیییم گوله دیمزمیش
گوزوم ده چاغلایان سئله دیمزمیش
حئیف او سئوگییه ، او محبته

""""""""""""
در حد ارزش یک روز نبود،
عمری که با تو هدر دادم ،
سالهایی که به پایت ریختم.
عشق تو،
ارزش گلی را که هدیه کردم ،
واشکهایی را که برایت ریختم ،
- نداشت
حیف از آن عشق و محبت

مهدی...
22nd April 2013, 01:42 PM
سئوگیلیم،عشق اولماسا،وارلیق بوتون افسانه دیر
عشقیــده ن محــروم اولان،انسـانلیغــا بیگــانه دیر
سئـوگی دیـر،یالنیــز محببتــدیر حیــاتین جـوهــری
بیر کونـول کی عشق ذوقین دویماسا،غمخــانه دیر

:::::::::

عشق من,اگر عشق نباشد هستی افسانه ای بیش نیست
کسی که از عشق محروم باشد,با انسانیت بیگانه است
فقط عشق و محبت جوهر حیات هستند
دلی که عشق را درک نکند،غمخانه است

مهدی...
22nd April 2013, 01:43 PM
گونوم ائله سندن شیکایت اؤلوب،
بو سئوگی بیر داستان ،حئکایت اؤلوب
محبت نه واخت دان جینایت اؤلوب
بوراخ گؤزلرینین حبسیندن منی
..............

روزگارم شکایت از تو شده است
این عشق داستان و حکایت شده است
از کی محبت جنایت شده است ؟
از محبس چشمانت رهایم کن

مهدی...
22nd April 2013, 01:44 PM
شول فلکین گردیشى٫ هئچ وقت منى شاد ائتمه دى
خسته کؤنلوم بیر بلادن٫ غمدن آزاد ائتمه دى
آیرى دوشدوم قووم و قارداشدان منى یاد ائتمه دى
من تکین بخت-ى قارانى خانه ویران ائتمه دى
نئیله ییم ائى دوستان٫ من بى وفایا اوغرادیم؟

//////////

از گردش چرخ فلک، ناشاد ماندم هر زمان
با قلب مملو از غم و بیداد ماندم هر زمــان
در بند و دور از یاد هر، آزاد ماندم هر زمان
در حسرت یک خانه آباد ماندم هر زمــان
گوئید با هر دوستی ، گشتم اسیــر بی وفا

مهدی...
22nd April 2013, 01:45 PM
یارین رهئ عشقینده کونول قان اولا، خوشدور
هیجرینده گوزوم هر گئجه گیریان اولا، خوشدور
من کی، بو قارا گوزلولر عشقینده اسیرم
سینم هدفئ- ناوکئ- مژگان اولا خوشدور
سن عصریمیزین ایندی زولئیخاسی سان، ای گول!

*******

در راه عشق اگر دل خون شود ، خوش است
اگر در فراقش هر شب چشمانم گریان شود ، خوش است
من که اسیر عشق این سیه چشمانم
اگر ناوک مژگانش سینه ام را هدف گیرد ، خوش است

مهدی...
22nd April 2013, 09:55 PM
اسرار دئلیم خلقه نمایان اولدو
هر دلبره ایسته دیم باخام قان اولدو
بو دهر دنی ده بس کی محنت چکدیم
قددیم بوکولوب مثال چوگان اولدو

..............

اسرار دلم پیش خلق آشکار شد
به هر دلبری که خواستم بنگرم خون به پا شد
در این دنیای دون بس که محنت کشیدم
قدم خم همچو چوگان شد

مهدی...
25th April 2013, 12:29 AM
کؤنگلیم اورتانسین اگر غیریغَه پروا ایلاسَه
هر کؤنگیل هم کیم سنینگ شوقینه پیدا ایلاسَه
اؤزگالار حسنین تماشا ایلاسَه٬ چیقسون کؤزؤم
اؤزگا بیر کؤز هم کی حسنینگ‌نی تماشا ایلاسَه
غیر ذکری آشکارا قیلسا، لال اولسون تیلیم
قایسی بیر تیل هم کی ذکرینگ آشکارا ایلاسَه

******

ترجمه:
دلم آتش بگیرد اگر به کسی غیر از تو توجه کند.
همچنین هر دلی (به‌جز من) که عشق تو را داشته باشد.
چنانچه چشمانم به جمال دیگر خوبرویان نظر کند،
برکنده باد! همچنین هر چشم نامحرم که نظر به جمال تو داشته باشد.
زبانم لال باد اگر صحبت از کسی جز تو کند.
همچنین هر زبان بیگانه‌ای که حدیث تو کند.
....
امیر علیشیر نوایی

مهدی...
25th April 2013, 12:31 AM
غربتدا غریب شادمان بولمَس‌ایمیش
ایل اونگا شفیق و مهربان بولمَس‌ایمیش
آلتین قفس‌ایچره گر قیزیل‌گؤل بولسه
بولبول‌غه تیکَن‌دَک آشیان بولمَس‌ایمیش

.....

ترجمه:
غریب در غربت شاد نمی‌گردد.
مردم (آنجا) با وی صمیمی نیستند.
چنانچه گل سرخ را در قفسی زرین نگه دارند،
برایش مأوای مطلوبی نیست و حکم خار برای هزاردستان را دارد.

....
امیر علیشیر نوایی

مهدی...
25th April 2013, 12:33 AM
آخشام باشى ناخیرینان گلنده
قوْدوخلارى چکیب ، وورادیق بنده
ناخیر گئچیب ، گئدیب ، یئتنده کنده
حیوانلارى چیلپاق مینیب ، قوْواردیق
سؤز چیخسایدى ، سینه گریب ، سوْواردیق

.......


ترجمه فارسی:
وقتِ غروب و آمدنِ گلّة دَواب
در بندِ ماست کُرّة خرها به پیچ و تاب
گلّه رسیده در ده و رفته است آفتاب
بر پشتِ کرّه ، کرّه سوارانِ دِه نگر
جز گریه چیست حاصل این کار ؟ بهْ نگر


******

مهدی...
25th April 2013, 12:34 AM
منیم آتام سفره لى بیر کیشییدى
ائل الیندن توتماق اوْنون ایشییدى
گؤزللرین آخره قالمیشییدى
اوْننان سوْرا دؤنرگه لر دؤنوْبلر
محبّتین چیراخلارى سؤنوْبلر

...........

ترجمه فارسی:

آن سفره هاى باز پدر یاد کردنى است
آن یاریش به ایل من انشا کردنى است
روحش به یاد نیکى او شاد کردنى است
وارونه گشت بعدِ پدر کار روزگار
خاموش شد چراغ محبت در این دیار

مهدی...
5th May 2013, 06:01 PM
شعر مادر به زبان آذری
اردیبهشت ۱۳م، ۱۳۹۲ | شاعر: حسین عابدی
/////////


بولبولون شوقی بودور گول اونو پیشواز الی یه

منده شوقیم دیر آنام بیرده منی ناز الی یه

اللریننن من اوپم ، اولمه لی قلبیم دیری له

قلبیم آرام اولا ، روحیم گینه پرواز الی یه

گده دوران اوشاخلیقدا کی خوش گوننریمه

سووشان گوننری مین خاطره سین ساز الی یه

منده بیر عا لم رویاده ویرام قوش یوخوسو

باشیم اوستونده آنام لای لایین آغاز الی یه

یومولان گوزلریمین قیمتی دنیایه دییر

اوزمانی کی آنام گوزلریمی باز الی یه

مهدی...
26th May 2013, 04:22 PM
کوچه- ترجمه ی شعر فریدون مشیری



نام شعر : کوچه... شاعر : یوسف اعظمی ...نوع شعر : نو

....
سنسیز آیلی گئجه ده من یئنه اول کوچه دن اؤتدوم
وار وجودوملا گؤز اولدوم، حئیران آردینجا گزیشدیم

سنی گؤرمک ماراغی چاغلادی جانیم چاناغیندا
یئنه اولدوم سنه وورغون ، سنه شئیدا

جانیمین ان قارا ظولمت بوجاغیندا
خاطیره‎ن نورونو ساچدی
یادی نین گولشنی آچدی

گول یادین عطرینی ساچدی

یادیما دوشدو قوشا بیر گئجه

اول کوچه دن اؤتدوک

قاناد آچدیقدا او آرام گئجه

بیرلیکده دولاندیق

نئچه آنلیق بولاغین سئیرینه دالدیق

سن تؤکولموش بوتون اسرار جهان قاره گؤزونده

من ده دالمیش باخیشیندا او اوزونده

گؤیده اولدوز گئجه آرام

باخت یار اولدو ، زامان رام

آی اوزون نازلی بولاقدا سویا سالمیش

اللری گؤیده بوداقلار سانکی آیی اله آلمیش

گئجه و چول و چامورلوق همی داشلیق

هامیسی بایقوشون آوازینا دالمیش

یادیما دوشدو دئدین : گل چکین آرتیق بوراخ عشقی

نئچه آنلیق سویا بیر باخ !

سو دئییلدیرمی موقت هو سین گوزگوسو آرتیق ؟

سن بوگون بیر باخیش ایله نیگران اولسان عزیزیم

صاباحی گؤزله کی کؤنلون یاد الینده اولاجاقدیر

اورگین عشقی اونوتسون دئیه بو شهری بوراخ گئت

دئدیم : عشقی اونودوم‎ مو؟

سنی بیر آن من آتیم‎می ؟

ایلک گوندن کی بو کؤنلوم قاناد آچدی سنه ساری

قوناراق دام باشینا من سنه باخدیم

سن داش آتدین منی قوودون

من نه قاچدیم ، نه ال اوزدوم

اووچواولسان دئدیم اول من ده اووام بو قارا چؤلده

من بو عشقی اونودوم مو ؟

سنی بیر آن من آتیم می ؟

گوزیاشی آخدی بوداقدان

اینله ییب بایقوش اوچوب کؤچدو بوداقدان

گؤزیاشین تیتره ییب آخدی

آی دا بو عشقینه گولدو

یادیما دوشدو کی ، دینمز- سؤله مز قالدین او حالدا

من ده آرتیق غمه دالدیم

نه ال اوزدوم نه ده قاچدیم

باتدی غم ظولمتینه

اول گئجه ، هم ده قارا گونلر

نه کئچیرسن داها اول کوچه دن آرتیق اؤتوشورسن

نه ده دردیندن اؤلن عاشیقینی باشه دوشورسن

سنسیز ایندی نئجه اول کوچه یه آددیم باسارام من؟؟؟
......

وبلاگ آقای یوسف اعظمی

مهدی...
26th May 2013, 04:23 PM
سوْن پاییز /وحید طلعت


......

آنی لار اؤلوملو ، آنی لار آجی
ساعاتلار قورتولماز ، ساعاتلار آغیر
شوشه*نین تَرینه گؤزوم تیکیلب
دیه*سَن کوچه*یه قارا قار یاغیر


بو چیلله گئجه*سی ، بو قیش آخشامی
باخیرام گِئد به گِئد کؤلگَم اوزانیر
سئوگی*سیز یاشاماق عادت اولاندان
اؤزومدن کِئچرکن کؤلگم یوبانیر

بیر نفر بویلانیب کِئچمیشلریمدَن
آرزو مَزاریندان باخیر صاباحا
اوزونده بیر داملا دنیز گؤیه*ریر
شوشه*نین تریلَن آخیر صاباحا

ایچینده ائله*بیل حیات گؤونه*ییر
یازیق اَللَریله گؤزون اُوکالیر
کوچه*دن کِئچیر او سَس*سیز، سَمیرسیز
آغارمیش سؤزونده غمیم ایز قالیر

حَیَط*ده نه یازیق اؤلوم ته*له*سیر
اُتاقدا دووارلار یامان داریخیر
نیسگیل*لر دونیاسی ...*ـ آمان یِئل اَسیرـ
باشیما اوچارکن ئه*ویمی ییخیر

چیلله*نین شاختاسی بورویور منی
دیلیمده سؤزلریم دوْن آتماقدادیر
جان آتیر بیر نفر سنه یئتیشسین...
بو سَفَر بو یول*دور کی چاتماقدادیر!

بِئله بیر زاماندا ، بِئله بیر آندا
اوچورام خیالدا سَنه گَلیرم
گَزیرَم آردینجا یوللار اوزونون
روحوملا بو حالدا سَنه گَلیرم

گئجه*نی سوواراق ، گؤنَش دوغارکَن
ایکی کؤلگه*ییدیک خَلق آراسیندا
بیریمیز حوزونلو بیریمیز آسلی
ایکیمیز دیدرگین دیل یاراسیندان...

تبریزین سوْن قیشین خاطیرلادیقجا
بیر سویوق اؤشوتمه بیزی تیتره*دیر
"*وئرگول"*لر دونیاسی بیزی آیریلدیر
نه*بیله*ک یاشاماق نه دندیر ، نه*دیر؟!

ایکیمیز آردیجیل آیاقلاشیریق
دوستاقدان دوستاقا آیاق قویماغا
یئنه*ده باخیریق ... بورا... تبریزدیر
آنی*لار مزاری... نه وار دویماغا...؟

تاریخی اونودماز ، نیسگیلی آغیر
بیر یانان "ستارخان" باخیر تبریزه
بیر یانان "باقیرخان" قاییدیب گلیب
ائشیدیب اؤلموشوک ... آغلاییر بیزه!

بیرداها دؤنوروک کِئچَن گؤنلره
گؤزلردن ائله*بیل آرازدیر آخیر
بو شَهَر ، بو سئوگی ، بو سوْن طالِعیم
اونودور منی*ده.... یالنیز بوراخیر.

گلیرم اوزومله ساعات آلتی*دا
"ساهات میدانینا" گؤزوم ساتاشیر
نه گؤنلر سورموشم بوردا کِئچن*لر
باخدیقجا ، دویدوقجا... گؤزوم قاماشیر

ایچیمدن بیر سرین یئل اَسمه*ک*ده*دیر
ایز قویوب آرزولار آیاقلاریمدا
دیلیمه گلمه*دَن سونونجو پاییز
آتامین آدی*دیر دوداقلاریمدا... :

آتالار ناغلیندا یاتسادا بختیم
اویاندیم حیاتلا قارشی*یا چئخدیم
دوورالار دالیندان دیرچه*لیب باخدیم؛
ساغیمی کوْرلادیم ، سولومو یئخدیم

ایچیمده هؤووشنه ، سسیمده قورخو
اؤزومو ... اؤزومله اینان بولدوروب
آغلاییر ، هونکورور اوخشاییر منی
قلبیمده بیر آرواد آرین اولدوروب!

آنلیمین یازغی*سین یازدیران زامان
طالعیم قارادان قارا یازیلمیش
آرزولار یئرینه یازیق قلبمیده
بیر درین ، داریشیق قبیر قازیلمیش

منده ایللر بویو بیر قوجا... قری
اوغلونون یاشی*دک نیفرت یاشادیر
ایچیمده او یازیق هایخیریرمنه:
ـ سنی بوندان بری قیسمت یاشادیر!ـ

اولدوزدان اولدوزا اوزون گئجه*لر
یولونو ایزلیرم اوزون گئجه*لر
بیلیرسَن بو اوچ*-*بئش گونلوک حیاتدا
نئجه سن*سیزلیرم اوزون گئجه*لر

ائله*بیل گؤزومدن اولدوز اَله*نیر
هر گئجه بیر اولدوز گؤیومدن آخیر
قورخودان دؤرد اَللی تَله*سیک روحوم
طالعی قوجاقلیر ، منی بوراخیر

دییرلر آرزولار قورتولان زامان
انساندا دویغولار عقله یوکسه*لیر
آرزوسون بیتیرمیش اینسان *نه*دندی
عاغیل سیز، دویغوسوز گؤزیاشین اَلیر؟

عدالت اومورام سنین سؤزوندن
آغلیرام ائلیمه ، قارا باغلارا
قلبیمی باغلیرام آیاقلارینا
کونلومو وئریرم اوجا داغلارا.

سئوگیلیم حیاتیم قورتولان زامان
بیر گؤیرچین منی سنه گوتورور!
بو یانیق اورگیم اللرین کیمی
حیاتی توتدوقجا ... منی اوتورو

نه یازیق طالعیم ، نه ایوالیم وار
بیرگؤنوم یاسلی دیر، بیریسی پای سیز
آما تکجه سَن*سَن آییم اولدوزم
یاشاماق اولارمی اولدوزسوز ، آی*سیز؟

عاشقیق سازیلا سوزو بیرله*شیب
یادیما گتیریر او... چنلی بئلی
سؤزلریم توکولور غزل*لریمه
اوستومه یئل اسیر؛ ائلیمین یئلی!

بیر آددیم یئرده*یم بیرسی گؤیده
گلیرم یئنه*ده من سنه ساری
اورگیم تلسمه یورو یوللاری
بوسفر باسارام باغریما یاری

سسیمی دویدوقجا آتا داغلاریم
آنامین یوردوندا حوزون محو اولور
اوتاقدا عکسینی چکندن بری...
سنی گؤرجَک منیم گؤزلریم دولور.

گلیرم بو سحر سنین اوستونه
نئجه یول یورقونو سفری خوشلار
نئجه یار بسله*ین دؤزَر آجی*یا
اینتیظار چَکَن گؤز خبری خوشلار...

یوخوما گلیرسن اؤلوم دیریلیر.
دیلمه گلیرسن حیات یارانیر.
اؤزـ اؤزه ساتاشیر یئنه گؤزوموز
ساعاتلار یوبانیر ، زامان دایانیر.

مهدی...
26th May 2013, 04:24 PM
یاریمین قاصیدی


.....
سن یاریمن قاصیدیسن ایلن سنه چای دمیشم
خیالینی گوندریبدیر بس كه من آخ وای دمیشم
آخ گئجلر یاتمامیشام من سنه لای لای دمیشم
سن یاتالی من گوزومه اولدوزلاری سای دمیشم
هر كس سنه اولدوز دیه اوزوم سنه آی دمیشم
سندن سونرا حیاته من شیرین دسه زای دمیشم
هر گوزلدن بیر گول آلبیب سن گوزل تای دمیشم
سنین گون تك باتماغیوی آی باتانا تای دمیشم
ایندی یایا گیش دییرم سابق قشا یای دمیشم
گل تویو وی یاده سالیم من دلی نای نای دمیشم
سونرا گنه یاسه باتیب آغلاری های های دمیشم
عمر سورن من قارا گون آخ دمیشم وای دمیشم

مهدی...
26th May 2013, 04:25 PM
انتظار (م. هوشمند)


.......
گئنه اود دوتدی اورك یاندی محبت اودونا

آیریلق صحبتی خوش گونلری سالدی یادیما

سنده سالدون منی گوزدن ایله بیگانه كیمی

یوخدی بیر كس نظر ایتسون بو پریشان حالیما

قالا بیر خوش گونه حسرت سنی مندن آیران

گوندوزی شام اولا منتك گوزی یاشلی دولانا

گل گیلن منتظرم وار گوزوم اوستونده یرین

گل گوزوم یاشینی سیل چك الیوی بیر باشیما

وار اومیدیم هله بیریولدا بیزه باش چكه سن

یاتمارام صبحه كیمی گوز تیكرم من قاپویا

گاه اولوب شاد گهی غصه لنوب آغلییارام

دیمگ اولمور اورگین دردینی حتی آنیا

عشق درسین منه اورگتدی اوشاخلیقدا آنام

باغبان عشقیله گول بسلدی ویردی خزانا

من گرك بو گئجه بیر یادیویله خلوت ایده م

یالوارام صبحه قدر بلكه یاتان بخت اویانا

قورخورام عمر چراغی سونه سن گلمییسن

گوزلویم یول گیجه گوندوز جوان عومروم قوتارا
.....
وبلاگ شعرهای تورکی

مهدی...
26th May 2013, 04:30 PM
آی ساری کوینک


نام شعر : آی ساری کوینک
شاعر : زنده یاد یحیی شیدا

......
آی خسته قوش آواره گزیرسن بو دیاری
زنداندی قفسدی چمنی باغی باهاری

گوزله اوزوی آوچی دیر هریانی بویوردون
قوزغون کیمی دوردگوزلوگزیرکورپه شکاری

فرصت دالیسیجا گزیری ال یئری تاپسا
ویران قویاجاق یوردونو آی کوینگی ساری

تیک اوز یووانی قویما سنه ال تاپا اووچی
سن بو یووانین صاحبی سن قان یئنه باری

جهد ایله کی جان قورتاراسان اووچی الیندن
دوشسن تورا فریاد ائله مه چک بو فشاری

گولشنده کی یوخ ذوق و صفا آی ساری کوینک
قاچ قاچ بو یئرین زهریلیدیر داری نداری

دیلله نسن اگر اووچی ائدر قانینا قلتان
اوچسان آ یازیق تیر جفا قلبینی یاری

مین فیرتینا قالخیب دویه جک باشینا طوفان
هر کیمده اولا داغ کیمی دونیادا وقاری

گلسه باشیوا درد و بلا داغ کیمی دور باخ
آیدیندی بو سوز توستو گئده ر گویچگه ساری

ایستر سنی صیاد اوزونه رام ائده اما
ایغو دو گوره ر آج تویوغ البته کی داری

بو یاخشی مثل دیر کی بیزم ائلده دئمیشلر
بیر باخ آشاغی باخما اوزوندن ده یوخاری

غم غصه کیچیک قلبینی کر دویسه سیخیلما
بو گوند ه کئچر آخیری غملر ده قئتاری

اوندا کی چیخار گون یاییلار عالمه بیردن
اوندا کی قارا دان یئری صبح اولجاق آغاری

داغی داشی آسوده خیالیله گزه رسن
گولشنده نه شاختا گوره سن داغدا نه قاری

ظولمون ائوی ویران اول و ظالیم دوشر الدن
قان دورماز اگر کسه پیچاق قیرسا داماری

بختین قاپیسی ایندی قیفیللانسا داریخما
هر بیر قیفیلین واردی طبیعت ده آچاری

اوز جانیویلن اوناما بو عرصه ده شیدا
لیلاج دغلبازیله قیزدیرما قوماری
...

وبلاگ شعرهای تورکی
..
استاد شیدا به عنوان یکی از ذخایر معنوی و فرهنگی آذربایجان شرقی و کشور به شمار می آمد و بازمانده نسل شعرای همدوره استاد شهریار بود.

مرحوم شیدا، از استادان بزرگ نظم و نثر آذربایجان و ایران به شمار می رفت و طی 60 سال کار فرهنگی، خدمات ماندگاری به جامعه فرهنگی و ادبی تبریز و ایران ارایه کرد.

بسیاری از شاعران و نویسندگان آذربایجانی سال ها در پای درس استاد شیدا نشسته و دانش آموخته مکتب وی بودند.
استاد یحیی شیدا در سال 1303 هجری شمسی در تبریز دیده به جهان گشود. پدرش مرحوم حسن یوزباشی چرندابی از مجاهدان مشروطه و از محله چرنداب تبریز بود.

وی از سال 1327 همکاری خود را با مطبوعات آغاز کرد و در نخستین قدم در روزنامه "آذر مرد" به عنوان سردبیر مشغول به کار شد.

استاد شیدا، مدتی در مدرسه طالبیه تبریز رشته علوم دینی را تحصیل کرد و به زبانهای آلمانی، عربی، ترکی و فارسی آشنایی کامل داشت.

وی عضو انجمن نویسندگان باکو بود و دکترای افتخاری ادبیات از این مرکز دانشگاهی را داشت.

از آثار و تالیفات وی می توان فرآورده ها، در زوایای تاریخ "نثر"، "تلواسه ها"، قصاید، غزلیات، پسرخان (رمان)، دریای متلاطم، جنایات زن یا شاهکارهای طبیعت (در زوایای ادبیات)، ادبیات اوجاغی در سه جلد، اودلار وطنی، اودلی سوزلر، اون جزوه، میرزا علی معجزین "یاپیلمامیش" شعر لری و بی ریانین اورهک سوزلری اشاره کرد.

مهدی...
26th May 2013, 04:47 PM
من سنی سئویرم ، سن واری، پولو،
گور هاردان دوشوبدو عشقیمین یولو…

نه منیم اوره ییم بیر بئله دولو،
نه سنین اوره یین بوش اولمایایدی

....

من ترا دوست دارم و تو پول و ثروت را

ببین راه عشقم به کجا افتاده

کاش نه دل من اینقدر پر

و نه دل تو اینقدر خالی بود

مهدی...
26th May 2013, 04:48 PM
من ترک شراب لب یار ائیلدیم اولدی
زهر غم هجریله مدار ائیلدیم اولدی
ای شیخ بهشتی دئمه ترک ائیلییه ن اولماز
من ترک سر کوی نگار ائیله دیم اولدی

...

من ترک شراب لب یار کردم و شد
با زهر غم هجر مدارا کردم و شد
ای شیخ نگر که کسی بهشت را ترک نمی کند
من ترک سر کوی نگار کردم و شد

/July/
9th June 2013, 06:52 PM
گت دی آناما باشینا باشدان قارا چکسین
یار عزم ایلییب عاشیقی زولفون دارا چکسین

بیر حجله دوزه لدین ولی گر عکسیمی ویرساز
نقاشه دیین سینه می چکسه پارا چکسین

من گلمیشیدیم جان تاپام امما اولورم گور
عشقِین گوجی وار بیزلری هاردان هارا چکسین

اولدور گوزلیم منده یورولدوم بو اوره ک دای
طاقت یوخودور هی یارا اوستن یارا چکسین




ترجمه :

برو به مادرم بگو باز بر سرش سیاه بکشد
یارم بر آن است که عاشق زلفش را به دار بکشد

برایم حجله ای بسازید اما اگر عکسم را گذاشتید
به نقاش بگویید اگر سینه ام را کشید پاره بکشد

من آمده بودم که جان بگیرم اما می میرم
ببین عشق می تواند مارا از کجا به کجا بکشد

بکش زیبای من من هم خسته شدم دلم دیگر
طاقت ندارد هی زخم روی زخم بکشد


شعر از غلامرضا طریقی

/July/
9th June 2013, 06:54 PM
زاهد می ناب دن دیر اکراه غلط

سن خواه سوزوم صحیح توت خواه غلط

مسجد لره گیردیگیم دییل رغبتدن

سرمست لیگیم دن ایلرم راه غلط


برگردان به فارسی:

زاهد بخاطر ناب بودن می است اکراه غلط

تو حرفم را خواه صحیح فرض کن خواه غلط

اینکه به مسجدها داخل می شوم از رغبت نیست

بخاطر سرمستی می روم راه غلط!!!


شعر شیخ محمد فضولی به زبان اصلی (آذری)

farhad30
27th June 2013, 05:44 PM
دؤلانوردی گئجه لر کوچه ده بیر دیوانه
آغلیوردی دانيشوردی بو سوزی جانانه

بارالها بو سينیق قلبیده ويردیم سنه یر
سن کی گلدون چکیلوب قالمادی بیر بیگانه

شرف مقدمووه نفسیمی قوربان کسدیم
بلی هر بزمیده قوربان کسیلر سلطانه

بیت الاحزاندا تجللا ایلدی جلوه ي نور
نور حوسنوندن ایشیقلاندی سینیق ویرانه

یدّی دفعه ایلدیم شمع وصالونده طواف
نجه کی باشینه شمعون دولانار پروانه

سنکی گلدون منه یر قالمادی ویرانمده
چیخدیم ايودن او ايوی بذل ايلدیم مهمانه

سنون عشقوندی سالیب چوللره آواره منی
نه ايویم واردی بو عالمده نه بیر کاشانه

ایندی سلطان بقایم بو فنا مول*****
غبطه ایلله بو دیوانیه مین فرزانه.

farhad30
27th June 2013, 05:45 PM
مین مین اوجالان قصر بیر آلچاق داغا دگمز

ظلم اوسته دوران قله اسن چارداغا دگمز

یوز پارچا تیکان‌لیق دره باغبان باخیمیندان

بیر باغچا قرنفیل بیتیره‌ن توپراغا دگمز

حشمت‌لی سرای لاردا کی مرمر پاسیولار

دامان طبیعت‌ده حصار سیز باغا دگمز

اشداد الی‌نین زینتی قیمت‌لی بیلرزیک

احراره ده‌میرده‌ن دوزه‌لن قولباغا دگمز

بی غیرت آدام قصرده اگلش‌سه ده آنجاق

زندان‌دا شهامت‌له یاتان دوستاغا دگمز

هر بیر یاراماز قولدورا تعظیمه‌انن باش

ظالم باشینا اندیریله‌ن توخماغا دگمز

ناحق لره یاردیم‌لیقا قالخان یوموروق‌لار

حق اوسته گناه‌سیز چکیلن دیرناغا دگمز

ایش گورمه‌ین آرتیق یئیه‌ن آغ جانلی بیله‌ک‌لر

بیر ایلمه سالان خیردا قابار بارماغا دگمز

هرگون بو فنا دهرده مین رنگه دوشن‌لر

یئل‌لن دولانان یئرده گئده‌ن یارپاغا دگمز

بو جرم و جنایت یئری‌نین جاه و جلالی

مولا بویوروب بیرجه جیریق باشماغا دگمز

خوشدور بو شعار: آزیاشا انسان یاشا«صادق»

چوخ چوخ یاشایان گورموشم اوچ مترآغا دگمز

علی عسگر صادقی(صادق) اردبیلی

farhad30
27th June 2013, 05:45 PM
سنی تاری بایرام خانیم

راضی اولما من اوتانیم

بایرام دا یوخدور تومانیم

گئت تبریزه، گلمه بیزه

من ده یوخ حوصله بایرام!

الیم بوشدور هله بایرام!

شیل اولاسان بئله بایرام

گئت تبریزه، گلمه بیزه

بایرام اگر گلسن بیزه

بیر شال گتیر قارا قیزه

گتیرمه سن، گت تبریزه

گلمه بیزه، گلمه بیزه

گلسن بیزه آغام جانی

باشین یاررام، آخار قانی

اوغلانین یوخدور تومانی

گئت تبریزه، گلمه بیزه

گؤرسن آخیر چرشنبه‌نی

سؤیله اینجتمه سین منی

پلووون یوخ یاغی– دنی

گئت تبریزه، گلمه بیزه

ساققیزی سالمیشام انگه

اوغلان گتدی منی تنگه

پول یوخدور وئرم فیشنگه

گئت تبریزه، گلمه بیزه

بایرام! واللاه یوخدور ناریم

یاری گورمه یه آپاریم

نار وئرمه سم، کوسر یاریم

گئت تبریزه، گلمه بیزه

وارلی یئییر یاغلی چیلوو

یوخسول چکر، غصه– خینوو

بیزده یوخدور، خوروز پیلوو

گئت تبریزه، گلمه بیزه

یوخسول مین درده توش اولار

مئی ایچمه دن سرخوش اولار

تبریز حالواسی خوش اولار

گئت تبریزه، گلمه بیزه

معجز شبستری

farhad30
27th June 2013, 05:45 PM
قارانلیقین کوچه سین ده‌ن گونش ضیافتینه

سفرده‌یم گئدیره‌م سئوگی مین زیارتینه

گره ک بو دار کومه ده‌ن اوز قویام سماواته

وئره‌م بویوک عرضی جوهرین طراوتینه

سفر بولیل لی سولاردان گره ک دی ماوی لیگه

قاتام بو دامجی نی دریالارین لطافتینه

قیرام نه باغلی لیقیم وار بو کوهنه توپراق دان

چکه‌ام قاناد ابدی وارلیقین مساحتینه

سفر سفر ابدی دور دونوم لی داغ دره لی

نهایتین ده چاتیر خلقتین قیامتینه

سفرده‌یم بویوروبلارکی یولچو یولدا گره ک

او دورکی ائلچی گئدیر کهکشان سیاحتینه

عباسعلی یحیوی(ائلچی)

farhad30
27th June 2013, 05:46 PM
ایلدیریم حک ائیله یر عرشه سما آیه لرین

عرش ده نقش ائله یر فرشه هدا آیه لرین

باغلایب قول قولا بیر جاذبه مین لر فلکی

مین هالای ذکر ائله یر گوی ده ثنا آیه لری

یئل اسیر یازنفسین ده‌ن اویانیر گوللو باهار

دولدورور جامه سوزه‌ن چاغدا صفا آیه لرین

هرنه وارسینه افلاک ده تسبیح ائله یر

ذکر ائدیر هرنه کی وار یئرده دعا آیه لرین

قابلیت آنا توپراق دا بویوک معجزه دیر

کی دوزوب سرگی یه خوش نشو و نما آیه لرین

بیر مقدس گئجه نین خاطره سین ده‌ن نه دئییم

حوری لر یای دی سماواته حرا آیه لرین

(ائلچی) از باب بشیرا و نذیرا قرآن

هر نفس نشر ائله یر خوف و رجا آیه لرین

عباسعلی یحیوی(ائلچی)

farhad30
27th June 2013, 05:46 PM
گوی ده ن منه بیر بایداقیزیل قان گتیریب لر

یوخ یوخ گونشین آلماسین احسان گتیریب لر

حیرت یوگوره رکن ائله اوزسوزله میشم کی

بوهیکله آلقان داچیمه ن جان گتیریب لر

بیر دالغالی جوشغون دنیزی من ده اکرکن

هر بیریئنی چیرپینتیما طوفان گتیریب لر

گوی قورشاغی منظومه لری بیرساپا دوزموش

بوسینه مه مین حالقالی کیهان گتیریب لر

بوجان کی غزل چشمه لرین ده ن می ایچیب دیر

هر دالغادامین شیهه لی دیوان گتیریب لر

بهت عالمی دیر سن هار بو من هارا بالله

بیلمم منی هاردانن هارا حیران گتیریب لر

قوی دال بادال انسین نفسون روحومه وحشی

مجنونلوقوما عشقی پریشان گتیریب لر

شاعردئیه بیلمز نه یازیر یا یازاجاق دیر؟

وحی عطرلی الهام لاری الان گتیریب لر

حورالره باخ ائلچی غزل طرحی توکنده

مضمون یئرینه آتش و عصیان گتیریب لر

عباسعلی یحیوی اردبیلی

farhad30
27th June 2013, 05:46 PM
دولغون سمالاردان یاغیر توفان لی توفان یاخشی باخ

حیران کونول ده چیرپینیر عصیان لی توفان یاخشی باخ

یئرسیز ده ییل بیر بویله های بیربویله گون بیر بویله آی

هاردان آخیر بیربویله چای بو جان لی توفان یاخشی باخ

جوشغون دی شاعرسینه سی اوددور اوره ک گنجینه سی

شاعر خیالیندان بیتر آلقان لی توفان یاخشی باخ

بو حس یوخ بیر جذبه دیر روحو یاران بیر ضربه دیر

توپراق جانین دیکسیندیریر عصیان لی توفان یاخشی باخ

رقصان دی عالم شبهه سیز هم غمزه گر هم عشوه ریز

وارلیق نه دی جوشغون دنیز طغیان لی توفان یاخشی باخ

آخ آخ ریاست ده ن دئمه زوردان سیاست ده ن دئمه

دیل باغلادار قان آغلادار بحران لی توفان یاخشی باخ

قوی کوکره سین قان چایلاغی جوشسون سوزون قان قایناغی

چاخناشدیران دا ائلچی نی جولان لی توفان یاخشی باخ

عباسعلی یحیوی اردبیلی

farhad30
27th June 2013, 05:47 PM
یار حرام اۏلسون منه وارلېق، سنینله اۏلماسام،

عشقیوین اکسیریله باشدان آیاغا دۏلماسام،

جسمیمی جانېم باهاسېنا الیمدن وئرمه‌سم،

دوشمسم زارو، خزان یاپراقلارې تک سۏلماسام

حؤرمتین ساخلاماز ایسم، اکدیڲین دانه‌لرین،

باخچاسېندان کؤنلۆمۆن هرزه آلاغې یۏلماسام

هر گئجه گۆندۆز دیلینده دۆزگۆنۆن بو شعروار:

یار حرام اۏلسون منه وارلېق، سنینله اۏلماسام

دوزگون

farhad30
27th June 2013, 05:47 PM
گئدیرم اؤزگه یارین شمعینه پروانه اولام
سئوگیمه لاییق اولان دیلبره دیوانه اولام

بیلمه دین قدریمی سن ، چوخلی منه ظولم ائله دین
گئدیرم ای داش اورک من سنه بیگانه اولام

عاقیلیدیم سنین عشقینده بئله من دلی اولدوم
یوخدی ایمکان کی دؤنوب بیر داحا فرزانه اولام

ایندی کی اوز چؤووروب طالع فرزانه لیغیم
گئدیرم من می ایچم ساکین میخانه اولام

منه لیلا گرک اولسون ، نه گوزل سئوملی یار
گئدیرم مجنونا تای عشقیده افسانه اولام

دئمه دیم بونلاری تا سن منه دوشمن اولاسان
بولگونن ایستییرم من کیمه جانانه اولام

farhad30
27th June 2013, 05:48 PM
قوی اوپوم گوزلرووی بلکه اورک دینجل‌سین

سن ده بیر کلمه دانیش منده دیلک دینجل‌سین

قوزا یئردن باشوو سال قولومون اوستونده

قؤل دولاشسین بویونا یانقی بیلک دینجل‌سین

باشووا دونمه‌ده یورقون دگیلم آمما آخی

اؤت قالا بیر دفعه وورقون کپه‌نک دینجل‌سین

پیشمیشم گون آلوویلا دؤداغیم قوپ قورودو

سنده بیر دامجی دامیز ساخسی سه‌نک دینجل سین

شاعیر: شریفه جعفری

farhad30
27th June 2013, 05:48 PM
سوسوزام، یانقی‌یام بیر دامجی دامیز

دولانما خیال سیز هاوادا بولود


دیل‌لندیر چمنی، دیل‌لندیر چایی

توختاسین کونلومده یارادا بولود

گوناه‌سیر بیر قادین اؤزون اوتلادی

اؤزو محکوم اولدو آرادا، بولود

آلیب گوزه‌لرین باشین قارا دِوو

دوئوشوب یورولوب سارادا بولود

آختار کیلیدین تاپ حاق قاپیسی‌نین

اینسانلیق قویلانیر پارادا بولود

حقیقت دالدادا بئله باتیر کی

داها باشی چاتمیر دارادا بولود

«دنیز» ساز گوتور اله سیزلییا

دردلری سیغمادی تارا دا بولود

شاعیر: شریفه جعفری

farhad30
27th June 2013, 05:49 PM
سوگیلیم زولفون توکوبدور گینه اول شانه سینه

قوربانام زولفونه هم زولفو گزه‌ن شانه سینه

گئجه گوندوز گزرم دلبریمین کویینی من

...چونکی یوخ منده لیاقت گئدم اول خانه سینه

دالیسیجان دوشرم فیکر و خیال ایلیه‌رم

دوشجکدیر پس هاچان سایه‌م اونون سایه سینه

حوری جنت ده گرک دیر گورورم حوری‌نی من

تا کی گوزلر ساتاشیر گوزلرینین قاره سینه

دوزدی غمزه اوخونون یاره‌سی کار ائتدی منه

لاکین آرزوم بو دی کی مرهم اولوم یاره سینه

من گونش اولسام اگر سنده گرک مهپاره

چونکی یئتمز اول گونش سئودیگی مهپاره سینه

شاعیر: الهامی علمداری

farhad30
27th June 2013, 05:49 PM
عشقه وئردیکجه کونول دردایله دریالاندیق

اتک آچدیقجا یخیب سدلری دنیالاندیق

دویغولار دالغالارا دونمه ده دالدیق دولدوق

اوتوروب بارلی باخیشلاردا تماشالاندیق

من عطش سن ده گونش عشقیمیز آتش آرادا

جلوه لندیکجه دل ذره ده گویالاندیق

اولدو لال کار بیزی کور تعبیر ائده‌ن تصویرلر

گوردولر هر دورو صاف گوزگوده رویالاندیق

گونش‌ین عشقینه مین رشک ایله آچماغدا آغیز

درو گوهر آخیدیب لولو لالالاندیق

بیزده بیر ذره قرار دوتمادی عشق ایله عطش

هئی پریشانلیقی آشدیق گئنه بلوالاندیق

دوشدو فیکر ائتمه چکیمده‌ن داها پیر اولدو موغان

هر نفس ده‌ن دم آلارکن ئینه شیدالاندیق

محمدعلی نهاوندی(موغان)

farhad30
27th June 2013, 05:50 PM
بسله‌ییب دیر سینه سینده چیلخا عصیان‌لار کوراوغلو

قالدیریب دیر گؤزلرینده قانلی طوفان‌لار کوراوغلو

دالغا دالغا آغ بولودلاردان قیرآت‌لان ایسلانیب‌دیر

اورمان اورمان هایلاییب‌لار بارلی نیسان‌لار کوراوغلو

پوتقو پوتقو کیشنه‌ییب آت شئه‌لی یول لاردان کئچیب دیر

چیرپینیب‌دیر چنلی بئل باغریندا وولقان‌لار کوراوغلو

دالغالاندیرمیش عدالت بایراغین آل یوردو اوسته

مین‌لر عشق اولسون گتیرمیش تازه دوران‌لار کوراوغلو

تا گؤروب‌لر قان قیلینجین آل گونش‌ده پارلادیب‌دیر

سسله‌ییب‌دیر جان جییردن، زوغ زوغ اورمان‌لار کوراوغلو

تورپاق اوسته لاله‌لردن ژاله ژاله عشق آخاندا

سؤیله‌ییب قان‌لار کوراوغلو، دینله‌ییب جان‌لار کوراوغلو

وار آدین زنگین قوپوزلاردان یاییلمیش ماهنی ماهنی

هایدی بوی بوی سؤیله‌ییب‌لر اسکی دستان‌لار کوراوغلو

بوردا بیر سورگون آتین کیشنرتی سسی داغلاردا قالمیش

آختاریرلار هئی اودور ائل‌لرده کروان‌لار کوراوغلو

کاظم نظری(بقا)

farhad30
27th June 2013, 05:50 PM
کؤنول کؤنول سیزه غوربت‌ده ناله‌دن یازیرام

سینیق سینیق آیا، ایوان‌دا هاله‌دن یازیرام

آران‌دا بولدوزرین قانلی قیناغین گؤروره‌م

چمن چمن پوزولان غملی لاله‌دن یازیرام

زامان دوداق لارینا بوش پیاله‌لر چیله‌نیب

چاخیر چاخیر اوره‌یه قان پیاله‌دن یازیرام

آیاق لانیبدی شوخوم‌لوق‌دا آرزولار چیچه‌ییم

نه آرزو بیر تیکه روح مچاله‌دن یازیرام

بولاق بولاق قورویوب بختیمین ایشیق گؤزه‌سی

قارانلیغا بورولان کور شلاله‌دن یازیرام

حکایه‌لر پوزولوب، قالماییب‌دی نئی‌ده نوا

اوتورموشام هله پیس پیس نواله‌دن یازیرام

بوداق بوداق باهاری داللاییب‌دی کوز دولوسو

دایانمیشام هله من رقص ژاله‌دن یازیرام

نه دالغا دالغا قالیب بوغدالیق نه بیلدیرچین

نه دنسه من هله یئردن، قباله‌دن یازیرام

باهارلی سؤزلره نئیلیم کاغیذ عطیرلنمیر

نه دن بقا! سیزه من زر کلاله‌دن یازیرام

کاظم نظری(بقا)

farhad30
22nd July 2013, 02:04 PM
هر دلبرین کی عاشقه جور وجفاسی وار
ظن ائتمه بی وفا اونو چونکی وفاسی وار

پروانه ایله بولبولو بیر توتما عشقده
پروانه یانسا بولبولون آنجاق نواسی وار

fahimeh33
23rd July 2013, 09:52 AM
ناز نفست قناری
:62:
نامرده هرکی این پست منو حذف کنه

ஜஜ ghazal ஜஜ
23rd July 2013, 10:03 AM
ایستیرم گوزلریوین نقشینی تصویره چکم
نیلییم سنسیز عزیزیم گنه دنیاده تکم
سن منیم نازلی گولوم سن گوزلیم دردین آلیم
اوزون انصاف ایله سنسیز نجه دونیاده قالیم

meygol
30th July 2013, 10:55 AM
[Only registered and activated users can see links]

meygol
30th July 2013, 10:57 AM
[Only registered and activated users can see links]

مهدی...
2nd August 2013, 05:20 PM
ملمع :ترکی فارسی:



...
منه باخ سن ای وفاسیز ، کی قاپوندا بیر اسیرم

نروم زکـویـت هـ رگز ، بـه درت اگـــر بمیرم

سنه من وئریلمیشام بیل ، نه یه قائیللیتون وار ؟

که تویی همیشه صیاد ، قفس ات چنین اسیرم

او گوزل باخیشلاریندان ، دونه بیلمیرم عزیزیم

نظرم چو بر تو اوفتد ، دگر از تو برنگیرم

بیلیسن هلاکووام من ، منه تای داها تاپیلماز

به میان عاشقانت ، تو ببین که بی نظیرم

بو یانار آلولی عشقین ، خبرین جهانه ساللام

برسد بگوش عشاق ، که در این سرا سفیرم

گله رم دالونجا آی قیز ، هایانا مسافر اولسان

بشوم چو سایه با تو ، به دمی که من اجیرم

دوزه رم بو درده لابد ، اوزون ایللری کچیردم

به جز از دوای دیدار ، کرمی نمی پذیرم

( کیانام ) آغاردیرام من ، اورگیمده هرنئیم وار

اگر او شود شهنشه ، به درش همی وزیرم



( کیان ) حسن کیانور

ملمع ترکیب شعری دو زبان که یک مصرع بزبانی و مصرع بعدی به زبان دیگزی باشد .

در این غزل مصر اول ترکی و مصرع دوم فارسی می باشد .

............
ترجمه ملمع ترکی و فارسی :

بمن نگاه کن ای بی وفا که به درت اسیرم
نروم زکویت هرگز ، به درت اگر بمیرم
دل باخته تو شده ام به هر کی که اعتقاد داری
که تویی همیشه صیاد قفس ات چنین اسیرم
آز آن نگاه زیبایت نمی توانم برگردم عزیزم
نظرم چو بر تو افتد دگر از تو بر نگیرم
میدانی که هلاک تو هستم دیگر مثل من پیدا نمی شود
به میان عاشقانت تو ببین که بی نظیرم
خبراین عشق سوزان را به جهان میرسانم
برسد بگوش عشّاق که در این سرا سفیرم
به دنبالت می آیم ای دختر به هر کجاکه مسافرباشی
بشوم چو سایه باتو به دمی که من اجیرم
این درد را تحمل می کنم که لابد سالها سپری شود
به جز از دوای دیدار کرمی نمی پذیرم
کیان هستم روشن می کنم در دل هر چی دارم
اگر او شود شهنشه به درش وزیرم
کیان

farhad30
4th August 2013, 02:28 PM
آقا مهدی بسیار زیبا و قشنگ است . دست گلت درد نکنه :606::606::606::606::606:

farhad30
4th August 2013, 02:28 PM
گل باجوون ترک ایلیور غصه لی دونیانی حسین

صون نفسده گزوري سن كيمي جاناني حسين

ایلیوب عشقون ازلدن منی دلبسته سنه

باغلیدی جانیوه غمدن يورولان جانی حسین

دم آخرده ده عشقون منله مونس اولوب

عشقی تکمیل ایلدیم قالمیا نقصانی حسین

اللی بیر ایلدی بو ارزیمدی چیخان وقته جانیم

سن تلاوت ايده سن آيه قرانی حسین

تئزآيیردی فلک ایلدن منی يالقيزلاميشام

درديمون بيرجه فقط سنده دي درماني حسین

آنام اوغلی منه گل مرحمتون شامل ایله

شاد ایله غملی چاقی بو دل نالانی حسین

غم هجرونده یانیب دوندی کوله خسته گوگل

سوندوره بیلمدی بیرزاد دل سوزانی حسین

دلخوشام کوی محبتده سنه یولداشیدیم

ایکیمیز خوار ایلدوخ زاده سفياني حسین

کربلا گلشنی ایات خداییدی ولی

منی یاندیردی او گل لبلرین عطشانی حسین

اولمادی ممکنوم اول پیکری دفن ایلماقا

قوری توپراقلارا تاپشیردیم او اعضانی حسین

چیخمیوب لحظه یادیمدان سینه وون اوخ یاراسی

لرزیه سالمیشیدی عالم امکانی حسین

شامه دوندي سحريم جان ويرورم بوخدي كسيم

گل گتور شامه بو گون روضه رضوانی حسین

farhad30
4th August 2013, 02:29 PM
ساغلیقینکن هئچ قدرینی بیلمدیم نه بیلیدیم الدن گئدرسن آتا

بو غربت دونیادا تک قویدون منی اورگیم نسگیلین بیلمیرسن آتا

سیلیپ سوپورموشم کوچه نین توزون

یولومون چراغی اولوبدور سوزون

گوزلروم گله سن بیر یولدا اوزون

اما حاییف اوزاق گزرسن آتا

هایانداسان سنه سسیم یئتیشمیر

اغیز اچیب اورک یارام بیتیشمیر

دردیم گیزلین اولوب گوزه گوروشمیر

گله بولسن اوزون گوررسن اتا

فلک سنی چکدی قرا توپراقا

ایله یخیب دورانمازسان ایاقا

شیرین باخیشلارین دوشدی اوزاقا

باخسان اوزاخداندا گوررسن اتا

farhad30
4th August 2013, 02:30 PM
چم دوتوب شهری گوز گوزی گورمور ظولمات بورویوبدیر بوتون دونیانی

ایلدیرملار شاخیر داغلار تیترییر سئل آلیب آغزینا باغی باغچانی



قارا بولوتلاردان بلادور یاغیر آرزی باغلارینا دولی دوشوبدی

هر کس اوز جانینین هایینا قالوب یادیندان چیخاردیب آنا بالانی



بویاندان سئل گلیر دره دولوسی هئچ زادا رحم ایتمیر کوکونی قازیر

اویاندا ایتلدیب قوتلار دیشینی بیلمیرم گیزلدیم هایاندا جانی



صداقت محبت عدالت داها اوشاقلیق چاغیندان کوسوبلر مندن

غریبلیق قوخوسی دولدوروب چولی انسانلار اولوبدی انسان دوشمانی



بیر غیرت یولداشدی بیر همت منه من هر ایکی سیندن اوز چووورموشم

اوز جانیم اوزومه چوخ شیرین گلیر بوشلمیشام هله دینی ایمانی



غیرت جوشور سئلین کسسین قاباقین قویماسین داغیدا باغین وارلیقین

همت یاخین گئتمیر اوزاقدان باخور بوشلییوبدی هله من تک میدانی



غیرت ال چکیبدی اوز حیاتیندان جان قویور قوتارا جانیمی منیم

منده همتیله خبریمیز یوخ سئل یووب آپارور بتون وریانی



یئل ده بیکار دگول سوز پایلاشدیریر بیرین سویوندورور بیرین آغلادیر

خلقی بیر بیرینه دوشمان ایلییوب قانلار توکولدوقجا دورولور قانی



بیر یئل اسدی منده آچدیم گوزومی قلاقیما آغیر بیر سس یتیشیب

غیرت یالقیز قالیب سئل قاباقیندا تک قالیب میداندا یوخ ال دوتانی



همت اوزادیبدی راحات قول قیچین سیره چیخوب یتدی شیرین یوخودا

قلاغی ائشتمیر گوزی گورموری نه اوزی آییلیر نه ده وجدانی

******

بولوطلار بوشالیب من آغلییرام آشاغی یوخاری یولداش گزورم

آختاروورام تاپام بیرده غیرتی نه سسی گلیری نه وار نشانی



چوخ باخوب دولانوب گزن دن صونرا غیرتین داغیلمش لئشین تاپمیشام

آز قالیر جان ویره الیمین اوسته بیر درده دوشوبدور یوخدور درمانی



چاتمیشام شهره اما نه فایدا اونلارون یوللاری مندن آیریدی

داملاری سو ویرمیر ایولری ایستی قاتیبلار بیر بیره قیزی اوغلانی



من باخیب یانیرام غیرت جان وئریر اونلار طوی دوتوبلا شادلیقدادیلار

ال اله ویورلر اویونولار هله خوش گئچیر اولارون بیزدن دورانی



محبت بولاشیب قانا تپراقا عدالت یازیلیب فقط دفتره

کاش غیرت گوز آچا دورا آیاقا قورتارا غصه دن یورقون انسانی

farhad30
4th August 2013, 02:30 PM
سن جانیمسین ظولم ائتمه کلبیمه
بیر باکارسین یانارسین حالیمه
آه گؤزوندن دوشموشوم بن نییه

گه ل گئجیکمه بو حالی عمرومده
گه ل گون گلیر آغلیرسین کابریمده
آه گؤزوندن دوشموشوم بن نییه

نه اولدو جان ؟ نه اولدو اونجا یاشانانلار
نه اولدو جان ؟ شیمدی نه ره لرده سین کیمله رده سین
هانی سنین جانانین بندیم

نه اولدو جان ؟ آیریلمازدین بیر آن یانیمدان
نه اولدو جان ؟ بن سیز بیر یئرلره گیتمه زدین
شیمدی اسن یئللرده می سین

بن هر شئیمی سانا وئردیم
یوللارینا جانیمی سردیم
اؤیله بیر سئودی کی بو کالبیم
اونوتماز آرتیق بیر آن سنی
اؤیله بیر سئودی کی بو کالبیم
یاشاتماز آرتیق سئودان بنی

نه اولدو جان ؟ سن ائویمین پنبه گولویدون
نه اولدو جان ؟ شیمدی باشکا ائولرده میسین
دویدوم کی اونوتموشسون بنی
اؤیله می جان

چی شد جان من

تو جان منی به دلم ظلم نکن
یکبار می بینی که دلت به حالم می سوزد
آه چرا من از چشمت افتادم ؟

بیا و در این آخر عمرم دیر نکن
بیا ، روزی می رسد که بر مزارم گریه کنی
آه چرا من از چشمت افتادم ؟

چه شد جان من ، چه شد به آن ایامی که با هم بودیم ؟
چه شد جان من ، حالا کجاها هستی ، با چه کسانی هستی ؟
مگر من جانان تو نبودم ؟

چه شد جان من ؟ یک لحظه هم از من دور نمی شدی ؟
چه شد جان من ، بدون من هیچ جا نمی رفتی ؟
اکنون همراه بادهای وزنده ای

من همه چیزم را به تو دادم
جانم را سر راهت پهن کردم
دلم چنان عاشقت شد
دیگر یک لحظه هم ترا فراموش نمی کند
دلم چنان عاشقت شد
عشق تو آخر نمی گذارد زندگی کنم

چه شد جان من ، تو گل صورتی خانه ام بودی
چه شد جان من ، اکنون در خانه های دیگر هستی
شنیدم که مرا فراموش کردی
پس که اینطور جان من

farhad30
4th August 2013, 02:31 PM
بوداغیمدان یارپاق تک
طالع قوپارتدی سنی
منه گتیرن یوللار
هارا آپاردی سنی؟

سنی الیمدن آلیب
کیمه یار ائتدی دنیا
غنچه آرزولاریمی
تارومار ائتدی دنیا
نه دوستوم نه سیرداشیم
نه همدمیم اولمادی
بوتون آرزولاریم تک
سن ده منیم اولمادین


همانند برگی از شاخه ام
تو را کند ، طالعم
راهی که تو را به من رسانده بود
کجایت برد؟
تو را از من گرفته
یار چه کرد دنیا
آرزوهای جوانم را
تار و مار کرد دنیا
نه دوست و نه محرم راز
نه همدمی دارم
همانند آرزوهایم
تو هم نشدی یارم

farhad30
4th August 2013, 02:31 PM
کؤنلومون قاپیسینی باغلادیم
عشقیمین یاسینی ساخلادیم
هر گئجه هر گئجه آغلادیم
سندن سورا سندن سورا

گئتدین بیر داها گلمدین
طالعین اوزونه گولمه دین
نه لر اولدو بیلمه دین
سن دن سورا سندن سورا
حسرتین سینه لره ائیله ندی
کوله کلزده آدین سؤیله ندی
گل گؤر منی درد نئیله دی
سندن سورا سندن سورا
گئجه لر کؤنلومه دولدو
گونلریم آهی زار اولدو
بو دنیا منه دار اولدو
سندن سورا سندن سورا
حسرتین سینه مه ائیلندی
کوله کلرده آدین سؤیله ندی
گل گور دردین منه نئیله دی
سندن سورا سندن سورا

****

بعد از تو

دروازه دلم را بستم
عزای عشقم را گرفتم
هر شب ، هر شب گریستم
بعد از تو ، بعد از تو
رفتی دیگر برنگشتی
بر سرنوشت لبخند نزدی
چه ها شد ندانستی
بعد از تو ، بعد از تو
حسرت ات بر سینه ام جای گرفت
با بادها اسمت خوانده شد
بیا ببین درد با من چه کرد
بعد از تو ، بعد از تو
دلم از تاریکی شب پر گشت
روزهایم به آه و زاری گذشت
دنیا بر من تیره و تار گشت
بعد از تو ، بعد از تو
حسرت ات بر سینه ام جای گرفت
با بادها اسمت خوانده شد
بیا ببین درد با من چه کرد
بعد از تو ، بعد از تو

farhad30
4th August 2013, 02:33 PM
هاياندا قالموسان اي ماه پاره من گيديرم

تاپانماديم سني گزديم دوباره من گيديرم

امان يوخومدي دورام صبح اچيلسا بلكه گورم

سحر چاغي سني عطشان ستاره من گيديرم



گچن گئجه يريوي بوش گوروب سيزيلدامشام

تاپولمادي منه بير راه چاره من گيديرم



نه سو تاپولدي خيمده نه ده سودوم اولدي

فلك مني ايلدي بخت قاره من گيديرم



دئديم سو ايستمه سن ايلمشدون اوخ هوسي

يتوردي عشق سني اعتباره من گيديرم



علاجيم اولمادي حسرتله سندن ال اوزودوم

ديديم ويره له سو ديلسيز شكاره من گيديرم



عجب سو ويردي سنه حرمله شل اولسون الي

ويوربدي خرمن صبره شراره من گيديرم



بير حاله سالميشيدي اوچ پر اوخ آقام ناچار

علاج گوردي كي قويسون مزاره من گيديرم



خيامه گر گتوريدي آنان دوزنمزدي

گل اچميشيدي بوغازونده ياره من گيديرم

مهدی...
5th September 2013, 05:48 PM
سن سیز ای گول کونلومون بیر دم قراری یوخدو، یوخ
سن دن اؤزگه، نئیله سین، بیر غمگساری یوخدی، یوخ

درد هیجرین چاره سی هرچند بیلدیم صبرایمیش
نئیله ییم، بالله بو دریانین کناری یوخدو، یوخ

لئیلی- لئیلی سؤیله ییب چوخلار دئییر کیم عاشیقم
لیک مجنون تک اونون بیر داغداری یوخدو، یوخ

گوللری، بولوللری، آب و هاواسی چوخ گؤزل
حئیف کیم بو گولشنین بیر گولعذاری یوخدو، یوخ

هئچ عیبین یوخ، گؤزلیک هامی سنده جمع دیر
نئیله ییم آمما کی، عهدین اعتباری یوخدو،یوخ

سن نه بسلرسن بو ترلانی نباتی، روز و شب
من بو داغی چوخ دولاندیم بیر شیکاری یوخدو، یوخ


"ابوالقاسم نباتی"

farhad30
7th September 2013, 12:10 PM
ائلیمین اوبامین سازینا بندم
ظولمه باش اَیمی‌ین قئزینا بندم
گورمه‌لی قئشینا یازینا بندم
الدوزلار ایچینده دان اولدوزویام
افتخاریم بو دور آذر قئزییام

بینامی قویوبدور عشقیله آنام
اویره‌دیب ائلی مین دردینه یانام
اولکه‌می عزتیم شرفیم سانام
الدوزلار ایچینده دان اولدوزویام
افتخاریم بو دور آذر قئزییام

کوکومو قازمالار، قورودا بیلمز
اوزگه‌لر دیلیمی اونودا بیلمز
سوزو دوشونمی‌ین، بونودا بیلمز
اولدوزلار ایچینده دان اولدوزیام
افتخاریم بو دور آذر قئزییام

قوربانام آدینا آذربایجانین
یورغون اولادینا آذربایجانین
ائل چاتسین دادینا آذربایجانین
الدوزلار ایچینده دان اولدوزویام
افتخاریم بو دور آذر قئزییام

farhad30
7th September 2013, 12:10 PM
منـــــــــــــه باخ


چکــــرم نازینی نازلان گــــوزی جیــــــران منه باخ
منه باخ سئــــوگلی جانان جــان الانسان منه باخ

حسرتین دن یانارام شمـع کیمی هرگون گئجه لر
نه دوربسان سونور عـومرین شمعی جانا منه باخ

سینه ایچــره اورگیــــــم هر گئجه لر قـــان اغلار
قــوی اولوم هر گئجه قـوربان سنه جانان منه باخ

یانیروق عشـــق اودینــا هر بیـــــری میز بیر یاندا
گل قـــوتارسین بو فـراقین گورلیـــم سن منه باخ

سـاخلارام گوزلریم اوستینده عــــزیزم سنی من
سینه ام اوستــــونده یاتان گـــوزلرنی آچ منه باخ

قــــوی سنه کولکه اولــــــوم دالدالانیم قــامتینه
یول گئدنده گوزلیــــــم بیر دو لان هــردن منه باخ

ایستمه عشــــق اودینا من قــوجالان واختا یانام
آتش عشقینی ســــوندرماق اوچـون بیر منه باخ

ای عزیزیم نئیه صـــدرانی قویورسان غریب غربته
سن قریب کونلیمی یاد ایله سون هردن منه باخ

farhad30
7th September 2013, 12:11 PM
هفته گئجدی آی دولاندی ائیل اوتدی
گلن گلدی گئدن گیدی نه فایدا

گوز یاشینی سندن مندن خبر سیز
سیخان سیخدی سیلن سیلدی نه فایدا

نه من بیر سوت امر نه سن بیر اوشاق
بو دونیانین بئشی قارا بئشی آق

باریشیرسان گل واختیندا باریشاق
ساچ اغاردی بئل بوگلدی نه فایدا

داغلارا باخ ذیروه لری قار المیش
آرانا باخ گول چیچگی سارالمیش

حسین عارف بوندان سونرا هاچالیش
بیچن بیچدی یغان یغدی نه فایدا

farhad30
7th September 2013, 12:11 PM
آنا یوردوم
گلدیم
حس ائدیرم جوان اولموشام
غــربته
غریب لیگ چکیب سولمشام
یاشــــا دیم غربته
دادمادیم وطــن دادین
غریب لیگ چکیب
چخاردمادیم یادیمدان وطن آدین
گلدیم چخدیم داغــا داشــا
سسله دیـــــــم
وطنیــــــــــــــم یـا شـــــا
قوی قوجاغوندا بیر یاتیــــم
غریب لیگین داشین آتیــم

farhad30
7th September 2013, 12:13 PM
گوزلرین آچ بیر گئجه تا من گوروم میخانه نی
( چشمهایت را یک شب باز کن تا من میخانه را در آن ببینم )
دونیانی ترک ایلییپ من دولدوروم پیمانه نی
( دنیا را ترک کرده ، پیمانه را پر کنم )
بی وفا اولسا نیگاری بیر کسین بیچاره دیر
( اگر یار کسی بی وفا باشد ، او بیچاره است )
بولبولون حالین دوشونمز گول، دئمه افسانه نی
( حال بلبل را گل نمی فهمد ، پس افسانه سرایی بس است )

اوت توتار عشقین یولوندا جان ورر بیچاره شمع
( شمع بیچاره در راه عشق آتش میگیرد و جان می دهد )

اما عاشیق سویلیرهر کیم گوره پروانه نی
( اما عاشق دوست دارد که هر کسی پروانه را ببیند )

قانلی کونلوم گوزلییر یول تا سنه قوربان اولا
( چشم خونبار من چشم به راه توست تا قربانت شود )

گل بو هیجراندان خراب ائتمه داها کاشانه نی
( از این هجران بیا و دیگر کاشانه را خراب نکن )

هر کونول الدن وره یارین او بیر ویرانه دیر
( هر دلی که یار خود را از دست بدهد یک ویرانه است )

بیر نظریار ائلسه آباد ائدر ویرانه نی
( اگر یار یک نظر بکند این ویرانه آباد می شود )

گر منی چکسن دارا اولدورسن الدن توتمارام
(اگر مرا به دار می کشی ، بکش ، من تو را از دست نخواهم داد )

اولدور نده اوپ محبتدن دل دیوانه نی
( آری بکش ، نه این که از روی محبت دل دیوانه را ببوسی )

عاشیقه بیر گون دئدیم ترک ائله او یاری ، دئدی
( یک روز به عاشق گفتم ، یارت را ترک کن ، گفت )

بیلمیسن عشق آتشی له یاندیریپ غمخانه نی؟
( نمی دانی که با آتش عشق غمخانه را به آتش کشیده است ؟ )
هامینی ترک ائلرم هر کیمسه واردیر دونیادا
( همگان را ترک می کنم ، هر کسی که در دنیا هست )

اما من ترک ائدمرم او ساقی دوردانه نی
( اما من آن ساقی دردانه را ترک نخواهم کرد )

سنده گل ترک ائله مسجید تا گئدخ میخانه یه
( تو هم بیا مسجد را ترک کن تا با هم به میخانه برویم )

توبه ائد ،سن محرم اول اوپ دیلبر جانانه نی
( توبه کن ، تو محرم شو و دلبر جانانه خود را ببوس )

سونرا گل با هم "وفا" جاندان اولاخ قوربان اونا
( بعد بیا ای وفا تا با هم از جان و دل قربان او شویم )

آغلایاخ شاید اشیدسین گریه ی مستانه نی
( گریه کنیم با هم تا شاید گریه مستانه ما را بشنود )

farhad30
7th September 2013, 12:13 PM
با هالخدان
الله ئوزون حفظ ايله جهانه باهالخدان
حفظ ايله ئوزون خردو كلانه باهالخدان

بوبرهه ده انصاف ومروت ويجه گلمز

ايمان ازاليپ يوخدو يالانه با هالخدان

افسوس حقيقت اوزونه چكديلر پرده

ايمانه اولان قلبلره گتديلر درده

هر يركه گونش اولدو قوروت سرديلر اوردا

هي زالو گيمين سوردولر قانه باهالخدان

فرلانده عومور اهيله افغانيله گدي

يغده بركت سفره سين احسانيله گدي

مال غارت اولوپ اوغرو دايرقانيله گدي

گتدي اپاروپ شرم وحياني باهالخدان

چوخ چوخ سوروخ گونده بيزه هي گله مهمان

مهمان گله خوشحال اولار مردم ايران

اما باهالوخ جامعه ني ايله ده بحران

خلق انده باسير باغرا سوغانه باهالوخدان

امكان اولا اي كاش قيده بيرده اوجوزلوخ

مردم شاد اولا ايليه عمرون اونا قللخ

بوشرطيله كه باشلاميا بيرده فضوللوخ

تا توتمويالار شيشه يه قانين باهالوخدان

افسوس گچن گونلريميز بيرده قيتمز

حرمت كه سينيب خلق اولوب افسرده قيتمز

عرض ايليرم بوسوزو بي پرده قيتمز

گنده چكيليب دونياي فاني باهالخدان

هي گونده ديدوخ مردم ايران دوشوننده

حق بنده سي ده حق سوزون هرياندا دينده

گوردوخ باباجان داش قوتاريپ قوزدا توكنده

ديبدن قورويوب نطق وبيانه باهالخدان

بواولكه ده داي دين وشريعت ويجه گلمز

ايمان قوجاليب داي قوجا ايمان گوجه گلمز

يوخدور سوروشان اي بابا صابر نجه گلمز

عقلون لاپ ازيپ يازما يالان باهالخدان

farhad30
7th September 2013, 12:14 PM
قضا
قضا انسانلاره مغرور ادیبده

ریاست گوزلرینی کور ادببده

چالیپ چالخاشدریپ اوضانه تاکه

بساط عیش ونوشین جور ادیبده

توتوپ گرد وغباره زور وتزویر

که قلبین گور نجه مستور ادیبده

الیب اطرافین افرادی طمع کار

حقیقتدن گوزینی دور ادیبده

عنان دست نادانه ورنده

قلوب ملته رنجور البده

قورندا زورویلن دارلحکومه

هر ایشده دوستلارین منظور دیبده

بویرده چونکه اشپز ایکی اولده

غذانه بی نمک یا شور ادیبده

بو امره مات وهیران قالموشم من

سیزه کیم بوایشه مجبور ایدیبده

قرانلوقدا چکیب باشیزه یاتدیز

ایوخ دشمن سیزه محسور ایدیبده

سیزیلار نی تکین همواره صابر

ولاکن حق سوزن منشور ادیبده

farhad30
7th September 2013, 12:14 PM
قناری جان
قناری جان نیچون چوخلو غمگین سن

منم قلبیم کیکین سنده یفقین در فکر تسکین سن

قناری جان غموندن یاخشه درکیم وار

باشیوندا اوچما فکرون وار

اوچوپ قاشماخ ارا اشماخ

دورگنیدن دوروییدناوزاخلاشماخ

قناری جان چوخ ایستردیم اوچایدون سن

اوجایرلرده سیرادمیش قانادلاروناچایدون سن

اوجایردن اوجا فریادیلان فریادادیدون کاش

هامه نامرد لرین رویالرین برباد ادیدون کاش

که ای سیزلر مین لر گجه یلدا سیزه لای لای چالبده

سیز یوخلایب سیز دوریزه دوشمن الیبده

یاتان لار خواب غفلتده

یاتیپ قالدیز جهالتده

چکین سیز ال بو عادتدن

دورین خواب جهالتدن

دورین خواب جهالتدن

farhad30
7th September 2013, 12:14 PM
شکوه لی سوز
بیلمم نیه هر یاندا بلا پس بیزی توتدی
هر بیر یانار اوت دوشدی گولستانی قوروتدی

بیلمم نیه نعمت بولاغین قاینادان الله

یوسقوللاری بس بیر بیله نعمت دن اونوتدی

بیلمم نیچون یوسوفه حُسنی ورن الله

عشق آتشینه قلب ذولیخانی چوروتدی

دوستلار نه خطا ایلدی دوستلوخدان علاوه

دوست اوستونه دوشمنلری دائم یوگوروتدی

دولتلیه رضواندی جهان یوخسولا زندان

ایپ سالدی بو یوخسوللاری زندانه سوروتدی

صابر اشیدیپ بو سوزی باخدی منه گولدی

عرض اتدی بالا بیزلری بیگانه چوروتدی

احساسیله اویناتدی بیزی عقلیمیز آزدی

ئوزباشینا بو میللتین ئوز داشینی سورتدی

پابند اولوپ بس کی خرافاته مسلمان

غفلتده گالیپ چشمه ی تقوانی چوروتدی

بیگانه چالیپ لای لایه خلق یوخلادی یاتدی

ئوز بارماقینی میللتین ئوز گوزونه دورتدی

farhad30
7th September 2013, 12:15 PM
سنه قربان

گجه گوردوم قورولوب مجلس اعيان سنه قربان
نجه مجلس ديه سن روضه ي رضوان سنه قربان
بير طرفده اوتوروب مفته يين لر هاموسي
بير طرفده سالنيب سفره ي الوان سنه قربان
بير اوجا صوتيله گوردوم كه چاووش سسلنيري
مكه دن گلده جماعت حاجي بهمان سنه قربان
من ده چيخديم كوچه يه تا كي گورم وار نه خبر
گوردوم اطرافه آليب قيز گلين اوغلان سنه قربان
صف چكيب دوره ليب چاپلوس آداملار حاجي ني
هچ ولايتده پوزولماز بيله بوستان سنه قربان
او جماعت آراسيندا آق عرقچينده حاجي
گوبلك تك باش آچيب اولدي نمايان سنه قربان
حاجي پول خرج ايليب آلدي لقب اولدي حاجي
عيبي يوخدور اولا يا اولمويا ايمان سنه قربان
خبر آلديم حاجيدان شيطانا داش وورماقيني
ديدي آتديم داشي گولدو منه شيطان سنه قربان
ديديم حاضر اولا بيلدون كسن اسماعيليوي
ديدي فكر ايله مديم بو ايشه اصلان سنه قربان
آللاديب آللاداجاق ملته تزويرچي لر
آللانيب آلاناجاخ قيز ، گلين ، اوغلان سنه قربان
خواب غفلتده ياتيپ خورنا چكر ملت هامو
باسيپ حتما بو گجه ملتي يورقان سنه قربان
ايتيميز قورتا دونوپدور قويونون واي حالينا
داها مشكل تاپيلا ايچماقا ايران سنه قربان
دره لر خلوت اولوپدور ، تولكي لر بيگ بزنيب
يازليپدير خروزين قتلينه فرمان سنه قربان
زور و تزويريله زر باخ كي نجه ال بير اولوب
جاليب ير أوزونه ، سو يرينه قان سنه قربان
دمكراسي هارا بس كنده و زنجيره هارا
روا بيلمز بو ايشي حيوانا حيوان سنه قربان
وار اميديم داغيلا بتكده بتلار سينالار
اولا تا كاخ ستم خاكيله يكسان سنه قربان

farhad30
30th September 2013, 11:36 AM
گئد یاشا سئوگیلیم سن خوشبخت یاشا



گؤنش قؤزئیلرده قانا باتیردی

آرزولاریم باشین آتیب یاتیردی

بیر سئوگینین عومرو سونا چاتیردی

طالعین اوینونا قالدیم تاماشا

گئد یاشا سئوگیلیم سن خوشبخت یاشا



یاتیبدیر سینمده حسرتین چنی

اریدیر آیریلیق گون به گون منی

تاپشیردیم آللاها قؤروسون سنی

بو سئوگینی وورا بیلمه دیم باشا

گئد یاشا سئوگیلیم سن خوشبخت یاشا



سئوینج یوللاریندا ایزیم قالمادی

آلؤوم سونوبدور کؤزوم قالمادی

هئیم گئدیب الده ن دؤزوم قالمادی

اومودون اوخلاری توخوندو داشا

گئد یاشا سئوگیلیم سن خوشبخت یاشا



آرادان یوللاری بیچه بیلمه دیم

آیریلیقین قانین ایچه بیلمه دیم

وصال کؤرپوسوندن کئچه بیلمه دیم

گؤزومون دنیزی ایسته یر داشا

گئد یاشا سئوگیلیم سن خوشبخت یاشا



اؤره یم دردلیدیر اؤره یم آغیر

اؤره یم سئوگی سیز اؤره یم ساغیر

گؤلومسه سون دفعه آدیمی چاغیر

"یالغی" یام اللریم چئخیبدیر بوشا

گئد یاشا سئوگیلیم سن خوشبخت یاشا